මෙලොව උපදින සෑම ජන්මියකුගේම ශරීරයේ සහ ජීවිතයේ පැවැත්ම වගේම ඒ ඒ ශරීරාංගවල ක්රියාකාරීත්වයටත් විවිධ ග්රහ දේවතාවුන්ගේ ඇල්ම බැල්ම සහ බලපෑම යෙදෙන්නේය. ඒ අනුව පුද්ගලයකුගේ සිරුරේ හිස, බෙල්ල, ඇස්, අත්, පපුව, පියයුරු මේ ආදී සියලු අවයවයන්ට ප්රධානත්වය සහ ඒ ඒ අවයවයන්ගේ ක්රියාකාරීත්වයට වගකියන සහ ඊට දායක වන ග්රහ වස්තූන් තිබේ. Sri Lanka Latest News
ඒ අනුව ඒ ඒ ග්රහයන්ගේ සුබ අසුබ සහ බල දුබලකම් කොතරම් දුරට කෙනකුගේ උත්පත්ති තත්ත්වයට බලපා තිබේද යන කාරණය මත ඒ ඒ අයගේ රූපය පෙනුම වෙනස් වන බව හඳුනාගත හැකිය. එහිදී පුද්ගලයකුගේ ස්වභාවය ප්රධාන වශයෙන් ලග්නය, ලග්නාධිපති සහ යෝගකාරක ග්රහයා යන තිදෙනාගේ ප්රධානත්වය මත තීන්දු වන අවස්ථාත්, එසේ නැතහොත් යම් රාශියක ග්රහයන් තිදෙනකුට වැඩි ප්රමාණයක් සිටීම තුළ ඒ අනුවත් තීරණය වෙයි.
තවද යම් ජන්මියකුට තදබල ලෙස අශුභ දෘෂ්ටියක් යෙදෙන ග්රහයෙක් සිටියේ නම් එම ග්රහයාගේ බල පරාක්රමයට යටත් රූපකාය ශරීර කොටස යම් අසමාන ස්වභාවයකින්, විකෘති ස්වභාවයකින් හෝ අවලක්ෂණයකින් පිහිටයි.
මෙම ග්රහ තත්ත්වය අනුව කෙනකුගේ කේන්දරයේ සිටින ග්රහයන් තම බල දුබලකම් අනුව එම ජන්මියාගේ රූපයට දායක වේ. ඒ අනුව කෙනකුට ඉතා ලස්සන කඩවසම් රුවක් ලැබෙද්දී තවත් කෙනකුට අවලක්ෂණ පෙනුමක් සහිත ශරීරාංග ලැබීමත් සිදුවේ.
එමෙන්ම කෙනකු කෙට්ටු වෙද්දී තවත් කෙනකු හැඩට මහතට සිටින අවස්ථාත්, තවත් කෙනකුගේ සිරුර වයසටත් පෙර වැහැරේද, එම වයසත් පසුකළ පිරිස් ඉතා පිරිපුන් ලෙස සිරුර පවත්වාගෙන යන අයුරුත් දක්නට ලැබෙයි. මේ සියලු කාරණාවලට බලපානුයේ ග්රහයන්ගේ ක්රියාකාරීත්වයයි.
ඒ අනුව ඒ ඒ ජන්මීන්ගේ ශරීරාංගවල හැඩයට ප්රමාණයට සහ පිරිපුන් බවට බලපාන ග්රහ තත්ත්වයන් පහත පරිදි ජ්යොතිෂයේ සඳහන් වෙයි.
● ග්රහයන් තදබල ලෙස දුර්වලව පිහිටි විටත්, 6,12,2 පාප ග්රහයන්ගේ පීඩාවලට ලක්වූ විටත් ශරීරයේ හැඩකාර බව ගිලිහීමට හේතු යෙදේ.
● කේන්දරයේ අයහපත් තැනක ඉතා අසුබ තත්ත්වයෙන් යුරේනස් පිහිටි විට සිරුරේ එක් කොටසක පිවරීත බව ඇතිකරවනු ඇත. ඒ අනුව කාන්තාවන්ගේ පියයුරු අසමබරභාවයට මෙය ප්රධාන සාධකයක් සේ පෙන්වා දිය හැකිය.
