රාත්රියම සිහින පාරාදීසයක්. හැබැයි ඉතින් එළිවෙනකල් විතරයි. ඊට පසුව ඒ සිහින සිහිනම විතරයි. සමහර සිහින දින ගණනක් හිතට වද දෙනවා. එහෙම හීනයක් දැක්කෙ ඇයි කියන ප්රශ්නය නිතරම හිතට දැනෙනවා. නින්දෙන් පෙනිලා නැතිවෙලා යන මායාවක් වැනි සිහිනවලට පුළුවන්ද අපේ සැබෑ ජීවිතයට බලපෑමක් කරන්න. මේ ප්රශ්නයට පිළිතුරු සෙවූ පැරැන්නන් සිහින පලාපල නමින් විෂයක් සොයාගත්තෙ වසර ගණනාවකට පෙරයි. ඒ විෂය අදටත් අපි අතර පවතින්නේ සිහිනය තවදුරටත් සිහිනයක් නොවන බවට අපට තියෙන විශ්වාසය නිසාමයි. සිහිනයක් දුටුවා නම් ඒ සිහිනයේ පලාපලය කුමක්ද යන ප්රශ්නයට පිළිතුරු දැන් ඔබටම සොයා ගන්න පුළුවන්. සිහින පලාපල ලිපි පෙළේ තවත් කොටසක් අදත් අපි ඉදිරිපත් කරනවා.
අමු ලී ගොඩක් පිලිස්සෙනවා සිහිනෙන් දුටුවොත් තමා සතු ධනය එක්වර විනාශ වී යයි.
දුනු – ඊතල රැගත් පිරිසක් තමා වටකර සිටිනවා සිහිනෙන් දුටුවොත් රජයෙන් සහන ලැබෙයි.
කෑගසාගෙන තමන් ඉදිරියට පැමිණි අයකු දෙපාමුල වැඳ වැටෙනවා සිහිනෙන් දුටුවොත් තමා සතු දේපොළ අයිතිකර ගැනීමට වෙනත් අයකු ආරවුලක් ඇතිකර ගැනීමට උත්සාහ ගනී.
විශාල මාළුවකුගේ පිටේ නැඟ මහ මුහුදේදී ජීවිතය බේරා ගන්නවා සිහිනෙන් දුටුවොත් තදබල රාහු අපලයක් අවසන් වී ඇත.
කඳු මුදුනකින් එන දිය ඇල්ලකින් හෝ දිය උල්පතකින් තම ඇඳුම් පැලඳුම් තෙමී යනවා සිහිනෙන් දකීනම් ප්රශංසා හිමිවෙයි.
වැහිලිහිණියන් කූඩු හදනවා හෝ ඇඟවටා කැරකෙනවා සිහිනෙන් දුටුවොත් ප්රබල ආදර බැඳීමක් ඇතිවෙයි.
විශාල එළවළු කොටුවක් බලාගන්නා මිනිසෙකු ඒවා තළාපෙළා පොඩිකර දමනවා සිහිනෙන් දුටුවොත් බලාපොරොත්තු වූ මංගල යෝජනා ස්ථිර නොවේ.
තේ දලු නෙළන කතුන් පිරිසක් බුලත්විට කා තම ඇඟට කෙළ ගසනවා සහ බැණවදිනවා සිහිනෙන් දුටුවොත් තම රැකියාව, ධනය අහිමි වී දුගී බවට පත්වෙයි.
පොල් ගසකට කිහිප දෙනකු නැඟ පොල් අතුවල එල්ලී ඔංචිලි පදිනවා සිහිනෙන් දකී නම් තමන් කොහේ හෝ වංචාවකට හසුවෙයි.
කුඩා ළමයින් පිරිසක් විශාල මඩක එරී කෑගසනවා සිහිනෙන් දුටුවොත් තම ඥාති දරුවකුට කරදරයකි.
අඳින ලද චිත්රයකට පණ එනවා සිහිනෙන් දුටුවොත් නිකරුණේ මුදල් නාස්ති වෙයි.
නිවෙස ඉදිරිපිටට රටේ නායකයා පැමිණ තමන්ට අඬගහනවා සිහිනෙන් දුටුවොත් ප්රබල ජයක් ලැබෙයි. රාජ යෝගයක් පලදෙයි.
නිතර නිතර ගෙදර අය කෑගසනවා සිහිනෙන් දකී නම් නිවෙසට ප්රේත දෝෂයකි.
නිවෙසට ගෙන ආ මාළු මඟ හැලී එම මාළුන්ට පණ තිබෙනවා සිහිනෙන් දුටුවොත් අසල්වැසියකුගෙන් කරදර එයි.
ජ්යොතිෂවේදී අනුර ඒකනායක