කාශ්මීරයේ පවත්නා දැඩි අයහපත් කාලගුණය පිළිබඳ නොතකා එරට බලශක්ති සංවර්ධන සංස්ථා සමාගම මහජනයාට කිසිදු බාධාවකින් තොරව බලශක්තිය ආණ්ඩව සපයයි.
එහෙත් එකී ආයතනය මහජනයාට එසේ බලශක්තිය සපයනු ලබන්නේ උපරිම වශයෙන් නොව අවම වශයෙන් බවද ප්රමුඛ අවශ්යතාව සඳහා පමණක් බවද පැවසේ.
ධාරානිපාත හිමපතනය නිසා පසුගිය ජනවාරි තුන්වැනිදා සහ හතර වැනිදා බිඳවැටුණු සමස්ත විදුලිබල පද්ධතියේ 95%ක් පැය දහයක කාලයකදීද සමස්ත බිඳවැටුමම පැය විසිහතරක් ඇතුළතදීද යථා තත්ත්වයට පත්කළ බව කාශ්මීර් බලශක්ති සංවර්ධන සංස්ථා සමාගමේ ප්රධාන ඉන්ජිනේරු අයිජිශ් අහමද් ධාර් පැවැසුවේය.
උදාවී ඇත්තේ යුද්ධ කාලයක් සේ සලකා සියලුම සේවකකාරකාදීන්ට වැඩකරන ලෙසට උපදෙස් දුන් බව ආයතනයේ ජ්යෙෂ්ඨ පරිපාලන නිලධාරියෙක් පැවැසුවේය.
මහා බිහිසුණු අන්දමේ හිම පතනයක් ජනවාරි මාසයේ පළමු සතියේ පැවැතියත් කාශ්මීරයේ කිසිම ප්රදේශයකට මෙගාවොට් අටසියයකට අඩු ධාරිතාවක විදුලිය සපයන්නට වගබලා නොගත් බවද, සැපයුම් බිඳවැටීමට හේතුකාරක විය හැකි අනතුරුදායක සෑම දෙයක් ගැනම විමසිල්ලෙන් සිටි බවද විදුලි රැහැන් පද්ධතියට බලපෑම් එල්ලවිය හැකි යැයි පෙනෙන ගස්වල අතු රිකිලි පවා කප්පාදු කළ බවද හෙතෙම වැඩිදුරටත් සඳහන් කෙළේය.
මේ සියලු කාර්ය සාධනය ඉෂ්ට සිද්ධ කරගැනීමට හැකි වූයේ එළැඹුණු සුළු කාලය උපරිම අන්දමින් නියාමනය කරගත් හෙයින් බවද විස්තර කළ එම නිලධාරියා “අලුත්වැඩියා කළ යුතු මෙන්ම අනතුරු සහ බිඳවැටුම් ඇතිවිය හැකි ස්ථාන පිළිබඳ සොයා බලා වාර්තා කරන ලෙසට විශේෂ කාර්ය බළකාය කල් ඇතිවම යෙදවූ බවද ඔහු අවධාරණය කෙළේය.
මේ සම්බන්ධයෙන් උතුරු කාශ්මීරයේ පදිංචිකරුවකු පැවැසුවේ මීට පෙර මේ අන්දමින් ගම්බද ප්රදේශවල බිඳවැටුමක් සිදුවූ අවස්ථාවකදී පැය විසිහතරක් ඇතුළත යළි ප්රකෘති තත්ත්වයට පත්කර විදුලිය යළි සපයා නැති බවද එසේ කඩිනමින් සැපයූ ප්රථම අවස්ථාව මේ බවද කීය.
තම ගම් ප්රදේශයේ පෙරදී විදුලිය බිඳවැටුණු අවස්ථාවලදී යළි විදුලි ලැබීමට දින ගණන් බලා සිටින්නට සිදුවූ බව කුප්වාරා ප්රදේශයේ පදිංචිකරුවකු වන අබ්දුල් ගානි කීවේය.
චන්ද්රසේන මාරසිංහ
