ඕනෑම ක්ෂේත්රයක සාර්ථකත්වය රඳා පවතින්නේ වාසනාව මත නොව, තමන් ඉලක්ක කළ ගමන වෙනුවෙන් කරන කැපකිරීම් මතය. අද වන විට ලාංකේය සංගීතයේ නොමැකෙන නමක් සටහන් කර ඇති හර්ෂණ කේ. පේරේරා යනු ඒ කැපකිරීම්වල සැබෑ ප්රතිඵලයයි. 2017 වසරේ දුෂ්කරව ඇරඹි ගමන 2019 වන විට ක්ෂේත්රයේ හැරවුම් ලක්ෂ්යය සටහන් කරමින් අද වන විට ගීත 160කට අධික නිර්මාණ ප්රමාණයකට උරුමකම් කියයි. ‘ලෝකයෙන් යමු‘ සහ ‘කොමලියා‘ වැනි රටක් හඳුනන ගීත ලියූ හර්ෂණ සිය නිර්මාණ ගමන ගැන ‘හාට්’ අපිත් එක්ක හඬ අවදි කළා… Sri Lanka Latest News
ඉතින් හර්ෂණ, මේ දවස්වල ජීවිතේ ගෙවෙන්නේ කොහොමද?
මේ දවස්වල ඉතින් වෙනසක් නෑ. කලින් වගේම වැඩ ටිකත් කරගෙන නිදහසේ ජීවිතේ ගෙවන ගමන් අලුත් වැඩ ගැන අවධානය යොමුකරගෙන යනවා.
අපිට දැනගන්න පුළුවන්ද ඔබ මේ ක්ෂේත්රයට පිවිසුණේ කොහොමද කියලා?
මං මේ ක්ෂේත්රයට ආවෙ මේකට තිබ්බ ආශාවයි උනන්දුවයි එක්ක. මට අවුරුදු 17, 18 කාලෙදිම මම ආසා දේ කළා. හැබැයි ඒක ලේසි වුණේ නෑ. මට මතකයි කිසිම පහසුකමක් නැතුව ජනප්රිය ගායක ප්රගීත් පෙරේරා එක්ක ඒ කාලෙ සින්දු හැදුවා හරිම අමාරුවෙන්. අපි දෙන්නම එකටම තමයි ෆීල්ඩ් එකට ආවේ.
ඔබගේ මුලින්ම ජනප්රිය වුණු ගීතය මතකද? ඒ ගැන මතක් කිරීමක් කරමුද?
මම ෆීල්ඩ් එකට ආවෙ 2016 – 2017 වගේ. හැබැයි මුලින්ම සින්දුවක් හිට් වුණේ 2019. ඒ තමයි මංජුල පුෂ්පකුමාරට කරපු ‘තේරුම් ගත්තා හැමදේම හොඳම දේ වුණේ සමුදීම’ කියන ගීතය. ඒත් එක්කම 2019 රිලීස් වුණා නිලාන් හෙට්ටිආරච්චිගේ ‘ලෝකයෙන් යමු’ කියන ගීතය. ඒක තමයි මගේ ටර්නිං පොයින්ට් එක. එදා පටන්ගත්ත ගමන තමයි අද මේ විදිහට ගෙවිලා යන්නේ. මෑත කාලයේදී ජනප්රිය වුණු ගීත ගත්තොත් 2025 අන්තිම රිලීස් කරපු ‘මල් කුමරිය’ සහ ‘ආශා’ කියන ගීත දෙක.
පද රචනයට අමතරව ගායන කටයුතු කරනවා නේද?
ඔව්. මම ෆීචරින් කරපු ගීත 8ක් තියෙනවා සහ මගේ සෝලෝ එකක් තියෙනවා. ඉස්සහරට මගේ තනි ගීත 4ක් එන්න තියනවා. එකක් නම් සම්පූර්ණ ඉවරයි. ඒක ඉක්මනින්ම ඔයාලට අහන්න දකින්න පුළුවන් වෙයි.
මේ වනවිට හර්ෂණගේ ජනප්රියම ගීතය මොකක්ද?කවුද ගායනය කරන්නේ?
