සජබ පාර්ලිමේන්තු මන්ත්රී රාජිත සේනාරත්න මහතා අද දින සිය ෆේස්බුක් පිටුවේ විශේෂ සටහනක් තබා තිබේ. ඒ මෙසේය.
‘මාධ්යයේ නිදහස වෙනුවෙන් එදා සිට පෙනීසිටි පුද්ගලයෙකු ලෙස,
සැබෑ මාධ්යවේදියෙකුට හෝ
සත්ය වාර්තාකරන මාධ්යයන්හට
කිසිවිටෙක
මම එරෙහිවී නැත..
මාගේ දේශපාලන ප්රතිපත්ති හෝ භාවිතාවන් විවේචනය කිරීමට ඔවුන්ට ඇති නිදහසට ද මම එරෙහි වී නැත.
එහෙත්
තමන්ගේ මාධ්ය අවකාශයෙන්,
පදනම් විරහිත මඩගසන විට, අප ඊට පිලිතුරු දියයුතුය.
ඊයේ දිනයේ,
රංජිත් මද්දුමබණ්ඩාරගේ මිත්රත්වයේ ආරාධනයක් පිලිගනිමින්,
ඔහුගේ නිවසේදී
මම ඔහු හමුවුනෙමි.
ඒ අවස්ථාවට,
කබීර්.. ලක්ෂ්මන් සහ තිස්ස සහභාගි වී සිටි අතර
එය සුහද සාකච්ඡාවක් මිස
විනය කමිටුවක් ලෙස
දැකීම,
මව්රට දුටු සිහිනයක් වියයුතුය..
ලිඛිතව දැනුම්නොදී, නිවාසයක හමුවී සිදුකරන විනය පරීක්ෂණ තිබේද?
ඩයනා ඇතුළු පක්ෂය හැරගිය 15කට අධික මන්ත්රීවරුන් පිරිසකට නොපැවැත්වූ විනයකමිටු පවත්වූවා යැයි කියන්නේ, තවමත් පක්ෂයේ සිටින මටද?
(මාගේ හෘදසාක්ෂිය ඉදිරියේ මිස, කිසිවෙකුගේ කමිටු ඉදිරියේ; මාගේ දේශපාලන දැක්ම පිලිබඳව නිදහසට කරුණු පැවසීමේ උවමනාවක් මට නැත)
ප්රස්තුත මාධ්ය සාකච්ඡාවේදී
මාගේ සම්පුර්ණ කතාව ශ්රවණය නොකර,
වැරදි අවබෝධයකට පැමිණි අයෙක් හො කණ්ඩායමක් වේ නම්,
එය ඔවුන්ගේ ප්රශ්නයක් මිස,
මගේ ප්රශ්නයක් නොවේ..
එම නිසා, “එවැනි ප්රකාශ යලි නොකරන බව”ට, කිසිවෙකු ඉදිරියේ පැවසීමට මට උවමනාවක් නැත..
රංජිත් ඇතුළු පිරිස සමඟ සාකච්ඡාවේදී,
“යලි එවැනි ප්රකාශ නොකරන බවට මා නොපැවසූ අතර
අවශ්ය අයෙකුට
එම පිරිසෙන් කෙනෙකු අමතා
එහි සත්ය අසත්යභාවය දැනගත හැක..
ආණ්ඩුවට තනිව එක්වීමේ කිසිදු උවමනාවක් මට නැත..
එසේ තිබුණා නම්,
මෙසේ මතවාදීව පක්ෂය තුල හඬනගන්නේ නැත..
එකම දේශපාලන ප්රතිපත්ති දරණ කණ්ඩායම් දෙකක්,
භාවිතාවේ ඇති පරස්පරතා කිහිපයක් පෙන්වමින්,
දෙපිල බෙදීසිටීම,
එම පක්ෂ දෙකේ පාක්ෂිකයන්ට සේම
රටට ද සිදුකරන අසාධාරණයක් බව
මගේ පළමු හැඟීමයි.
