මේ දිනවල තාරුණ්යයේ හදවත් සොරාගත් තාරකාවන් කිහිපදෙනෙක් ගැන කතාබහට ලක්වෙනවා. පුංචි තිරය හරහා එලෙස තාරුණ්යය වසඟ කරගත් මේ තාරකාව අතර මුලින්ම කියැවෙන නමක් තමයි අසේනි. පාසල් නිල ඇඳුම ඇඳගෙන කොණ්ඩ කරල් දෙකක් බැඳගෙන එන ටිකක් දඟකාර ඇට්ටර අසේනිට තියෙන්නෙ පුදුමාකාර හැකියාවක්. ඉතින් ඒ දඟකාර අසේනිට ජීවිතය දෙන්නේ නව පරපුරේ ආදරණීය යුවතියක්. ඇය ගීත්මා බණ්ඩාර. සංගීතේ ටෙලි නාට්යයේ අසේනිගේ චරිතය හරහා සුන්දර පාසල් සමයේ ආදර අත්දැකීම් හරි අපූරුවට රසික හදවත්වලට කාවද්දන ගීත්මාගෙ හදවතේ රිද්මයට හාට් ඇහුම්කන් දුන්නේ මේ විදයටයි.
ඉතින් කොහොමද ගීත්මා?
හොඳින් ඉන්නවා අයියෙ.
අසේනිට ලැබෙන ප්රතිචාර හොඳයිද?
මේ දවස්වල හොඳම ප්රතිචාර ලැබෙන චරිතය අසේනි කියලයි මම හිතන්නේ.
පාසල් යුනිෆෝම් ඇඳලා කොණ්ඩ කරල ගොතල ගීත්මා අසේනි වෙද්දි හිතට දැනුණෙ කොහොම හැඟීමක්ද?
ඇත්තටම මමත් පාසල් කාලයට සමුදීලා වැඩි කාලයක් නැහැ. ඉතින් අසේනිගෙ චරිතයත් එක්ක ආයෙත් මගේ පාසල් කාලයට ගියා වගේ මට දැනුණා.
අසේනි දඟකාරයි. ගීත්මා කොහොමද?
ගිත්මා නම් ගොඩාක් දඟ නැහැ. ඒත් ඉතින් ගොඩාක් දුරට අසේනි වගේ තමයි.
මේ සිදුවීම් එක්ක ඔබේ පාසල් ප්රේමයත් මතකයට එනවා ඇති?
අපෝ නැහැ. එහෙම මතක් වෙන්න අසේනිට වගේ පාසල් ප්රේමයක් මට තිබුණෙ නැහැ.
පාසල් ප්රේමයක් නොතිබුණාට දැන්නම් ආදරවන්තයෙක් නැති වෙන්න බැහැ?
ඒත් නැහැ කියලා තමයි කියන්න වෙන්නෙ. මොකද මම තාම පෙම්වතියක් නෙවෙයි. ආදරයක් ගැන හිතනවා නම් හොඳින් සිතලා බලලා තමයි ඒ ගැන තීරණයක් ගන්න ඕනෙ.
ගීත්මා ප්රාර්ථනා කරන ආදරවන්තයා කොයි වගේ කෙනෙක්ද?
මගේ ජීවිතේ හතරෙන් එකක් තමයි මේ වෙනකොට මම ගත කරලා තියෙන්නේ. ඉතින් ඉදිරි ජීවිතය භාරදෙන්න සුදුසු කෙනෙක් තමයි බලාපොරොත්තු වෙන්නෙ. එහිදී මගේ ගමන ගැන මට පැහැදිලියි. ඉතින් පෙම්වතෙක් තෝරා ගැනීමේදී මම ආයෙ ආයෙත් හිතනවා. මෙයාද සුදුසුම කෙනා කියන එක.
සමහර අය තමන්ගෙම ක්ෂේත්රයේ කෙනකුට ආදරය කරන්න, විවාහ වෙන්න කැමැති නැහැ. ගීත්මත් එහෙම කෙනෙක්ද?
නැහැ. මම එහෙම හිතන්නෙ නැහැ. සුදුසු කෙනා, ගැළපෙන කෙනා ක්ෂේත්රයේම කෙනෙක් නම් ඒක සිද්ධ වේවි. මගේ එහෙම බෙදා වෙන්කිරීමක් නැහැ.
කොහොමද සහෝදර ශිල්පීන්ගෙන් ලැබෙන සහයෝගය?
ඇත්තටම හොඳයි. මම ගොඩාක් ප්රවීණ අය වගේම අලුත් අය සමගත් කටයුතු කරනවා. ඉතින් ඒ අයගෙන් උපරිම සහයෝගය වගේම දැනුමත් ලැබෙනවා. ඉතින් හරිම සුහදව හොඳින් කටයුතු කරනවා.
අලුත් බලාපොරොත්තු පොකුරකුත් ඇති. ඒ ගැනත් කියන්න?
සාර්ථක ලෙස රංගනයේ යෙදෙමින් ඒ ගැන හදාරමින් අනාගතයේ උගත් රංගන ශිල්පිනියක් වීම තමයි බලාපොරොත්තුව.
ඔයාගෙ රසික රසිකාවියන්ට මොනවද කියන්න තියෙන්නෙ?
ඒ හැම කෙනෙක්ගෙම ආදරය මට වටිනවා. ඉතින් මට ආදරය කරන හැමෝටම මම ගොඩාක් ස්තුතිවන්ත වෙනවා. ඒ වගේම එයාලා හැමෝටම මාත් ගොඩාක් ආදරෙයි.
කුමාර රත්නායක
