“අග්නිදිග ආසියානු ජාතීන්ගේ සංගමයේ” සභාපති ධූරය “කාම්බෝජයට”හිමිවීම ගැන තම සතුට පළ කරන බවත් එරටේ දියුණුව උදෙසා දිය හැකි සහාය උපරිම අන්දමින් දෙන බවත් ඉන්දියා අගමැති නරේන්ද්ර මෝධි කියයි.
මහා භාරතයත් කාම්බෝජයත් අතර දීර්ඝ කාලයක් තිස්සේ පවත්නා සංස්කෘතික සහ සමාජමය බැඳීම ඓතිහාසික වටිනාකමක් ඇති එකක් බව ද ඒ සම්බන්ධකම් විදහා දැක්වෙන කාම්බෝජයේ පිහිටි“ඇන්ග්කෝර්වට්”සහ“ප්රිහාර්”යන පෞරාණික විහාරස්ථාන දෙක සංවර්ධනය කිරීම ගැන තම ප්රශංසාව පිරිනමන බවද කාම්බෝජයට සභාපතිත්වය හිමිවීම පිළිබඳව අගමැති මෝධි විසින් නිකුත්කරන ලද සුබ පැතුම් පණිවිඩයේ දැක්වේ.
දෙරට නායකයින් අතර පැවති ද්වි පාර්ශවීය සහයෝගිතාව පිළිබඳ සාකච්ඡාවේ දී පශ්චාත් වසංගත තත්ත්වයෙන් පසුව කාම්බෝජයේ ඉදිිරි ආර්ථික සංවර්ධනය පිළිබඳවත් මෙතෙක් දෙරට අතර පැවැති මිත්රශීලිත්වය ගැනත් අගමැති මෝධි ප්රශංසනාත්මකව අදහස් දක්වා තිබේ.
කලාපීය බලවතා වන මහා භාරතය සමග තම රටට මේ අන්දමින් සම්බන්ධතා පැවැත්වීමට ලැබීම ඉතා වටිනා දෙයක් බවද,කොවිඩ් වෛරස මර්ධන එන්නත් තුන් ලක්ෂ විසි පන්හසක්(3,25,000)පිරිනැමීම ගැන තම හෘදයංගම සතුට පිරිනමන බවත් කාම්බෝජ අගමැති “හුන්සෙන්”පැවසීය.
කාම්බෝජයේ “මීකොං” ගඟේ සංවර්ධන කටයුතු පිළිබඳව ද ඒ අවස්ථාවේ දී දීර්ඝ අන්දමින් සාකච්ඡා කර තිබේ.
චන්ද්රසේන මාරසිංහ
