“ගෝලීය වෙළෙඳපොළට දොර අරින පුනර්ජනනීය කෘෂිකර්මාන්තය” යන මාතෘකාවෙන් ඉහළ පෙරේරා පෙළේ සංසදයක් කොළඹ දී පැවැත්විණි, එය Solidaridad සහ Nucleus පදනම් එක්ව සංවිධානය කරන ලද අතර ControlUnion වෙතින් අනුග්රහය දක්වන ලදී. තේ, පොල්, කුළුබඩු , ඔයිල් ෆාම් සහ අනෙකුත් ප්රධාන භෝග වගාවන් සඳහා නව යෙදවුම් හා වගා පිළිවෙත් ඇසුරින් පසෙහි සාරවත්බව රැකගන්නා ආකාරය පිළිබඳව මෙම වැඩමුළුවේ දී ඉස්මතු විය.Sri Lanka Latest News
සොලිඩාරිඩැඩ් ආසියාවේ කළමනාකාර අධ්යක්ෂ ආචාර්ය ශතාදෘ චට්ටෝපාධය වීඩියෝ තාක්ෂණය ඔස්සේ සමුළුව අමතමින් පවසා සිටියේ “පුනර්ජනනීය කෘෂිකර්මාන්තයේ මූලික පදනම පසේ නිරෝගීකම, කාබන් වෙන් කිරීම, ජලය ආරක්ෂා කිරීම සහ ජෛව විවිධත්වය වැඩි දියුණු කිරීම බවයි. ගෝලීය වශයෙන් ක්රියාත්මක තිරසර ක්රමවේදයක් වන Regenagri වන
සහතිකය ලබා ගැනීමට හල්ගොල්ල වතු සමාගම් සහ ලුම්බිණි වැනි කුඩා වතු කණ්ඩායම් පිළිබඳව ඔහු ප්රශංසා කළේය. “එය සුළු දෙයක් නොවේ,” ඔහු සඳහන් කළේ, “Regenagri” ගොවීන්ට ඔවුන්ගේ තිරසාර උත්සාහයන් මැනීමට, වැඩිදියුණු කිරීමට සහ මුදල් ඉපයීමට උපකාරී වන බවයි.”
Chattopadhayay වැඩිදුරටත් අවධාරණය කළේRegenagri යනු ගොවිතැන් ක්රමයක වඩා වැඩි යමක් බව යි. එය පුනර්ජනනීය පිළිවෙත් බලගන්වන, තිරසර කෘෂිකර්මාන්තය හා පාරිසරික සමතුලිත බව පිළිබඳව වැඩි අවධානයක් යොමුකරන ඒ සඳහා මිලක් ගෙවීමට කැමති ගැනුම්කරුවන් සමඟ සම්බන්ධ කරන සක්රීය වෙළඳපොළ යාන්ත්රණයක් බවයි.
“මෙම ප්රමිතීන් අනුගමනය කිරීමෙන්, ශ්රී ලංකාවේ තේ වතුවල කාබන් පියසටහන අඩු කර ගැනීම,පසෙහි සහ තේ පඳුරුවල කාබන් ගබඩා කිරීමට සහ විශේෂයෙන් යුරෝපා වෙළඳපොළ වෙත ප්රවේශය පහසු කිරීම හා ඒ සඳහා ප්රවේශවීමට අවස්ථා විවෘත කිරීම, දේශගුණික සමබරතාව සඳහා දායක වීම, කොම්පෝස්ට් සැකසීම, සෙවන සහිත ගස් සිටුවීම සහ තිරසාර පිළිවෙත් අනුගමනය කිරීම සඳහා වැනි ක්රියාවන්ට මඟ සැකසීම “සිදුවෙයි.
තේ පිළිබඳ සංස්කෘතියක් සහ පිළිගත් ගෝලීය සන්නාමයක් ඇති ශ්රී ලංකාවේ “තේ”කර්මාන්තය, මෙම සාධනීය වෙනසට තුළින් කර්මාන්තයේ දුබලතා මග හරවා ගැනීම සඳහා උද්යෝගිමත් වී තිබේ. තේ කර්මාන්තයෙන් ලබාගන්නා ආරම්භය , රබර්, පොල්, කුළුබඩු සහ සහල් දක්වා ව්යාප්ත විය හැකි අතර, පුනර්ජනනීය සංවර්ධනය සඳහා සමස්ත ශ්රී ලාංකික ආකෘතියක් නිර්මාණය කළ හැකි බව මෙම සමුළුවේදී අවධාරණය විය.