කවුරුන් කැමති වුවත්, අකමැති වුවත්,
මගේ ස්ථාවරය එයයි..
2014දී,
විධායක මහින්දට අභියෝග කර,
ඇමතිකම් අතහැර පැමිණි මට…
“2015දී පොදු අපේක්ෂකයා වන්න”යි කළ ආරාධනය ප්රතික්ෂේප කළ මට…
ජනාධිපති මෛත්රීපාල
සිරිසේන විසින් දිගින් දිගටම කළ අගමැති ආරාධනාවන්,
කඳවුරේ සමඟිය වෙනුවෙන්
ප්රතික්ෂේප කළ මට…
ඇමතිකම් ලොකු නැති බව
දේශපාලන ළදරුවන් දැන්වත් තේරුම්ගත යුතුය.
88/89 ජවිපෙ තුවක්කුව
ඉදිරියේ නොනැමුණු දණ,
එල්.ටී.ටී.ඊ බෝම්බ ඉදිරියේ නොනැමුණු දණ,
රාජපක්ෂ පවුල්බලය ඉදිරියේ නොනැමුණු දණ,
මඩ වෙබ් අඩවි ඉදිරියේ හෝ
දේශපාලන ළදරුවන්ගේ මඩ ඉදිරියේ නැමෙන්නේ නැති බව මව්රටට කිවයුතුය..
තවදුරටත් මම ස්ථිරව කියාසිටින්නේ,
සියලු පක්ෂ එක්වී
යම් කාල රාමුවකට යටත්ව හෝ රජයට සහය වියයුතු බවයි.
එහිදි ස.ජ.බ පෙරමුණ ගතයුතු බවයි..
*මෙම බොරුව පළකළ
වෙබ් අඩවිය ගැන මට කීමට ඇත්තේ,
ඔවුන්ගේ බැඳුම්කර නිරුවත
දන්නෝ දන්නා බව පමණි.
- වෛද්ය රාජිත සේනාරත්න
පාර්ලිමේන්තු මන්ත්රී
සංස්කාරක සටහන!
අප රාජිත සේනාරත්න මහතා සම්බන්ධයෙන් කිසිදු අවස්ථාවක හිතලු පුවත් හෝ නිර්මාණය කරන ලද පුවත් හෝ අපහාසාත්මක පුවත් පළ කොට නැත. පසුගිය දින කිහිපය පුරා අප පළ කළේ රාජිත සේනාරත්න මහතා කළ ප්රකාශ සහ ඒවාට සජබ මන්ත්රීවරුන් මාධ්ය හමුවලදී සිදු කළ ප්රකාශ පමණි. එමෙන්ම ඊයේ අප සේනාරත්න මහතා කළ ප්රකාශ මුල් කරගෙන සජබ විනය කමිටුව සේනාරත්න මහතා කැදවීමට තීන්දු කර ඇති පුවත වාර්තා කළේද අපට ලැබුණු ඉතා විශ්වාසදායක තොරතුරවලට අනුවය. රාජිත සේනාරත්න මහතා රංජිත් මද්දුමබණ්ඩාර, කබීර් හෂීම්, ලක්ෂ්මන් කිරිඇල්ල සහ තිස්ස අත්තනායක මහතා යන මහත්වරුන් හමු වී සාකච්ඡා කළ බවට අද දින අප පළ කළ පුවත සේනාරත්න මහතාගේ මෙම පැහැදිලි කිරීම මගින්ම තහවුරු කොට ඇත. එය විනය කමිටු රැස්වීමක්ද එසේ නැතිද යන්න කීමට අපි නොදනිමු. එමනිසා ඉදිරියේදීත් රාජිත සේනාරත්න මහතා සම්බන්ධයෙන් වන පුවත් සහ ප්රකාශ මේ ආකාරයටම පළ කිරීමට අප කටයුතු කරන බවද සදහන් කළ යුතුව ඇත.
