ක්‍රිස්බ්‍රෝ Next Champ රූපවාහිනී වැඩසටහන 100වැනි පියවර පසුකරයි

ශ්‍රී ලාංකික ප්‍රජාව සවිබල ගැන්වීමේ ක්‍රියාවලිය අඛණ්ඩව ගෙන යාමේ අරමුණ පෙරදැරිව මෙරට ප්‍රමුඛතම කුකුළු මස් නිෂ්පාදන සමාගමක් වන ක්‍රිස්බ්‍රෝ ක්‍රියාත්මක කරන ව්‍යාපෘති අතුරෙන් ශ්‍රී ලාංකීය ක්‍රීඩක ක්‍රීඩිකාවන් රටට හඳුන්වාදෙන සුවිශේෂී වැඩසටහන වන ක්‍රිස්බ්‍රෝ Next Champ රූපවාහිනී වැඩසටහනේ 100 වැනි අදියර පසුකිරීම පසුගියදා සිදු විය. මෙම වැඩසටහන සෑම සෙනසුරාදා දිනකම රාත්‍රී 9.30ට ජාතික රූපවාහිනියේ චැනල් අයි නාලිකාව ඔස්සේ විකාශනය කෙරේ. මානව හැකියා සංවර්ධනය පිළිබඳව ප්‍රවීණ කථිකයකු වන භාතිය අර්ථනායක මහතා විසින් මෙම වැඩසටහන මෙහෙයවනු ලබයි.

ශ්‍රී ලංකාවේ සෑම අස්සක් මුල්ලක් නෑරම විසිරී සිටින විවිධ වූ ක්‍රීඩාවන්ගෙන් දක්ෂතා ඇති පාසල් මට්ටමේ සහ විවිධ ආයතන නියෝජනය කරන අංකුර ක්‍රීඩක ක්‍රීඩිකාවන් හඳුනා ගනිමින් ඔවුන්ට අවශ්‍ය නිසි පුහුණුව මෙන්ම නිසි පෝෂණය ලබා දෙන ක්‍රිස්බ්‍රෝ Next Champ ව්‍යාපෘතිය හරහා සිදු කෙරෙන ආයතනික සමාජ වගකීම් ප්‍රවේශයන් සහ ජාතික සහ ජාත්‍යන්ත තලයේ දක්ෂතා දක්වන ක්‍රීඩක ක්‍රීඩිකාවන් හඳුන්වාදීමට මෙම රූපවාහිනී වැඩසටහන ඔස්සේ ඉඩහසර ලබාදේ. ග්‍රාමීයව විසිර සිටින එහෙත් ක්‍රීඩා බලධාරීන්ගේ අවධානයට නතු නොවූ ක්‍රීඩක ක්‍රීඩිකාවන් විශාල සංඛ්‍යාවක් රටට හඳුන්වාදීමට ක්‍රිස්බ්‍රෝ Next Champ රූපවාහිනී වැඩසටහනට හැකි වූ අතර ක්‍රීඩාවේ තාක්ෂණික කරුණු පිළිබඳව ප්‍රවීණ ක්‍රීඩා උපදේශකවරයකුගේ මගපෙන්වීමද සෑම සතියකදීම ක්‍රීඩාවට ළැදි ප්‍රේක්ෂකයින් වෙත ඉදිරිපත් කිරීමට පසුගිය වැඩසටහන් 100කට අධික සංඛ්‍යාව තුළ ක්‍රිස්බ්‍රෝ Next Champ රූපවාහිනී වැඩසටහනට හැකි විය.