ලංකා ජාතික සංගමය
ඩොනමෝර් ආණ්ඩු ක්රමය පැවැති කාලය තුළ ලංකාවේ දේශපාලන පක්ෂ ක්රමවත් ලෙස හැඩගැසීමට සුදුසු වාතාවරණයක් නොවීය.
මේ කාලයේ දේශපාලන ප්රතිසංස්කරණ ව්යාපාරයේ පුරෝගාමීව කටයුතු කළ ලංකා ජාතික සංගමය, ඩොනමෝර් යුගය ආරම්භ වීමෙන් පසුව කෙමෙන් අඩපණ විය. දෙමළ ජනතාව තමන්ට එහි විශේෂ ආසන වෙන්කර ගන්නට ගත් උත්සාහයන්ද ව්යර්ථ විය. එයින් ඔවුන්ගේ ඉවත්ව යෑමක්ද සිදුවිය.
දෙමළ සංගමය
ලංකා ජාතික සංගමයේ විවිධ කාරණා හේතු කරගනිමින් එයින් ඈත්වූ දෙමළ ජනතාව වෙනුවෙන් ජී.ජී. පොන්නම්බලම් මහතාගේ නායකත්වය යටතේ දෙමළ සංගමය පිහිටුවා ගන්නා ලදී. මෙහි පරමාර්ථය වූයේ ද්රවිඩ බලය තහවුරු කරගන්නා අතර සිංහල බලය වැඩිවීම වළක්වා මන්ත්රී ආසන ගණන අතින් මහ ජාතිය හා සුළු ජාතිය අතර තුලනාත්මක බවක් පවත්වා ගැනීමයි. ඩොනමෝර් ක්රමය යටතේ දෙමළ ජනයාට ඇමැති තනතුරු ලැබුණද මන්ත්රී ආසන වැඩි කොටසක් සිංහලයන්ට යනු දැකීම ඔවුන්ගේ නොසතුටට හේතු විය.
සිංහල මහා සභාව
1936දී එස්.ඩබ්.ආර්.ඩී. බණ්ඩාරනායක මහතාගේ නායකත්වයෙන් සිංහල මහා සභාව පිහිටුවා ගත් අතර, සිංහලයන්ගේ අයිතිවාසිකම් කඩා බිඳදමා සුළු ජාතිකයන්ගේ ආධිපත්යයක් පවත්වාගෙන යෑම සඳහා දෙමළ නායකයන් ගත් උත්සාහයට විරුද්ධව මේ සභාව පිටුවා ගන්නා ලදී. පරමාර්ථ අතින් ලංකා ජාතික සංගමය හා සිංහල මහා සභාව අතර සමානතාවක් පෙන්නුම් කළද එමගින් සිංහලයන්ගේ දේශපාලන බලතල ආරක්ෂා කරගන්නා අතර, ආර්ථික හා සංස්කෘතික දියුණුවක් ඇතිකිරීම අරමුණ විය.
