අධිකරණය ගැන ජාත්යන්තරව ගොඩනැගුණු සම්මුති හා එකඟතා රැසක් ඇති බවත් මෙසපොතේනියානු ඊජිප්තු ග්රීක රෝම යුගයේ සිට මැග්නා කාටා දක්වාත් මධ්ය කාලීන එංගලන්තයේ පොදු නීතිය නිර්මාණය වීමත් 1787 ඇමෙරිකානු ආණ්ඩුක්රම ව්යවස්ථාවත් 1948 දී මානව හිමිකම් ද 1966 සිවිල් හා දේශපාලන අයිතිවාසිකම් සහ 1985 දී අධිකරණයේ ස්වාධිනත්වය සම්බන්ධ මූලික ප්රතිපත්ති ආදී නීතිමය ප්රගතිශිලී පියවර රැසක් ඇති බවත් ප්රජාතන්ත්රවාදය ශක්තිමත් වන ව්යවස්ථාදායකය විධායකය සහ අධිකරණය සඳහා බලය බෙදාහැරීම මෙන්ම සංවරන හා තුලන ආදී ක්රමය තුළින් ශක්තිමත් කිරීම තුළින් මේ ප්රජාතන්ත්රවාදී ආකෘත්රියෙන් රාජ්ය පාලනය වූ බවත් විපක්ෂ නායකවරයා පැවසීය.Sri Lanka Latest News
අධිකරණය ස්වාධින වන තරමටම ප්රජාතන්ත්රවාදය ශක්තිමත් වන බවත් ජාත්යන්තර ප්රතිපත්ති න්යායයන් අප රට තුළත් සාක්ශාත් වී ඇති බවත් සමහර අයට මේ ජාත්යන්තර න්යායන් ප්රතිපත්ති හා සම්මුතීන් ගැන විපක්ෂයේ සිටින විට මතක් වුවත් බලය ලැබුණු පසු එම බල කේන්ද්රස්ථානයන් තහවුරු කිරීමේ දී අමතක කර ඇති බවත් අද වන විටත් උපරිමාධිකරණවල විනිසුරුවන් ගණනාවක් පත් කරන්නට තිබුණත් එම පත්කිරීම් නොකරමින් සිටින බවත් මෙම විනිසුරුවන් පත් නොකිරීමම මූලික අයිතිවාසිකම් උල්ලංඝනය කිරීමක් සේම අධිකරණයට සිදු කරන අනිසි බලපෑමක් බවත් විපක්ෂ නායක සජිත් ප්රේමදාස මහතා පැවසීය.
විපක්ෂ නායක සජිත් ප්රේමදාස මහතා මේ බව කියා සිටියේ අද සමගි නීතිඥ සම්මේලනය විසින් ශ්රී ලංකා පදනම් ආයතනයේ දී සංවිධානය කරන ලද ප්රජාතන්ත්රවාදය, නීතියේ ආධිපත්යය සහ අධිකරණයේ ස්වාධීනත්වය ආරක්ෂා කිරීම උදෙසා වූ මහජන කථිකාවත අමතමිනි.
ශ්රේෂ්ඨාධිකරණ විනිසුරුවන්ගේ විශ්රාම යාමේ වයස 65 සිට 67 දක්වාත් අභියාචනාධිකරණ විනිසුරුවන්ගේ විශ්රාම යාමේ වයස 63 සිට 65 දක්වා වැඩි කිරීමට රජය යෝජනා කර ඇති බවත් ආණඩුක්රම ව්යවස්ථා සංශෝධනයක් හරහා විධායක ජනාධිපති ක්රමය අහෝසි නොකර මේ කරුණ පමණක් සිදු කරන්නේ ඇයි ද කියා ගැටලුවක් ඇති බවත් පාර්ලිමේන්තුවේ මේ සම්බන්ධයෙන් ප්රශ්න කරන විට එවැනි දෙයක් නොමැති බවට රජය පැවසූ බවත් රජය මේ කරන්න හදන්නේ සම්පූර්ණ ප්රජාතන්ත්රවාදය විනාශ කිරීමක් වන අතර මේ තුළින් අධිකරණයේ ස්වාධිනත්වය විනාශ කිරීමක් සිදුවන බවත් ඊට අමතරව ජනතාවට අධිකරණය සම්බන්ධ විශ්වාසයක් නැති වෙන බවත් මේ තුළින් ප්රජාතන්ත්රවාදය විනාශ කරමින් ඒකාධිපති ආඥාදායක පාලනයක් තනි පක්ෂ පාලනයක් නිර්මාණය කිරීමට උත්සාහ කරන බවත් විපක්ෂ නායකවරයා පැවසීය.
මාලිමා ජන වරම පාගා දමමින් කටයුතු කරනවා
මේ සඳහා පාර්ශ්ව රැසක් විරුද්ධ වන විට පවා ප්රජාතන්ත්රවාදය ආරක්ෂා කරනවා කියා බලයට පැමිනි අනුර කුමාර දිසානායක ප්රමුඛ රජය ලැබූ ජනවරම පාවා දී ප්රජාතන්ත්රවාදය සුරක්ෂිත කරනවා වෙනුවට ඒකාධිපති ආඥාදායක තනි පක්ෂ පාලනයක් ස්ථාපිත කරන්න කටයුතු කරන්නේ ඇයි ද කියා ප්රශ්න කරන බවත් රජයේ මේ වියරුවට සම්බන්ධයෙන් ජනතාව දැනුවත් විය යුතු බවත් ජනතාව සමඟ එකට එකතු වී මේ ප්රජාතන්ත්ර විරෝධී වැඩපිළිවෙළ පරාජය කරන්න පන්ති පාට පක්ෂ භේදයෙන් තොරව එකට එකතු විය යුතු බවත් විපක්ෂ නායකවරයා පැවසීය.
මාලිමාවේ ඒකාධිපති ආඥාදායක පාලනයට එරෙහිව අපි පෙළ ගැසිය යුතුයි
රජයේ මේ ක්රියාදාමය නිසා IMF වැනි ආයතන තුළින් බලපෑම් එල්ල වී ආර්ථික අභියෝග පවා එල්ල විය හැකි බවත් IMF රජයේ මේ සංශෝධන සම්බන්ධයෙන් දරන මතය දැන ගැනීමට අවශ්ය බවත් යුරෝපා හවුලේ GSP+ ආදියට ද මේ තුළින් බලපෑම් සිදුවිය හැකි බවත් ඒ නිසා මේ සම්බන්ධයෙන් ජනතාව සේම රජය දැනුවත් විය යුතු බවත් ජන සවියෙන් මේ වැරදි ක්රියාව පරාජය කරන්න කටයුතු කළ යුතු බවත් අධිකරණයේ ස්වාධිනත්වයට බලපෑම් කළ යුග පැවතියත් නැවත වරක් එවැනි යුග ඇති නොවිය යුතු බවත් මේ එකතු වන්නේ අධිකරණයේ ස්වාධිනත්ය සහ ප්රජාතන්ත්රවාදය සුරක්ෂිත කිරීමට බවත් විපක්ෂ නායක සජිත් ප්රේමදාස මහතා වැඩිදුරටත් පැවසීය.
