වාස්තු විiානුකූලව ඉදිකළ නිවෙසක ජීවත්වන විටදීද ඔබ නිරතුරුවම පිළිපැදිය යුතු කරුණු රාශියක් වාස්තුවේම පෙන්වා දී ඇත. ඒ හරහා පවුලේ දියුණුව, යසඉසුරු, සැප සම්පත් ආදී බොහෝ දේ ලබන්නට හැකියාව ලැබේ.
ඉදිරිපස දොර සහ පසුපස දොර
ඉදිරිපස මංගල දොරෙන් ඇතුල් වන විගස පිටුපස දොරෙන් පිටත පෙනේ නම් එය අසුබ පිහිටීමක් ලෙස වාස්තුවේ දැක්වෙයි. මෙවැනි තත්ත්වයන් වේ නම් දොරට තිර රෙද්දක් යෙදීම සරල තාවකාලික විසඳුමක් සේ හඳුන්වා දිය හැකිය.
ප්රධාන දොරටුව අසල ඇති ශාක
ප්රධාන දොර අසල කටු සහිත ශාක හෝ උල් හැඩැති පත්ර සහිත මල් පැළ, විසිතුරු ශාක නොතැබිය යුතුය. ඒවා අතිශය අසුබ බව සඳහන් වෙයි. මේ සඳහා රවුම් පත්ර සහිත මල් පැළ, ශාක වර්ග ඉතාම සුබ වෙයි. හැකි සෑම විටම මේවා රාත්රියට ඉවත් කළ යුතුය.
ඉදිරි දොරෙන් ඇතුල්වෙද්දී එක එල්ලයට පෙනෙන පඩිපෙළ
ප්රධාන දොරෙන් නිවෙසට ඇතුල් වන විගස එක එල්ලයට ඉහළ මහලට යන පඩිපෙළ දර්ශනය වේ නම් එය අසුබය. එවැනි තත්ත්වයක් ඇත්නම් බිත්තියක් බැඳ එය ආවරණය කරන්න. එයින් අයහපත් බව මැකී යයි.
සාලයේ අනවශ්ය බඩු ගොඩගසා තිබේද?
නිවෙසක ප්රධාන අංගයක් ලෙස සාලය විශේෂ වෙයි. නිවෙසකට ඇතුළු වන සෑම කෙනෙක්ම මුලින්ම යන්නේ සාලයටය. එහෙයින් සාලයේ අනවශ්ය ලට්ට-ලොට්ට, බඩු-භාණ්ඩ පුරවා තැබීමෙන් වළකින්න. එසේ අනවශ්ය දේ පුරවා සාලය අවහිර කරන තරමට ඔබගේ දියුණුව සහ සෞභාග්ය ප්රමාද වනු ඇත.
බාල්ක යට ගෘහ භාණ්ඩ
නිවෙසේ වහළයට යොදා ඇති බාල්ක යටට හසුවන ලෙස ෂෝපා, පුටු, ආදී ගෘහ භාණ්ඩ තැබීම අහිතකරය. ඒවායින් මානසික සහනය නැති කරන වායු දහරා පිටවන බවත් ඒවා යට ගෘහ භාණ්ඩ තැබීමෙන් ඒ මත වාඩි වී සිටින්නන්ගේ මනස නොසන්සුන් වෙන බවත් පැවැසේ.
‘එල්’ (L) හැඩැති සාලය
ඇතැම් නිවාසවල සාලය ඛ හැඩයට සකසා ඇති අවස්ථා දැකිය හැකි අතර එවන් සාලය අසුබ බව කියැවෙයි. එහෙයින් ඔබගේ නිවෙසේ සාලය ඛ හැඩැති නම් ගෘහභාණ්ඩ තැබීමේදී එම තත්ත්වය වෙනස් වන ආකාරයට තබන්න. එවිට අසුබතා දුරුවෙයි.
වර්ණ ගැන නොසලකා හරින්න එපා
වර්ණ හරහා නිවෙසේ ජීවත් වන්නන්ගේ මානසික තත්ත්වය වර්ධනයට කටයුතු කළ හැකි බව වර්ණ විiාවේ හඳුනාගෙන ඇත. ඔබට ප්රසිද්ධිය හා ජනප්රියත්වය අවශ්ය නම් ළා රතු, රෝස මෙන්ම ළා නිල්ද භාවිත කළ හැකිය. නිරෝගී සම්පත් වර්ධනයට ළා නිල් නැඟෙනහිර දිසාවේ බිත්තිවලට සුබවෙයි.
