ඇමෙරිකානු ජනාධිපති ඩොනල්ඩ් ට්රම්ප් මාර්තු 24 වැනිදා ධවල මන්දිරයේදී සිදුකළ ප්රකාශයක් ලෝක දේශපාලන කරළියේ දැඩි කතාබහට ලක්ව තිබේ. සති කිහිපයක් පුරා මැදපෙරදිග කලාපයේ පැවැති උග්ර යුදමය වාතාවරණය මධ්යයේ ඔහු කියා සිටියේ ඉරානය තමන් වෙත අතිවිශාල වටිනාකමකින් යුතු තෑග්ගක් ලබාදුන් බවයි. නව දේශීය ආරක්ෂක ලේකම්වරයාගේ දිවුරුම් දීමේ උත්සවයෙන් අනතුරුව මාධ්යවේදීන් නැගූ ප්රශ්නවලට පිළිතුරු දෙමින් ජනාධිපතිවරයා මෙම අබිරහස් ප්රකාශය සිදුකළේය.Sri Lanka Latest News
මෙම ‘තෑග්ග’ න්යෂ්ටික වැඩසටහනට සම්බන්ධ එකක් නොවන බවත්, එය තෙල් සහ ගෑස් වැනි බලශක්ති ක්ෂේත්රයට අදාළ අතිශය වටිනා එකඟතාවක් බවත් ඔහු මෙහිදී අනාවරණ කළේය. හෝමුස් සමුද්ර සන්ධිය හරහා සිදුවන ඉන්ධන ප්රවාහය යථා තත්ත්වයට පත්කිරීම සම්බන්ධයෙන් යම් සුබවාදී එකඟතාවක් මෙයට ඇතුළත් බවටද ඉඟි පළවිය. තමන් දැන් ගනුදෙනු කරන්නේ ඉරානයේ සිටින ‘නිවැරදි පුද්ගලයින්’ සමග බවත්, මෙම තෑග්ග ලැබීමෙන් පසුව යුද්ධය ජයග්රහණය කර ඇති බවත් ඔහු වැඩිදුරටත් සඳහන් කළේය.
