දරුපල හිමිකරවන මන්ත්‍ර දෙකක්

විවාහයෙන් පසුව සියලුම දෙනා බලාපොරොත්තු වන්නේ දරු සිඟිත්තෙක් පවුලට එකතු කරගෙන සතුටෙන් ජීවත් වන්න. එය එසේ වුවත් දරුවන් නැතිව දුකින් ළතැවෙන විවාහක පිරිස කොතරම් අප රට තුළ සිටිනවාද?
එයට සහනයක් ලබාදීමේ සුපිරිසුදු අරමුණින් සැමියාගෙන්, නැන්දම්මාගෙන්, නෑදෑයන්ගෙන්, මිත්‍රයන්ගෙන්, අසල්වැසියන්ගෙන් දරුවන් නොමැති නිසාම ගැරහුම් ලබන කාන්තාවන්ට පිහිටක් වේවා යන සිතුවිල්ල පෙරදැරිව සකස්කර ඉදිරිපත් කරන ලදී.

පුවපල් නැකැත පවතින දිනයක උදේ 6ත් – 7ත් අතර කතා නොකර ගොස් හොඳින් පල හැදෙන අඹ ගසක නැඟෙනහිරත්, උතුරත් අතර ඇති අඹ මුල් ගලවාගෙන හොඳින් පිරිසුදුවට වේලා කුඩුකර රැගෙන මේස හැන්දක් වතුර නොදැමූ එළකිරි හෝ එළුකිරි කාලකට දමා සූකිරිද මේස හැන්දක් සමඟින් හොඳින් කලවම් කර උදේම හිස්බඩ බොන්න. දරුවන් ස්ථීරවම ලැබෙන්නේය. මාසික ඔසප් දිනයෙන් දින 3කට පසු සිට පානය කරන්න. සරු දින 14 තුළ අටවක රිට්ටා අමාවක අඟහාරුවාදා පසළොස්වක දිනවල දහවල් 12ට, සවස 6ට, උදේ 6ට සහ රාත්‍රී 12ට දෙදෙනාම මනස හා සිරුර ඉතාම පිරිසුදුව තබා ගනිමින් කායිකව එක්වීම යහපත් දරුවන් ලැබීමට හේතු වන්නේය.

මෙම ඉහත සඳහන් අයුරින් කායිකව එක් වන්නට පෙර දින 3ක් බෝධි පූජාවක් තැබීමට පිරිසුදුව, නොයිඳුල්ව එළකිරිවලින් සාදන ලද කිරිබත් කෑලි 9ක් කැමති අයුරින් මල්පැන්, ගිලන්පස, දැහැත්, හඳුන්කූරු රැගෙන ගොස් බෝධිය වටේ ඇමද පිරිසුදු කර උදේ 3ත් – 4ත් අතර තැබූ පූජා සියල්ල බුදුපියාණන්ට තමා දන්නා අයුරින් ගාථා කියා පූජාකොට හැකිනම් ධජග්ග පිරිතද කියා සියලු දෙවියන්ට පින් පමුණුවා මෙසේ ඇයද සිටින්න.
“මෙම බෝධි වෘක්‍ෂයට අරක්ගෙන මනුසත් කයක් ලැබීමට බලාපොරොත්තුවෙන් පැමණ සිටින යම් දේවතාවියක් හෝ දේවතාවෙක් සිටින්නේ නම් මම එම දේවතාවියට හෝ දේවතාවාට ඉතාම සතුටින් මවක් වන්නට කැමති බැවින් මාගේ කුසේ පිළිසිඳ ගන්නා මෙන් පින් දීමෙන් යුතුව ආරාධනා කරන්නෙමි” යනුවෙන් ශබ්ද නඟා බෝධිය දෙසට නෙත් යොමා 7 වරක් කියන්න. මෙසේ එක දගටම දින 3ක් කරන්න. එසේම දෙදෙනාම පූජාවට යනවා නම් ඉතාම යහපත් වෙයි. සැමියාටද පෙර සඳහන් පරිදි පියකු වන බවට දෙවියන්ට ආරාධනා කරනවා නම් ඉතාම යහපත් පල අත්වන්නේය.

එලෙසම දෙදෙනා කායිකව එක් වන්නට පෙර බෝධිය ළඟදී කළ ආරාධනාව නැවත සිහිගන්වමින් පෙර සඳහන් කළ වේලාවන් තුළ කායිකව එක්වන්න.
නිතරම මට දරුවකු ලැබෙනවාමයි කියා ධනාත්මකව සිතන්න. දරුවකුගේ රූපය සිත තුළ මවාගන්න. ලැබෙන දරුවාට තබන්න ලස්සන නමක් සිතේ ලියාගන්න. දරුවාට අන්දවන ඇඳුම් – පැලඳුම් නිර්මාණ සිතින් මවන්න. දිගින් දිගටම එසේ කරද්දී ඔබගේ අහිංසක පැතුම තිසරණ සරණින් සැම දෙවි පිහිටෙන් ඉටුවන්නේමය.

ඍග්වේදයේ මන්ත්‍ර දෙකක් බිරියට සහ සැමියාට පහත සඳහන් කරන අතර, එය ඉතාමත් භක්තියෙන් දෙදෙනාම ඉතා පිරිසුදු සිතින් යුතුව කියවුවහොත් නිසැකවම ඉතා සුපින්වත් දරුවන් ලබන්නේය.
සැමියා කියැවිය යුතු මන්ත්‍රය
ඕම් පරං බ්‍රහ්ම පරමාත් මනේ (——-)
ගර්භේ දීර්ඝ ජීවී සුතං
කුරු කුරු ස්වාහා
(හිස්තැනට බිරියගේ නම කියන්න)

දිනකට 108 වරක් වරහන් තුළට බිරියගේ නම කියා මන්ත්‍රය කියන්න. රහ මෙර හා ගව සූකර මාංසවලින් වැළකී දිනපතා රාත්‍රී කියවන්න.
බිරිය කියැවිය යුතු මන්ත්‍රය
මනෝ මහාන්ත මෘත මානො
අර් භකං මාන උක්ෂන්ත මෘත මානා උක්ෂිතං
මනෝවධිඃ පිතරං මොන මාතරං
ප්‍රියාමා නස්තනුවෝ රුද්‍ර රිරීෂඃ

දිනකට 16 වරක් ගව සූකර මාංසවලින් වැළකී දිනපතා රාත්‍රී කියවන්න.
ඉහත සඳහන් දෑ කරන කාලය තුළම ඉතා හොඳින් සුබ ගණ පිහිටුවා ශ්‍රී විෂ්ණු කතරගම දෙවියන්ට ඔබ දෙදෙනාගේ උපන් ලග්නයට හා නැකැතට අනුව නිවැරැදි ගණ පිහිටුවා සෙත්කවි දෙකක් කියැවීමද කළහොත් තවත් ඉක්මනින් දරුපල ලබන්නට වාසනාව හිමිවන්නේ ඔබත් පුදුම කරමිනි.
ආචාර්ය ජී.ජී. කේමන් කුලසිරි