කෙසේ වෙතත්, සාර්ථකත්වය රඳා පවතින්නේ වැවිලි, කුඩා වතු හිමියන්, අපනයනකරුවන්, පර්යේෂකයින් සහ රජය අතර සහයෝගීතාවය මත ය.
කෘෂිකර්ම හා වැවිලි අමාත්යාංශ ඇතුළු පාර්ශ්වකරුවන් සමඟ එක්ව මෙම ව්යාපෘතිය පුළුල් කිරීම සඳහා සහ ControlUnion සිය දායකත්වය ලබාදෙයි .
Regenagri හි ප්රධාන විධායක නිලධාරී ෆ්රැන්කෝ කොස්ටන්ටිනි රැස්ව සිටි පිරිස අමතමින් පවසා සිටියේ “ Regenagri යනු භූමියේ සෞඛ්යය සහ එහි ජීවත් වන අයගේ ධනය සුරක්ෂිත කිරීම අරමුණු කරගත් පුනර්ජනනීය කෘෂිකාර්මික ප්රවේශයක්. පෘථිවියේ පසෙන් 33% ක් දැනටමත් අකර්මණ්ය වී ඇති අතර 2050 වන විට 90% කට වඩා අකර්මණ්ය තත්ත්වයට පත්විය හැකිය. බිලියන 3.2 කට අධික ජනතාවගේ යහපැවැත්මට අහිතකර ලෙස බලපෑ හැකිය. මුළු හරිතාගාර වායු විමෝචනයෙන් 21% ක් පමණ කෘෂිකර්මාන්තය නිසා පරිසරයට එක් වෙයි. මෙම අභියෝගවලට මුහුණ දෙන Regenagri ලොව පුරා ගොවිපලවල් 15,000 සහ අක්කර 50,000 සැපයුම් දාමයන් විසින් අනුගමනය කරනු ලැබේ”.
ලොව පුරා ප්රමුඛ පෙළේ ආහාර සහ විලාසිතා සන්නාම Regenagri භාවිතා කරයි.ඔහු පැවසුවේ, PVH Corp සතු ප්රමුඛ විලාසිතා සන්නාම දෙකක් වන Selfridges , Moët Hennessy, Calvin Klein සහ Tommy Hilfiger ඇතුළු ආයතනික ප්රමුඛයන් කිහිප දෙනෙකු සහ ශ්රී ලංකාවේ කැලණි වැලි වැවිලි සමාගම් මෙම ලැයිස්තුවට ඇතුළත් කරමිනි.
Regenagri සහතිකයෙන් ලැබෙන ප්රධාන ප්රතිලාභ ඔහු අවධාරණය කළේ කාබන් නැවත පොළොවට එක්කිරීමෙන් පස සාරවත් කිරීම. එමඟින් මෙතෙක් නොලදඅමතර ආදායමක් සඳහා ප්රවේශ වීමයි, පුනර්ජනනීය ගොවිතැනට නායකත්වය දීම සහ කුඩා වතු හිමියන්ට පහසුවෙන් ප්රවේශවිය හැකි වෙළඳපල වෙත ප්රවේශය, EUDR වැනි රෙගුලාසිවලට අනුකූල වීම යනාදියයි.
මෙම අවස්ථාවල සඳහා කෘෂි ව්යාපාර ක්ෂේත්රයේ ප්රමුඛයෙකු වන ආචාර්ය Regenagri හී කලාපීය නියෝජිත රාජේෂ්ඩූබ් ,ControlUnion කළමනාකර අධ්යක්ෂක රොෂාන් රණවක,කැලණි වැලි සමාගමේ කළමනාකර අධ්යක්ෂ ආචාර්ය රොෂාන් රාජදුරෙයි. Nucleus පදනමෙහි නිර්මාතෘ ඩේව් මැකෙන්සි. ඇතුළු තවත් විද්වතුන් කීහිප දෙනෙකුම අදහස් ද ඉදිරිපත් කළහ.
මේ සැමගේ අදහස් තුළින් ඉස්මතු වූ පණිවිඩය වූයේ පුනර්ජනනීය කෘෂිකර්මාන්තය සීමිත භූමියක් ඇති මෙරට පාරිසරික ඔරොත්තු දීමේ හැකියාව, ආර්ථික වර්ධනය සහ ගෝලීය වෙළඳපල තරඟකාරිත්වය සඳහා මාවතක් ලබා දෙන අතර තේ, රබර්, පොල්, ඖෂධ පැළෑටි සහ කිරි නිෂ්පාදනයට පවා ඉන් යහපතත් අත්වන බවයි.
