නාඩි ජ්යොතිෂයට අනුව ඔක්තෝබර් මාසයේ ඉපදුණු අයට ඉදිරි සතිය කෙසේද යන්න විමසා බැලුවොත් (ඔක්තොබර් 27 සිට නොවැම්බර් 02 වැනිදා දක්වා).
මේ කාලසීමාව මෙම පුද්ගලයන්ගේ ඕරාව පිරිසිදු වන කාලයකි. සොබාදහමේ ආශීර්වාදයත් සමගම මේ අයගේ ඕරා ශක්තිය බලගැන්වෙන කාලසීමාවකි. අන්යයන්ගේ ආකර්ෂණය වෙනදාට වැඩියෙන් මේ අය වෙත යොමුවේ. මේ නිසා ඔක්තෝබර් මාසයේ උපන් අයට මේ සතිය තුළදී යම් යම් අවස්ථාවන් උදාවේ. එම අවස්ථාවන් නිසි ලෙස හඳුනාගෙන කටයුතු කරනවා නම් ඒවා ඔවුන්ගේ ජීවිතයේ දියුණුව උදෙසා යොදාගැනීමේ හැකියාව ලැබේ. ඒවායින් නව මංපෙත් විවර වේ.Sri Lanka Latest News
විදේශ රැකියාවන් අපේක්ෂාවෙන් සිටි පුද්ගලයන්ට ඒවාට අදාළ සුබ ආරංචි මේ සතිය තුළදී ලැබේ. එම අපේක්ෂාවන් උදෙසා මෙම සතිය තුළදී වෙහෙස වනවා නම් නුදුරු අනාගතයේදී නිසැකව එම කටයුතු සාර්ථක කරගැනීමට හැකියාව ලැබේ. මන්ද මෙම සතිය ඔවුන්ට ඉතා වාසනාවන්ත සතියකි. ආධ්යාත්මික කටයුතුවලට වැඩිපුර නැඹුරු වනවා නම් මෙම තත්ත්වය තවදුරටත් වැඩිදියුණු කරගැනීමේ හැකියාවක් පවතී.
විවාහ දිවියට සහ ප්රේම සබඳතාවලට යහපත් කාලසීමවකි. අන්යොන්ය ආකර්ෂණය වැඩිවීම නිසා ගැටුම් අවම වී ආදරය වර්ධනය වේ. නිරන්තරයෙන්ම එකිනෙකා මුණගැසීමට, අසල රැඳී සිටීමට ඇති අවශ්යතාව වඩා ඉස්මතු වේ.
සමස්තයක් ලෙස මෙම සතිය ඔක්තෝබර් මාසයේ ඉපදුණු අයට ඉතා වාසනාවන්ත, ආදරණීය අන්දමින් ගතවන සතියකි. කෙසේ වෙතත් සෙම් රෝග, හතිය ආදී රෝගී තත්ත්වයන්ගෙන් පිඩා විඳින අයට මෙම රෝගී තත්ත්වයන් වැඩිවීමේ ප්රවණාවක් පවතී. වැඩිහිටි පුද්ගලයන්ට වඩා කුඩා දරුවන් සිටින මවුපියන් වෙනදාට වඩා තම දරුවන්ගේ සෞඛ්යය ගැන සැලකිලිමත් වනවා නම් ඉතා යහපත්. තවද ගර්භාෂගත රෝග පවතින කාන්තාවන්ගේ රෝගී තත්ත්වයන් වැඩිවීමට ඉඩකඩ පවතින බැවින් නිසි වෛද්යවරුන් වෙත යොමුවී ප්රතිකාර ගැනීම වැදගත් වේ. ඔබ සැමට සුබ සතියක්.
මනෝලි බණ්ඩාර
