HNB FINANCE රන් සම්මාන ත්‍රිත්වයකින් පිදුම් ලබයි

HNB FINANCE මූල්‍ය සේවා අංශයේ සිය ඩිජිටල් සේවා විශිෂ්ටත්වය තවදුරටත් තහවුරු කරමින් SLT Zero One සම්මාන උළෙලේදී රන් සම්මාන ත්‍රිත්වයක් හිමිකර ගැනීමට සමත් විය. HNB FINANCEහි වෙබ් අඩවිය සම්මාන උළෙලේ හොඳම වෙබ් අඩවිය ලෙස රන් සම්මානය දිනා ගත් අතර විශිෂ්ටතම ඩිජිටල් අලෙවි සේවා වැඩසටහන සහ මූල්‍ය ක්ෂේත්‍රයේ හොඳම වෙබ් අඩවියට හිමි රන් සම්මානයන්ද HNB FINANCE විසින් දිනා ගන්නා ලදී.

SLT Zero One සම්මාන උළෙල පුද්ගලයින්, ආයතන සහ සන්නාමයන්ගේ ඩිජිටල් සේවා සැපයීමේ විශිෂ්ටත්වය ඇගයීමට ලක් කරන මෙරට ප්‍රමුඛතම සම්මාන උළෙල ලෙස බුහුමනට පාත්‍ර වී ඇත.

මෙවර සම්මාන උළෙල සඳහා මූල්‍ය, සුවසේවා, සංචාරක සහ සත්කාරක, මාධ්‍ය, පාරිභෝගික සේවා, නිෂ්පාදන සහ භාණ්ඩ ප්‍රවාහන හා ආශ්‍රිත සේවා යන කාණ්ඩ යටතේ පුද්ගලික සහ රාජ්‍ය ආයතන 503ක් සම්මාන සඳහා අයදුම් කර තිබිණි.