ජනප්රියම ගීතය මේක කියලා මට එකක් නම් කියන්න අමාරුයි. නම් වශයෙන් කිව්වොත් ඉතින් කෝ කොමලියා, මට ඉන්න හිතුණා, අරාබි කුමාරි, ටිකිරිලියා, හැදුනද රිදුනද මේ වගේ සින්දු 30ක් විතර තියෙනවා හොඳටම ජනප්රිය වෙච්ච. ඒ අතරින් ප්රගීත් පෙරේරාට ලියපු කොමලියා සහ අමන්දි සුලෝචනාට ලියපු මට ඉන්න හිතුණා වගේම මටම ලියපු ටිකිරිලියා කියන ගීතවල මම වෙනසක් දකිනවා.
මේ වනවිට ගී පද රචන කීයක් වගේ කරලා තියෙනවද?
මම මේ වනවිට ගීත 160ක් විතර රචනා කරලා තියෙනවා.
ඔබ ජනප්රිය ගායකයන් කිහිප දෙනකුගේම ගීතවල පද රචනය සිදුකරලා තියෙනවා. කොහොමද ඔවුන් එක්ක වැඩ කරනකොට අත්දැකීම්?
ඇත්තටම අපි කතාබහ කරලා තමයි වැඩ කරන්නෙ ගොඩක් වෙලාවට. අපි සින්දු හදලා ඒ සින්දුවට හරියන ආටිස්ට් සිලෙක්ට් කරගෙන අපි එයාට සින්දුව යවනවා. නැත්තම් අපිට කියලා සින්දුවක් හදාගන්න කතා කරන ක්ලයන්ට් කියන විදිහට එයාට සින්දුවක් හදලා දෙනවා.
ඔබගේ වචනවලට ලැබෙන ප්රේක්ෂක ආදරය කොයි වගේද?
ඒක ඉතින් මගේ සින්දු අහන බලන අය කියන විදිහට ගොඩක් හොඳ ප්රතිචාර තියෙනවා. ලියන හැම සින්දුවකටම වගේ හොඳ කමෙන්ට්ස් ලැබෙනවා. ඒ අහන බලන අය තාමත් මාත් එක්ක ඉන්න එක ගැන මට සතුටුයි. මගේ ගීත කාලෙන් කාලෙට ගැළපෙන වෙනස් විදිවලට රචනා කරන නිසාම තමයි එයාලා මාත් එක්ක රැඳිලා ඉන්නේ.
ඔබට මේ පිළිබඳ හැකියාව තියෙන බව හඳුනාගත්තේ කොහොමද?
ඒක නම් මම දන්නෙත් නෑ. ඉස්කෝලේ යන කාලෙ ඉඳන්ම මම ලියන සින්දුවල වචන වෙනස් කරලා මට ඕනෙ විදිහේ වචන දාලා ඩෙසක්වලට ගහ ගහ යාළුවො එක්ක කියලා තියෙනවා. ඒක වෙන්න ඇති මම කොහොම හරි මේ ෆීල්ඩ් එකට ආවේ.
මේ ගමනේදී ඔබට ආපු බාධා මොනවද?
බාධා නම් අදටත් නොඅඩුව ලැබෙනවා. හැබැයි ඉතින් මගේ ගමන මම යනවා. වෙනසක් නෑ බාධක තිබ්බට.
මේ වනවිට ටේරන්ඩින් ගීත ගණනාවක ගී පද රචකයෙක් ඔබ. ඒ කාලෙට ගැළපෙන පද රචනා කරන්නේ කොහොමද?
මම හිතනවා මගේ සින්දු අහන සෙට් එකට ඕනෙ විදිහ මොකක්ද කියලා වගේම සමාජෙට ඕනෙ මොන විදිහේ සින්දුද කියලත් මම තේරුම් ගැනීම නිසා වෙන්න ඇති මේ වගේ වචන ගළපගන්න පුළුවන් වෙන්නේ කියලා මම විශ්වාස කරනවා.
ඉතින් හර්ෂන, ඔබගේ ඉදිරි වැඩකටයුතු මොනවද?
ඉදිරි වැඩ කිහිපයක් එන්න තියෙනවා. තව වැඩ ගොඩක් අලුතින් නිර්මාණය කරන්න තියෙනවා. තාම හරි පොඩ්ඩයි කරලා තියෙන්නෙ. ඉතින් අපි බලමු ඉස්සහරට මොකද වෙන්නෙ කියලා.
