AIA ඉන්ෂුවරන්ස්හි සේවාලාභීන් හට ස්මාර්ට් වෙල්ත් ඔස්සේ අසමසම ආයෝජන අවස්ථා

ගැඹුරු පර්යේෂණවලින් අනතුරුව, පවතින වෙළෙඳපොළ තත්ත්වයන්ට සරිලන අයුරින් ප්‍රතිනිර්මාණය කරන ලද AIA ඉන්ෂුවරන්ස්හි හොඳම ඉතුරුම් විසඳුම වන ස්මාර්ට් වෙල්ත් සැලසුම නොබෝදා සමාගම විසින් තවදුරටත් ඉහළ අගයයන් එක්කරමින් ශ්‍රී ලාංකිකයන් වෙත ඉදිරිපත් කරන ලදී.

මෙම නවීකරණය කරන ලද ස්මාර්ට් වෙල්ත් සැලසුම ඔස්සේ ඔබට, ඔබගේ වත්කම් ගොඩනැගීමට, කළමනාකරණයට මෙන්ම සුරක්ෂිත කරගැනීමටද හැකියාව ඇත. මෙම සැලසුම ඉහළ ඉතුරුම් සමග ජීවිත රක්ෂණය මුසුකරමින් ඉහළ නම්‍යශීලීත්වයක් සේවාලාභීන් හට ලබා දේ.

AIA ඉන්ෂුවරන්ස්හි වෘත්තීයමයභාවය සහ විචක්ෂණශීලී ආයෝජන කළමනාකරණ හැකියාවන්ගේ සවිබලය සමගින් ස්මාර්ට් වෙල්ත් ආයෝජනයන් සංයුක්ත සුරැකුම්පත්, රජයේ බැඳුම්කර සහ ඉහළ තත්ත්වයේ ණයකරවල දිගුකාලීන ආයෝජන ලෙස පවත්වාගෙන යනු ලබයි. මෙහි ආයෝජන ක්‍රමෝපායන් නිර්මාණය කර ඇත්තේ සේවාලාභීන් හට ඔවුනගේ දීර්ඝකාලීන ඉතුරුම් සඳහා ඉහළ ප්‍රතිලාභ සහතික කිරීම සඳහායි.

AIA ඉන්ෂුවරන්ස් එහි ඉතිහාසය පුරාවට විශිෂ්ට ප්‍රතිලාභ ලබාදීම ඔප්පුකර ඇති අතර (2020 වසර සඳහා ප්‍රකාශිත ලාභාංශ 9.18%) 2021 වසර සඳහාද තවදුරටත් 8% වාර්ෂික ලාභාංශ ප්‍රතිශතයක් සහතික වෙයි.