පාකිස්තානයත් උද්ධමනයෙන් කර මුලටම හිරවී ඇත්තේය. ඒ නිසා ඉන්ධන මිල ඉහළ දැමීමට තීරණය කෙරී ඇත. එමතුද නොව චීනයෙන් ණය මුදලක් ඉල්ලා ගැනීමේ අදහසක්ද ඇති බව මාධ්ය කියයි.
මේ තත්ත්වය යටතේ පෙට්රල් ලීටරය පාකිස්තාන් රුපියල්වලින් රුපියල් හතකින්ද ඩීසල් ලීටරය රුපියල් දහයකින්ද වැඩි කෙරෙන බවද ඒ සඳහා අගමැති ඉම්රාන් ඛාන්ගේ අනුමැතිය අපේක්ෂාවෙන් සිටින බවද Geo News ආයතනය කියයි.
තෙල් මිල වැඩිවන බවට පූර්ව අනතුරු ඇඟවීමක් වශයෙන් රජය ජාත්යන්තර වෙළෙඳ පොළේ ඉන්ධන මිල ඉහළ ගොස් ඇති බව පසුගිය 15 වැනිදා ප්රකාශ කෙළේය.
ඉන්ධන මිල පමණක් නොව ඒ ආශ්රිත සෙසු නිෂ්පාදන පවා ඒ අනුව වැඩිවිය හැකි බව රජයේ මුල්ය අංශය 16 වැනිදා නිකුත් කළ නිවේදනයක සඳහන් විය.
පාකිස්තානයේ පවත්නා උද්ධමන වේගය මෙ මගින් වර්ධනය වී රටේ මහත් දුෂ්කරතා ඇතිවෙන බව ආර්ථික විශේෂඥයෝ පෙන්වා දෙති.
පාකිස්තානයේ ජාතික දිනය යෙදෙන මාර්තු 23 වැනිදාට රටේ අගනුවර වන ඉස්ලාමාබාද් නගරය දක්වා උද්ධමනයට එරෙහි පා ගමනක් පැමිණවීමට මේ අතර තුරේ විපක්ෂය සංවිධානය කරනු ලැබ තිබේ.
එහෙත් පාගමන එදින නොපවත්වන ලෙසට “පාකිස්තාන් ප්රජාතන්ත්රවාදී ව්යාපාරය” සංවිධායකයන් ගෙන් ඉල්ලීමක්ද කර තිබේ.
පාගමන දින හතරකට කල් දමන ලෙසට පාකිස්තානයේ අභ්යන්තර කටයුතු පිළිබඳ ඇමැති ෂෙයික් රෂීඩ් අහමඩ්ද සංවිධායකයන්ට දන්වා තිබේ.