ලස්සනයි කියලා හිතන සත්ව අං තට්ටු සහ ඇටකටු
ඇතැම් අය විසිතුරු යැයි සිතා සත්ව අං තට්ටු ඇටකටු කැබැලි ආදිය නිවෙසේ තැනින් තැන තබා තිබෙනු දැකිය හැකිය. එහෙත් මේවායෙන් ඇතිවන්නේ අලංකාරයක් නොව අසුබ තත්ත්වයකි. එවැනි දේ හැකි ඉක්මනින් ඉවත් කිරීමෙන් ඔබගේ බොහෝ ප්රශ්න විසඳෙනු ඇත.
මුළුතැන්ගෙයි ප්රශ්න
මුළුතැන්ගෙයි සියලුම රාක්කවලට කොළ පැහැය ආලේප කළ හැකි නම් වඩාත් සුබ වෙයි. නිවැසියන්ගේ සෞඛ්ය රැකේ. මෙයට අමතරව බට ලී වට්ටියක සුදුලූනු අසුරා තබන්න. එයින් නිවෙස තුළ ඇති අසුබ විෂබීජ විනාශ වනු ඇත.
උතුරට හිස දමා නිදාගන්න එපා
ඔබගේ නිදන ඇඳ ස්ථානගත කිරීමේදී උතුරට හිස දමා නිදනාගන්නා අයුරින් සකස් කරන්න එපා. උතුරට හිස දමා නිදාගැනීම අහිතකර බවත් එමඟින් සෞඛ්ය පීඩා, මානසික ආතතිය වැනි දේ ඇතිවන බවත් හඳුනාගෙන ඇත.
ඇඳන් දෙකක්ද
අඹු-සැමි යුවළකට ඇඳන් දෙකක් එකට තබා එක මෙට්ටයක් දමා නිදා ගන්නට තිබේ නම් සමඟිය පලුදු වෙයි. දෙදෙනා අතර ගැටලු ඇති වෙයි. වෙන්වීම පවා සිදුවිය හැකිය.
කාර්යාලයේ මේසය-පුටුව
බොහෝමයක් කාර්යාලවල මෙය එතරම් සැලකිල්ලට නොගෙන ගෘහ භාණ්ඩ, මේස, පුටු තබනු දැකගත හැකිය. එහෙත් ඉතා සුබවාදී ප්රතිඵල අපේක්ෂාවෙන් මේස, පුටු තබන්නේ නම් ඊට සුදුසුම ක්රමය ඉදිරි දොර දෙසින් පැමිණෙන අයට මුහුණලා සිටිනසේ ඒවා තැබීමයි. එවිට දිනෙන් දින දියුණුවට හේතු යෙදේ.
ඔරලෝසුව දොර ඉදිරිපිටද
නිවෙසේ ප්රධාන දොරටුව කෙළින් එක එල්ලයට බැලූ විට පෙනෙන ලෙස ඔරලෝසුව තබා ඇත්නම් එය අසුබ වෙයි. ලැබෙන මුදල් නිකරුණේ වියදම් වෙයි. අධික වියදම් යෙදේ. මුදල් නොරැඳෙයි.
ජල කරාම
බොහෝ දෙනෙක් එතරම් සැලකිල්ලක් නොදක්වන දෙයක් මේක. එනිසා ඇතැම් ජල කරාමවලින් ජලය වෑස්සෙන්න පටන් ගන්නවා. මේවා දිගින් දිගටම එකම ආකාරයට සිදුවීම තුළ නිවෙස අපිරිසුදු වෙනවා වගේම ඊට වඩා වැඩි වේගයකින් අයහපත් කරුණු වර්ධනය වෙනවා. එමඟින් ධනය විනාශ වෙනවා. ඒ වගේම කරදර, බාධක යෙදෙනවා.
අතුගාද්දී
නිවෙස අතුගාද්දී ප්රධාන දොර දෙසට අතුගාන්න හෝ අතුගා එකතු කළ කුණු ප්රධාන දොරෙන් එළියට දාන්න එපා. එය අසුබයි. ධනය පිරිහේ.
ජනේලයෙන් කෙළගැහුවොත්
නිවෙසේ ජනේලයකින් නිතර නිතර කෙළගැසීම අතිශය අසුබ දෙයකි. එමඟින් නිවෙස පිරිහේ. ධනය සහ නිරෝගී බවද නැතිවීමට බලපායි.
ජ්යොතිෂවේදී සත්යජිත් සම්පත්
