ඉම්රාන් ඛාන්ගේ පාලනය යටතේ පවත්නා පාකිස්තානයේ මේ වනවිට මානව අයිතිවාසිකම් උල්ලංඝණය කිරීමේ සිද්දීන් අහස උසට නැග ඇත.එ සේ හෙයින් මානව හිමිකම් තුට්ටු දෙකට වැටී ඇතැයි එ රට මාධ්ය ආයතන විසින් අනාවරණය කරනු ලැබ තිබේ.
පාකිස්ථානු පාලනයේ අණින් නැටවෙන හමුදාවේ ක්රියාකාරිත්වය සහ මානව හිමිකම්වලට ලැබී ඇති ස්ථානය මානව හිමිකම් ක්රියාකාරක“ඉස්ද්රික් කතාක්”අතුරුදන්වීමේ සිද්දියෙන් හොඳාකාරවම පැහැදිලි කෙරෙන බව“අයිතිවාසිකම් සහ ආරක්ෂාව පිළිබඳ ජාත්යන්තර සංසදය”පවසයි.
එ හෙත් ඒ මානව හිතවාදී ක්රියාකාරිකයාගේ අතුරුදන්වීමේ සිද්දියට ඉම්රාන් ඛාන්ගේ ඍජු සම්බන්ධතාවක් එකහෙළාම ඇති බවට “ජාත්යන්තර මානව හිමිකම් සංවිධානය” චෝදනා කරයි.
ඔහු ගේ පවුලේ සාමාජිකයන් විසින් අතුරුදන්වීම පිළිබඳව පෙෂාවර් පළාතේ මහාධිකරණයට පැමිණිල්ලක් ගොනුකිරීමෙන් අනතුරුව වර්ෂයකට පමණ පසුව තොරතුරු ආණාවරණයවී ඇත.
පවුලේ සාමාජිකයින් කියන අන්දමට(පැමිණිල්ලේ සඳහන් කෙරී ඇති පරිදි)කතාක් අතුරුදන්ව වසර දෙකයි,මාස දෙකයි දින එකක් ගතවන තුරුම ඔහු පිළිබඳව කිසිම හාංකවිසියක් හෝ සොයා ගැනීමට හැකිවී නැත.
ඒ අනුව ඉස්ද්රික් කතාක් ගැන කිසිදු තොරතුරක් 2019 වර්ෂයේ සිටම සොයා ගැනීමට හැකිවී නැත.යුධ හමුදා අධිකරණය විසින් 2021 දෙසැම්බර් මාසයේ දී ඔහු දාහතර (14)වසරකට බන්ධනාගාර ගත කරනු ලැබ ඇති බව මේ වනවිට දැන ගන්නට තිබේ.
මානව හිමිකම් පිළිබඳ ක්රියාකාරීන් මර්ධනය කිරීමට පාකිස්ථාන් පාලනය නොගන්නා උත්සාහයක් නැති බව “අයිතිවාසිකම් සහ ආරක්ෂාව පිළිබඳ ජාත්යන්තර සංසදය”පවසයි.
ඉස්ද්රික් කතාක් පැහැරගෙන ගොස් මේ අන්දමින් කැලේ නීතිය අනුව බන්ධනාගාර ගත කිරීම යනු අදහාගත නොහැකි අන්දමේ මානව අයිතීන් උල්ලංඝණය කිරීමේ උච්චස්ථානයක් බව“හ්යුමන් රයිට්ස් වොච් ආයතනය”කියයි.
රටේ උද්ගතව ඇති ව්යසනයට විරෝධය පෑම වස් “ජමාත් ඊ ඉස්ලාමි”නායක හිදායත් උර් රහුමාන් “ගව්ධාරයට මානව අයිතිවාසිකම් දියව්”යන තේමාව යටතේ සාම පා ගමනක් “ක්වෙට්තා”්ප්රදේශයේ සිට පාකිස්ථානයේ අගනුවර වන“ඉස්ලාමාබාද්”දක්වා යාමට සංවිධානය කර තිබේ.ඔහු පවසන අන්දමට මේ පා ගමනට දස ලක්ෂයක්(10,00,000)පමණ දෙනා සහභාගි වන්නාහ.
මෙ වැනි මානව හිතවාදී ක්රියාකාර කමකට ප්රචාරයක් නොදෙන පාකිස්ථානී මාධ්ය ආයතන භාරත නිළි “කත්රිනා කායිෆ්ගේ” විවාහය ගැන ඇට්ටි හැලෙන්න දුන් බවට චෝදනා කෙළේය.
චන්ද්රසේන මාරසිංහ