● චන්ද්රයා, බුධ, ශනි ලග්න ස්ඵුටයට ආසන්නව සිටින විට කුජගෙන් අසුබ දෘෂ්ටි ලැබූයේ නම් එම ග්රහ තත්ත්වයෙන් උපන් අයගේ රහස් අවයවයන්ගේ අඩුපාඩු සහිත වනු ඇත. බොහෝදුරට මෙම තත්ත්වය පිරිමින්ගේ අවයව ලොකු කුඩා වීමට බලපාන බවටද හඳුනාගෙන ඇත.
● 6,8,12 රාශි අධිපති පාප ග්රහයෝ කේන්ද්රගතව චන්ද්රයාට හා ලග්නාධිපතිට අශුභ දෘෂ්ටි සහ අශුභ සංයෝග යෙදෙන්නේ නම් සිරුර අවලස්සන වෙයි. තොල්වල, මුහුණේ, පියයුරුවල පෙනුම අඩු කරයි.
● චන්ද්රයා කුජ සමග සංයෝගී වී සිටියදී රාහු කේත්ු 12 වැන්නේද, රවි ගුරු දෙදෙනා 4 වැන්නේද සිටියේ නම් කොන්ද සම්බන්ධ ආබාධ ඇතිකරයි.
● ජල රාශියක් ලග්නය වී බල සහිතව උපන්නේ නම් ස්ථුල සිරුරක් උරුම වේ. මෙවැනි අය දිනෙන් දින තරබාරු වන බවටද හඳුනාගෙන ඇත.
මෙවැනි ග්රහ තත්ත්ව රාශියක් ජ්යොතිෂයේ සඳහන් කෙරෙන පාරම්පරික ජ්යොතිෂ සිද්ධාන්ත සහ රහස් අනුව සොයාගත් කරුණුවලින් පෙන්වා දිය හැකිය. මෙලෙස විවිධාකාර ග්රහ තත්ත්වයන් අනුව බැලීමේදී කාන්තාවන්ගෙන් විශාල පිරිසක් සහ පිරිමින්ගෙන් වැඩි කොටසක් මානසිකව පීඩා විඳින සිය ශරීරාංග සම්බන්ධ ප්රශ්න ග්රහ බලපෑම මත සිදුවූ ඒවා බව පැහැදිලි වෙයි.
ඒ අනුව වසර ගණනාවකට පෙර විසූ පුරාණ ඍෂිවරු රාජ රාජ මහාමාත්යාදීන්ට සහ රාජකීය අන්තඃපුර ළඳුන්ගේ මෙවැනි දහසක් ගැටලු සඳහා විස්මිත ග්රහ ප්රතිකර්ම හඳුන්වා දී තිබූ බවද ඉතිහාස කෘති ඇසුරේ පැහැදිලි වේ.
එම ප්රතිකර්ම තුළින් පෙර සඳහන් කළ ග්රහ අසුබතාවන්ගේ බල දුබල කර ඒ ඒ අයගේ ශරීරාංගයන්ගේ දුර්වලතා මගහරවා ආකර්ෂණීය බවක් ලබාගෙන ඇත.
එමෙන්ම වර්තමානයේ කාන්තාවන් මෙන්ම පිරිමින්ද සිය ශරීරාංග වර්ධනය කරගැනීමට විවිධ රසායනිකවල පිහිට පතා අසීරුතාවට පත්වන අයුරු දක්නට ලැබේ. එහෙත් අතීතයේ එවැනි කිසිදු ආපදාවකින් තොරව ඒ ඒ ග්රහ දුබලතා දුරු කිරීමට අදාළ පිළියම් කර ඉතා පහසුවෙන් පිරිපුන් හැඩකාර සිරුර ලබාගත් බවට පාරම්පරික පොතපතේ සඳහන් වෙයි.
එලෙස අතීතයේ භාවිත කළ ක්රමවේද අතර වඩාත් ප්රචලිත ක්රම කිහිපයක් මෙලෙස දැක්විය හැකිය.
