එක්සත් ජාතීන්ගේ මානව අයිතිවාසිකම් කොමිසම ප්රමුඛ කොටගත් සමස්ත ජාත්යන්තර ප්රජාවම චීනය විසින් ගොනාට අන්ඳවනු ලැබ තිබේ.
ඒ බව සනාථ වී ඇත්තේ එක්සත් ජාතීන්ගේ සංවිධානයේ මානව අයිතිවාසිකම් ප්රධානි “වෙරෝනිකා මයිකල් බැචල්ට්”බලාපොරොත්තු රහිත අන්දමින් චීනයේ දින හයක සංචාරයකින් පසුව ප්රත්යක්ෂ කරගත් යථාර්තය ලොවටම අනාවරණය කිරීමෙනි.
චීනයේ වෙසෙන සුළුතර ප්රජාවට අත්විඳීමට සිදුවෙන වධහිංසා පිළිබඳව නිරීක්ෂණ චාරිකාවක යෙදීමට ඉඩ ප්රස්ථාව සලසන ලෙසට මානව අයිතිවාසිකම් කොමිසමේ ප්රධාන නිලධාරිනිය චීන රජයෙන් කොතෙක් ඉල්ලා සිටියත් චීන ආණ්ඩුව මොන දහම් ගැටයක් හෝ ගසමින් ඉල්ලීම මග හරින්නට විය.
ඒ වෙනුවට චීනය එක්සත් ජාතීන්ගේ මානව හිමිකම් කොමිසමට වාර්තා කළේ චීනයේ වෙසෙන ඉස්ලාමීය ප්රජාව ඇතුළු සමස්ත සුළුතරයට “මදි නොකියන්නම”සියලු පහසුකම් සලසන බවය.
එ හෙත් එම නිලධාරිනිය ප්රමුඛ නිලධාරි කණ්ඩායමකට චීනයේ සිංජිඈං උයිගර් සහ ගුවාංඩොං යන ප්රාන්තවල නිලසංචාරයකට පසුගිය මැයි මාසයේ 23 වැනිදා සිට 28 වැනි දා දක්වා වූ කාලයේ දී අනපේක්ෂිත අන්දමින් අවස්ථාව ලැබී තිබේ.
යථෝක්ත ධූතමණ්ඩලයට එහිදී උයිගර්,කසකස් සහ තුර්කි ඉස්ලාම් භක්තිකයිනට අත්විඳින්නට සිදුවී ඇති වධහිංසා සියැසින්ම දැකබලා ගැනීමට හැකිවී තිබේ.
ඒ වධහිංසා පිළිබඳ අතිශයින් රහසිගත තොරතුරු වාර්තා රාශියක් ඡායාරූප සමගම අහඹු ලෙස ලැබී තිබේ.
සුළුතර ප්රජාවට අධ්යාපනය දෙන මුවාවෙන් කෙරෙන වධහිංසා පිළිබඳව චීන පාලන අධිකාරියේ ඉහළ නිධාරීන් පවත්වා ඇති සාකච්ඡා ද ඒ තොරතුරුවලට අඩංගුව ඇත.
.වෙරෝනිකා මයිකල් බැචල් චීන ජනාධිපති සිංජිඈං පෙං සමග වීඩියෝ තාක්ෂණය ඔස්සේ සාකච්ඡාවක යෙදෙන අතරතුරේ මේ තොරතුරු ද ගලාගෙන අවුත් ඇතැයි පැවසේ.
වෘත්තීය අධ්යාපන පුහුණු මධ්යස්ථාන නමින් පවත්වාගෙන යන අපකීර්තිමත් හමුදා කඳවුරුවලින් අතුරුදන් වූ බව කියන උයිගර් සහ වෙනත් සුළුතර ජාතීනට අයත් දහස් ගණනාවකගේ ඡායාරූපද ඒ අවස්ථාවේ ලැබී ඇත. .
වෙරෝනිකා මයිකල් බැචල් සිය සය(6) දින චාරිකාව නිමාකර පවත්වා ඇති මාධ්ය සාකච්ඡාවේ දී මේ සියලු විස්තර අනාවරණය කර තිබේ.
චන්ද්රසේන මාරසිංහ
