හොංකොං මර්දනයට චීන හමුදා ආඥාදායකයෙක්!

හොංකොංවල ස්ථාපිත චීනයේ මහජන විමුක්ති හමුදා China People’s Liberation Army භට කණ්ඩායම් ලවා හිටපු අභ්‍යන්තරික ආරක්‍ෂක ප්‍රධානි “පෙන්ජිං ටෑන්”විිසින් සිංජිඈං ප්‍රාන්තයේ පාලනය මෙහෙයවනු ලබන්නේ යැයි චීන හමුදා ආරංචි මාර්ගවලින් ම වාර්තා වේ.

ඒ ප්‍රදේශයේ ඒකාධිපති පාලන ස්වරූපයක් ගෙනයාමේ අපේක්‍ෂාවෙන් චීනයේ දෘඩතර පාලනයෙන් මර්ධනකාරී මෙහෙයුම් ගණනාවක් ද ක්‍රියාත්මක කෙරී තිබේ.

කොම්‍යුනිස්ට් පක්‍ෂ නායක සහ චීනයේ මහජන විමුක්ති හමුදාවේ ආඥාපති චීන ජනාධිපති සි ජිංපිං, විසින් නව ධූරධාරි පෙන්ජිං ටෑන් එකී තනතුරට පත් කරනු ලැබීමේ ලිපිය අනුඥාත(අත්සන්)කළ බැව් චීන ආරක්‍ෂක අමාත්‍යාංශයේ නිල වෙබ් අඩවියෙන් පසුගිය සඳුදා නිවේදනය කර තිබේ.

තමාට පැවරුණු රාජකාරි වගකීම අනුව සිංජිඈං ප්‍රාන්තයේ පාලනය,ජාතික ස්වාධිපත්‍ය,සුරක්‍ෂිතතාව සහ සංවර්ධන අපේක්‍ෂා, නීතියට අනුවම ක්‍රියාත්මක කරන බවක් “පෙන්ජිං ටෑන් ගේ මතය බව ද එම නිවේදනයේ වැඩිදුරටද සඳහනි.

චීන රජයේ මාධ්‍ය නිවේදනයකට අනුව ප්‍රාන්ත ආඥාපති පෙන්ජිං ටෑන් හොංකොං පළාතේ ප්‍රධාන විධායක “කැරී ලෑම්”සමග ඉදිරි කට යුතු පිළිබඳව සාකච්ඡාවක් ද පවත්වා ඇත.

තම බල ප්‍රදේශයේ ජාතික ස්වාධිපත්‍ය,සුරක්‍ෂිතතාව,දීර්ඝ කාලීන සංවර්ධන අපේක්‍ෂා සහ ස්ථාවරත්වය වෙනුවෙන් චීනයේ මහජන විමුක්ති හමුදා භට කණ්ඩායම් සමග සහයෝගිව කටයුතු කිරීමට කැරී ලෑම් කැමැත්ත ප්‍රකාශ කළ බව ද එම නිවේදනයෙන් පැහැදිලි කර ඇත.

.හොංකොං පුරයේ 1997 දී සිදුවූ පාලන පෙරැළියෙන් පසුව විරුද්ධ දේශපාලන මත සහ ස්වාධීන අදහස් ප්‍රකාශ කිරීමේ නිදහස චීනය විසින් මර්ධනය කරනු ලැබීමට පටන් ගත්තේ ය.

ප්‍රජා අයිතීන් ආරක්‍ෂා කෙරෙමින් ස්වතන්ත්‍ර අධිකරණ පද්ධතියක් ඉදිරි වසර පනහක(50)කාලය තුළ එම කොටසේ(හොංකොං)ක්‍රියාත්මක කෙරෙන බවට චීනය ඒ අතර ජාත්‍යන්තරයට ද ප්‍රකාශ කෙළේය.

එහෙත් ප්‍රකාශය එසේ වුව ද ප්‍රායෝගිකව ක්‍රියාත්මක කෙරුණු අත්තනෝමතික පාලනයට එරෙහිව හොංකොං වැසියන් විරෝධතා දක්වන්නට වූ කල්හි චීනය විසින් 1919 දී ජාතික ආරක්‍ෂක නීති පද්ධතිය නමින් අමුතු තාලේ නීති මාලාවක් ඔවුන් මත පටවන ලද්දේ ය. තම පාලනයට එරෙහි වන්නන් ඒ පිළිබඳව අදහස් උදහස් සමාජ ගතකරන්නා වූ පිරිස් ඒ නීතියට අනුව අත්අඩංගුවට ගැනීමට,තර්ජනය කිරීමට මෙන්ම රටින් පටුවහල් කිරීමට ද ඒනිතියට අනුව චීන පාලකයෝ අවස්ථාව පාදා ගත්හ.

එ මතු ද නොව ස්වාධීන මත ප්‍රකාශ කරන මාධ්‍ය ආයතන ද දඩබල්ලන් ලවා වටලවනු ලැබ දේපොළ රාජසන්තක කිරීමේ තර්ජනය යටතේ වසා දැමීමට ද පොළඹවනු ලැබුවේය.

පෙන්ජිං ටෑන් හමුදා ප්‍රබලයා සිංජිඈං ප්‍රාන්තයේ ක්‍රියාත්මක කෙරුණු පූර්ව ප්‍රජා සන්නද්ධ පොලිස් ඒකකයේ 2018 සිට ආඥාදායකයා වශයෙන් කට යුතු කෙළේය.

ඒ කාලය තුළ ඔහු ඒ පළාතේ විසූ උයිගර් වාර්ගික ප්‍රජාවේ සහ මුස්ලිම් ප්‍රජාවේ දහස් ගණනාවක් අධ්‍යාපන ප්‍රතිසංසකරණයකට යොමු කරන හංවඩුව යටතේ සිරගතකරනු ලැබූහ.

මේ සමස්ත රැඳවුම් ප්‍රදේශයම මේ දක්වාම කිසිවකුට හෝ ආසන්න විය නො හැකි අන්දමින් දැඩි මුරකාවල් යොදා පවත්වාගන යනු ලැබේ.

චන්ද්‍රසේන මාරසිංහ