● අන්තඃපුර ළඳුන්ගේ පියයුරු වර්ධනයට සහ වැහැරීම වැළැක්වීමට ඒ ඒ ස්ත්රීන්ගේ උත්පත්ති ග්රහ තත්ත්වය පරීක්ෂා කර අවශ්ය කාරණාවට බලවත් කළ යුතු ග්රහයාට අයත් ස්තෝත්ර සහ මන්ත්ර භාවිත කර ශාකසාර තෙල් බලගන්වා ආලේපයට ගැනීම.
● ග්රහ ආකර්ෂණ ස්තෝත්ර මගින් බලගැන්වූ යන්ත්ර හෝ මැණික් අදාළ ඉන්ද්රියන්ගේ ස්පර්ශ වන ලෙස පැලඳීම.
● ග්රහ ආකර්ෂණ ස්තෝත්ර භාවිතයෙන් බලගැන්වූ තැවුම් පොට්ටනි භාවිතයෙන් තැවීම.
එලෙස භාවිත කළ ක්රමවේද කිහිපයකි. ඒ අනුව ඔබට එවැනි ශාරීරික අවශ්යතාවක් ඇත්නම් මුලින්ම ඉතා විශ්වාසවන්ත ලෙස කේන්දරය පරීක්ෂා කරගෙන දෝෂ හඳුනාගන්න. ඉන් පසු ඔබගේ ශරීරාංගයන්ගේ වර්ධනයට, වැහැරීමට බලපෑ ග්රහයන් හඳුනාගෙන සුදුසු ස්වභාවික තෙල් වර්ගයක් පහත මන්ත්රයන්ගෙන් අවශ්ය මන්ත්රය තෝරාගෙන 1008 වරක් මතුරා බලගන්වා ගන්න. මෙය එලෙස තුන් වරුවක් බලගන්වා, ඉන් පසු එළඹෙන බදාදා දිනයේ හෝ සෙනසුරාදා දිනයේ සිට රාත්රියට ඔබ සාදාගත් තෙල් වර්ගය භාවිත කළ හැකිය. මෙම තෙල ඔබගේ නමට ලග්නයට වෙලාවටද බලගන්වාගත හැකි නම් ඉතා උසස් ප්රතිඵල ලැබේ.
රවි ග්රහයාට – ඕං හ්රාං හ්රීං ද්රෑං සූර්යාය
සඳුට – ඕං ශ්රං ශ්රිං ශ්රැං සඃ සෝමාය ස්වහඃ
කුජට – ඕං ක්රාං ක්රීං කෑං සඃ සොෟමාස ස්වහඃ
බුධට – ඕං බ්රාං බී්රං බ්රෑං සඃ බුධාය ස්වහඃ
ගුරුට – ඕං ඥාං භද්රං ගස ගුරුවේ ස්වහඃ
සිකුරුට – ඕං අං ඊං ඌංස ශුක්රාය ස්වහඃ
ශනිට – ඕං ෂාං ෂිං ෂ්රං ස සනියේ ස්වහඃ
රාහුට – ඕං හ්රාං හ්රීං හ්රෑං ස රාහුවේ ස්වහඃ
කේතුට – ඕං කාලාං කිලිං කලුං ස කේතුවේ ස්වහඃ
ඔබගේ අවශ්යතාව අනුව ඉතා සූක්ෂ්මව කේන්දරය පරීක්ෂා කර බලා කටයුතු කරගන්න. මේ සඳහා කේන්දරය ඔබට පරීක්ෂා ගරගත නොහැකි නම් අලස නොවන ජන්මියා ගැන සාධාරණව සිතන අවංක ජ්යොතිෂවේදියකුගෙන් කේන්දරය පරීක්ෂා කරවාගෙන අදාළ කටයුතු කරගන්න. මෙම ප්රතිකර්මය ඇරැඹි දිනට පසුදා සිටම ඔබට ප්රතිඵල පෙන්නුම් කරනු ඇත.
ජ්යොතිෂවේදී, ජ්යොතිෂ පර්යේෂක
ජ්යොතිෂ පුවත්පත් රැසක හිටපු කර්තෘ
ජේ.එන්.කේ. රත්නායක
යටිගල්ඔළුව.
0777579404
