ඔබ කොතරම් මහන්සි වී රැකියාව කළත්, මාසය අවසානයේ අතේ ඉතිරි වන්නේ ශතයකුත් නැති හිස් පසුම්බියක් පමණක් නම්, එය ඔබේ අවාසනාව කියා සිතා සුසුම් හෙළන්න එපා. බොහෝ දෙනෙක් සිතන්නේ මුදල් කළමනාකරණය ගැන පමණක් වුවත්, ඇත්ත වශයෙන්ම ධනය යනු ගලා යන ශක්තියකි. ඔබේ නිවසේ හෝ සේවා ස්ථානයේ පවතින යම් යම් සරල දෝෂ හේතුවෙන් මෙම ධන ශක්තිය අවහිර විය හැකිය. නිවසකට විශ්වීය ජීව ශක්තිය ඇතුළු වන්නේ ප්රධාන දොරටුවෙනි. ඔබ නොදැනුවත්වම ප්රධාන දොරටුව ඉදිරිපිට සපත්තු රාක්ක, කැඩුණු බිඳුණු බඩු බාහිරාදිය හෝ කුණු කසළ ගොඩගසා තිබේ නම්, නිවසට පැමිණෙන වාසනාව දොරකඩදීම ආපසු හැරී යනු ඇත. එමෙන්ම නිවසේ ප්රධාන දොරටුව විවර කළ සැණින් පෙනෙන සේ විශාල කණ්ණාඩියක් සවි කර තිබේ නම්, ඇතුළු වන සියලුම සුබ ශක්තීන් එම කණ්ණාඩියෙන් පරාවර්තනය වී නැවත පිටතටම ගලා යයි.
ධනය සහ සෞභාග්යය ආකර්ෂණය කර ගැනීමට නම් ඔබේ නිවසේ ගිනිකොන දිශාව පිළිබඳව විශේෂ අවධානයක් යොමු කළ යුතුය. ෆෙන්ෂුයි විද්යාවේ ධනයට අධිපති දිශාව වන්නේ ගිනිකොනයි. එම දිශාවේ නිරන්තරයෙන් ගලා යන ජලය සහිත කුඩා ජල උල්පතක් හෝ ”මනි ප්ලාන්ට්” (ඵදබැහ ඡක්බඑ) වැනි ශාකයක් තැබීමෙන් ආර්ථික මාවත් විවර කරගැනීමේ හැකියාව පවතී. එමෙන්ම නිවස තුළ පවතින අඳුරු මුළු සහ දූවිලි බැඳුණු ස්ථානවල ඍණාත්මක ශක්තිය තැන්පත් වන බැවින්, නිවස සැමවිටම ආලෝකමත්ව සහ පිරිසිදුව තබා ගැනීම ධන ලක්ෂ්මිය නිවසට කැඳවීමට කරන ආරාධනාවකි. විශේෂයෙන්ම මුළුතැන්ගෙයි ළිප සෑමවිටම පිරිසිදුව තබා ගැනීමත්, නිවසේ ජල කරාමවලින් වතුර කාන්දු නොවීමත් සහතික කළ යුතුය. වතුර බින්දු වැගිරීම යනු ඔබේ ධනය සහ වාසනාව වැගිරී යාමක් ලෙස සැලකේ. Sri Lanka Latest News
තවත් වැදගත් කරුණක් වන්නේ නිවස තුළ ඇති කැඩුණු බිඳුණු පිඟන් කෝප්ප හෝ අකර්මණ්ය වූ ඔරලෝසු වහාම ඉවත් කිරීමයි. නතර වූ ඔරලෝසුවක් නිවසක තිබීම යනු ඔබේ ජීවිතයේ ඉදිරි ගමන සහ දියුණුව එතැනින් නතර වීමකි. සැබෑ දියුණුවක් අපේක්ෂා කරන්නේ නම් නිවසේ මැද භාගය හෙවත් ”බ්රහ්ම පාදය” සැමවිටම හිස්ව සහ පිරිසිදුව තැබීමට වගබලා ගන්න. නිවසක් යනු හුදෙක් වාසස්ථානයක් නොව ඔබේ සිතුවිලි සහ අනාගතය තීරණය කරන තෝතැන්නකි. එබැවින් මෙම සරල ෆෙන්ෂුයි රහස් අනුගමනය කරමින් ඔබේ නිවසේ ඇති අවහිරතා ඉවත් කරගන්න. ඉතා කෙටි කලකින් ඔබේ ජීවිතයට, ව්යාපාරයට සහ පවුලේ සතුටට වාසනාව ගලා එන ආකාරය ඔබටම අත්දැකිය හැකි වනු ඇත.
ජ්යොතිෂවේදී ඔස්මන් පෙරේරා
