රංගනය නොවුණා නම් ඩාන්සින් ටීචර් කෙනෙක් වෙන්න හිටපු, හැබැයි නාට්ය හා රංගකලාව ඉගෙනගෙනම ක්ෂේත්රයට ආපු අමුතුම කෙල්ලෙක්… ප්රවීණයෝ එක්ක වැඩ කරද්දී වැරදි හදාගෙන, ‘අපි තෝරගන්න මිනිස්සු අනුව තමයි ආදරේ සුන්දර වෙන්නේ‘ කියන තියරියක ඉන්න, ආධුනික වුණත් ලොකු ගමනක් යන්න ඉන්න චතුනි රාජපක්ෂ ගැනයි අද ‘හාට්’ අපේ කතාව.Sri Lanka Latest News
ඉතින් චතුනි මේ දවස්වල මොකද වෙන්නේ?
මේ දිනවල රංගන ක්ෂේත්රයේ වැඩකටයුතු හා අනෙකුත් වැඩකටයුතු කරමින් සතුටින් ඉන්නවා.
ඔබ කොහොමද රංගනයට පිවිසෙන්නේ?
මුලින්ම රංගනයට පිවිසෙන්නේ 2025දී පැවැත්වූ ඔඩිෂන් එකක් හරහයි. ඒ ස්වර්ණවාහිනියේ විකාශය වූ ‘කුරුල්ලෝ’ ටෙලිනාට්යයේ නයෝමිගේ චරිතයෙන්.
ඔබ මේ ක්ෂේත්රයේ රැඳී ඉන්න යම් හැදෑරීමක් සිදුකරනවද?
අනිවාර්යයෙන්ම. රංගන ක්ෂේත්රයේ රැඳී ඉන්න නම් එහි වැඩිදුර අධ්යාපනයක් ලැබිය යුතුයි. දැනට මම උසස් පෙළ සඳහා නාට්ය හා රංගකලාව හදාරා ලැබූ දැනුමින් මේ තැන ඉන්නේ. නමුත් එය මදි. මම මේ ක්ෂේත්රයේ රැඳී සිටිමට ඒ සඳහා අවශ්ය දැනුම ලබාගැනීමට ඉදිරියේදී පාඨමාලා කිහිපයකට සම්බන්ධ වීමට බලාපොරොත්තුවෙන් ඉන්නෙ.
ඔබ නිර්මාණ භාර ගැනීමේදී තෝරාබේරා ගැනීමක් සිදුකරනවාද?
ඔව්, නිර්මාණයක් භාරගැනීමේදි මම බලන කරුණු කිහිපයක් තියෙනවා. මුලින්ම බලන්නෙ ඒ චරිතේ මට ගැළපෙනවද යන්න. ඊට අමතරව මට ඒ චරිතයට සාධාරණයක් කරන්න පුළුන්ද කියලත් බලනවා. ඒ දේවල් බලලා තමා මට ලැබෙන චරිතය සඳහා දායක වෙනවාද නැද්ද යන්න තීරණය කරන්නෙ.
ලැබෙන ප්රේක්ෂක ආදරය කොයි වගේද?
ප්රේක්ෂකයන්ගේ හොඳ ප්රතිචාර වගේම ආදරයත් නොඅඩුව ලැබෙනවා. නමුත් ජනතාව අතරේ ජනප්රිය චරිතයක් වෙන්න නම්, තවම ආධුනික රංගන ශිල්පිනියක් හැටියට තව ටික කාලයක් යයි.
රංගනය නැත්නම් අද චතුනි කියන්නේ කවුද?
මම රංගන කටයුතු නොකළා නම් අද නර්තනය පැත්තෙන් ඉදිරියට ගිහින් නර්තන ගුරුවරියක් ලෙස කටයුතු කරන්න තිබුණා. නමුත් මගේ කුඩා කල සිටම කැමැත්ත තිබුණේ රංගනයෙන් හා නර්තනයෙන් යන දෙකෙන්ම ඉදිරියට යාමටයි. ලැබෙන අවස්ථා අනුව ක්ෂේත්ර දෙකේම කටයුතු කරගෙන යන්න බලාපොරොත්තුවෙන් ඉන්නවා
ප්රවීණයන් සමග වැඩ කිරීමේදී ලැබෙන අත්දැකීම කොහොමද?
ක්ෂේත්රයේ ප්රවීණයෝ සමග වැඩ කරන්න ලැබෙන එක ගොඩක් වටිනවා වගේම සතුටුයි. ඔවුන්ගෙන් ඉගෙන ගන්න දේවල් ගොඩක් තියෙනවා. ඒ වගේම තමා ඔවුන් අපිට අපේ වැරදි අඩුපාඩු කියලා දෙනව වගේම අපිට ඔවුන්ගෙන් ලොකු සහයෝගයක් ලැබෙනවා.
‘ඇත්තමයි මං ඔයාට ආදරෙයි’ ටෙලිනාට්යයට සම්බන්ධ වෙන්නේ කොහොමද?
ඒ අවස්ථාව ලැබුණේ හිරු ටීවී නාලිකාව හරහා පවත්වපු ඔඩිෂන් එකක් හරහා. ඒකෙන් පස්සේ මට උපේක්ෂාගේ චරිතයේ තරුණ කාලය රඟ දැක්වීමට අවස්ථාව ලැබුණා. ඊට අමතරව නාට්ය ගැන චුට්ටක් කියන්න ඕනේ. ධනුෂ්ක රත්නායක අයියා අධ්යක්ෂණය කරන දැවැන්ත නිර්මාණයක්. මේ අවස්ථාව මට ලැබුණු එක ගැන මම ගොඩක් සතුටු වෙනවා.
කලා ගමනට ගෙදරින් ලැබෙන සහයෝගය කොහොමද?
කලා ගමනෙන් ඉදිරියට යන්න ගෙදරින් ලොකු සහයෝගයක් මට ලැබෙනවා. ඉතින් ඒක ගැන නිහතමානී සතුටක් තියෙනවා
ඔබ ආදරය දකින්නේ කොහොමද?
ආදරය කියන්නෙ හරි සුන්දර දෙයක්. ආදරය හැම කෙනෙක්ටම ඕනෙ දෙයක්. ආදරය මිහිරි එකක්ද, අමිහිරි එකක්ද වෙන්නෙ අපි තෝරාගන්න මිනිස්සු අනුව.
දිගටම රංගන ක්ෂේත්රයේ රැඳී ඉන්න ඔබ මොනවද කරන්නේ?
හොඳ නිර්මාණවලට සම්බන්ධ වෙලා ප්රේක්ෂක ආදරය ලබාගෙන ඉදිරියට යන්න බලාපොරොත්තු වෙනවා.
ඔබගේ ඉදිරි වැඩකටයුතු ගැන මතක් කළොත්?
දැනට නම් ඇත්තමයි මං ඔයාට ආදරෙයි නාට්යයේ වැඩකටයුතු කරගෙන ඉන්නවා. ඊට අමතරව හොඳ පිළිගත් නිර්මාණවලින් ඉදිරියට එන්න බලාපොරොත්තු වෙනවා. ඒ වගේම තව වැඩ කිහිපයක් කරන්න සැලසුම් කරලා තියෙනවා. ඒවා ඉදිරියේදී ඔබට දැකගන්න ලැබෙයි.
