රාත්රී අහසේ සෙවණැලි ග්රහයා ලෙස හඳුන්වන රාහු, කේන්ද්රයක කර්මස්ථානය හෙවත් දසවැන්නට පැමිණි විට නිර්මාණය කරන්නේ අමුතුම ආකාරයේ චුම්භක බලයකි. මෙය හරියට ඝන අඳුරේ දැල්වෙන එකම ගිනිකූරක් වැනිය. එම ආලෝකය දෙස මුළු ලෝකයම ඇසිපිය නොහෙළා බලා සිටින නමුත්, ඒ ආලෝකය පිටුපස ඇත්තේ දැවෙනසුලු අවදානමකි.Sri Lanka Latest News
සාමාන්යයෙන් කෙනෙකුට අපකීර්තියක් හෝ චෝදනාවක් එල්ල වූ විට ඔවුන් සමාජයෙන් සැඟවී සිටීමට උත්සාහ කරයි. නමුත් දසවැන්නේ රාහු සිටින්නාට සිදුවන්නේ මෙහි අනෙක් පැත්තයි. ඔහුට එල්ල වන ඕනෑම විවේචනයක්, නරක නමක් හෝ ”කැපිල්ලක්” රාහු විසින් විශාල ප්රසිද්ධියක් බවට පරිවර්තනය කරයි. ”නරක ප්රසිද්ධියත් ප්රසිද්ධියක්ම තමයි” යන කියමන සැබෑවක් වන්නේ මොවුන්ටය. මොහු වටා නිරන්තරයෙන් කතාබහක් නිර්මාණය වේ. ඒ කතාව හොඳ වුවත්, නරක වුවත් එයින් සිදුවන්නේ ඔහුගේ නාමය සමාජය තුළ තව තවත් මුල් බැස ගැනීමයි. රාහු මෙහිදී ක්රියා කරන්නේ සූම් ලෙන්ස් එකක් මෙනි; ඔහු කරන කුඩා දේ පවා ලෝකය ඉදිරියේ මහා පරිමාණයෙන් පෙනෙන්නට සලස්වයි.
මෙම පිහිටීම ගිනිකූරකට සමාන කරන්නේ ඇයි? ගිනිකූරක් දැල්වූ විට ඉන් ලැබෙන ආලෝකය ප්රබල වුවත්, එය පවතින්නේ ඉතා කෙටි වෙලාවකි. එමෙන්ම ගින්දර කෙමෙන් කෙමෙන් ඇඟිලි දෙසට ගමන් කරයි. 10 වැන්නේ රාහු සිටින පුද්ගලයා තමන්ට ලැබෙන මේ ප්රසිද්ධිය ගැන අහංකාර වී, සදාචාරාත්මක සීමා ඉක්මවා ගියහොත්, ඔහු අමාරුවෙන් ගොඩනගාගත් සියල්ල තත්පර කිහිපයකින් අළුවී යාහැකිය. විශේෂයෙන්ම දූෂිත ක්රම මගින් බලය හෝ ජනප්රියත්වය ලබාගැනීමට උත්සාහ කළහොත්, එම බලයම ඔහුට එරෙහිව හැරී තමන්වම දවා අළු කිරීමට තරම් දරුණු වේ. රාහු දසවැන්නේ සිටින විට පුද්ගලයාට ප්රසිද්ධිය සහ බලය සඳහා ඇති බඩගින්න වැඩිය. එය පාලනය කර නොගතහොත් අවසානයේ ඉතිරි වන්නේ අත පිච්චුණු වේදනාව පමණකි.
ජ්යොතිෂ විද්යාත්මකව බලන විට, 10 වැන්නේ රාහු යනු ලෝකය ජය ගත හැකි සුවිශේෂී පිහිටීමකි. ඔහු සම්ප්රදායික රාමු බිඳ දමමින් ඉදිරියට යයි. බොහෝ විට දේශපාලන ක්ෂේත්රයේ හෝ ජනමාධ්ය ක්ෂේත්රයේ දැවැන්ත පෙරළි කරන්නේ මෙවැනි පිහිටීම් ඇති අයයි. නමුත් ඔවුන් මතක තබා ගත යුතු එකම රහස නම්, රාහු ලබා දෙන මායාවී ප්රසිද්ධිය තුළ අතරමං නොවී, සත්යය සහ ධර්මය මත තම වෘත්තීය ගමන හැඩගස්වා ගැනීමයි. එවිට එම ගිනිකූරෙන් තමන්ව පිච්චෙනවා වෙනුවට, ලෝකයම ආලෝකවත් කරන පහනක් දැල්වීමට ඔවුන්ට හැකියාව ලැබෙනු ඇත.
ජ්යෙතිෂවේදී ඔස්මන් පෙරේරා
