ශ්රී ලාංකීය සංචාරක වංශකතාවේ සුවිශේෂී සන්ධිස්ථානයක් සනිටුහන් කරමින්, දිවයින පුරා සංචාරක අත්දැකීම් නව මානයකට ඔසවා තැබීම සඳහා මෙරටේදීම නිපදවූ ‘Lily Lanka’ ඩිජිටල් සංචාරක වේදිකාව අද දින නිල වශයෙන් ජනගත කෙරිණි.Sri Lanka Latest News
පියෙකු සහ දියණියක දුටු සුන්දර සිහිනයක මල්පල ගැන්වීමක් ලෙස ‘Lily Lanka’ හැඳින්විය හැකිය. හුදෙක් සරල අදහසකින් ඇරඹි මෙය, අද වන විට දැවැන්ත දැක්මක් දක්වා වර්ධනය වී ඇත. සංචාරකයෙකුට තම ගමනේ විවිධ කොටස් වෙන්කරවා ගැනීමට බොහෝ ක්රම තිබුණද, ඒ සියල්ල එකම තැනකට ගොනු කළ සහ සංචාරක කර්මාන්තයෙන් උපයන මුදල් රට තුළම රඳවා ගැනීමට මග පෙන්වන දේශීය ඩිජිටල් පද්ධතියක අඩුව ඔවුන් විසින් හඳුනා ගන්නා ලදී.
‘Lily Lanka’ බිහිවන්නේ එම අඩුව පුරවන්නටයි.
සංචාරකයා සවිබල ගන්වන වේදිකාවක්
සම්ප්රදායික සංචාරක සැලසුම් ක්රමවේදවලින් මිදී, තමන් කැමති පරිදි තම ගමන හැඩගස්වා ගැනීමට ‘Lily Lanka’ සංචාරකයාට මනාව ඉඩකඩ සලසා දෙයි. මෙම ඒකාබද්ධ වේදිකාව හරහා සංචාරක ගමනාන්ත ගවේෂණය කිරීමට, නවාතැන් තෝරා ගැනීමට, දේශීය මගපෙන්වන්නන් හා සම්බන්ධ වීමට, ප්රවාහන පහසුකම් සලසා ගැනීමට සහ සංචාරක සැලසුම් (Itinerary) සකස් කර ගැනීමට හැකියාව ලැබේ. එමෙන්ම ජාතික ජාලයන් හා සම්බන්ධිත eSIM තාක්ෂණය ඔස්සේ ආරක්ෂිත සන්නිවේදන සබඳතාවක් ද තහවුරු කෙරේ.
අපගේ අරමුණ ඉතා සරලයි. එනම්, සංචාරක සැලසුම්කරණය වඩාත් පහසු, ආරක්ෂිත සහ විශ්වාසනීය බව ඇති කරමින්, ශ්රී ලංකාවේ සුන්දරත්වය තමන්ටම අනන්ය වූ ආකාරයකින් විඳගැනීමේ නිදහස සංචාරකයාට ලබා දීමයි.
දේශීය සංචාරක සේවා සපයන්නන් දිරිගැන්වීම
Lily Lanka හි හදවත වන්නේ මෙරට ජනතාවයි. මුළුමහත් ශ්රී ලංකාවම ආවරණය වන පරිදි විසිරී සිටින සංචාරක සේවා සපයන්නන් ලෝකවාසී සංචාරකයින් සමඟ ඒකාබද්ධ කිරීම මෙහි මූලික අභිලාෂයයි. නිවෙස්ගත නවාතැන් (Homestays) සහ බුටික් විලා (Boutique Villas) වල සිට බලපත්රලාභී මගපෙන්වන්නන් සහ ප්රවාහන සේවා සපයන්නන් දක්වා වූ සැමට, ජාත්යන්තර සංචාරකයා වෙත සෘජුවම ප්රවේශ විය හැකි ඩිජිටල් පාලමක් මෙයින් නිර්මාණය වේ. මෙම සෘජු සබඳතාවය හරහා, ජාත්යන්තර අතරමැදියන් වෙත ගලා යන මුදල් මෙරට තුළම රඳවා ගනිමින් දේශීය ආර්ථිකය ශක්තිමත් කිරීමට Lily Lanka කැපවී සිටියි.
ආරක්ෂිත සංචාරයක නව නිර්වචනය
මෙරට සංචාරක තාක්ෂණ ක්ෂේත්රයේ දැවැන්ත පිම්මක් තබමින්, Lily Lanka හරහා සංචාරක රක්ෂණ පහසුකම් සෘජුවම ලබාගැනීමේ අවස්ථාව උදා කර දී ඇත. පීපල්ස් ඉන්ෂුවරන්ස් (People’s Insurance) ආයතනය හා අත්වැල් බැඳගනිමින්, සංචාරකයෙකුට දිවයිනට පැමිණීමට පෙරම ඉතා පහසුවෙන් රක්ෂණාවරණයක් ලබාගත හැකිය.
ගුවන් තොටුපළට ගොඩබැසීමේ සිට යළි පිටත්ව යන තෙක්ම සංචාරකයාට උපරිම ආරක්ෂාවක් සහ විශ්වාසයක් ලබාදීමට මෙම සේවාව සමත්වනු ඇත. මෙය, ශ්රී ලාංකීය සංචාරක වේදිකාවක් මගින් හඳුන්වා දුන් ප්රථම සහ සුවිශේෂීම රක්ෂණ ඒකාබද්ධතාවයයි.
විශ්වසනීය ගමනකට අත්යවශ්ය පහසුකම්
නූතන සංචාරකයාගේ අවශ්යතා හඳුනා ගනිමින්, Lily Lanka සිය පද්ධතිය තුළට තවත් සුවිශේෂී පහසුකම් ඇතුළත් කර ඇත. ඩයලොග් ආසියාටා (Dialog Axiata) සමඟ ඇති සහයෝගීතාවය මත සංචාරකයින්ට දිවයිනට පැමිණි විගස ක්රියාත්මක වන පරිදි eSIM සබඳතාව ලබාගත හැකිය. මීට අමතරව, හදිසි අවස්ථාවකදී අවශ්ය විය හැකි ස්ථාන වලට මගපෙන්වන, ස්ථානීය දත්ත සහිත SOS විශේෂාංගයක් ද මෙයට ඇතුළත් වේ.
වගකීම් සහගත සහ ජාත්යන්තර ප්රමිතියෙන් යුත් මෙහෙයුමක්
Lily Lanka නිර්මාණය කර ඇත්තේ මෙරට නියාමන රාමුවලට අනුකූලව සහ ජාත්යන්තර ක්ෂේත්රයේ පිළිගත් ප්රමිතීන්ට අනුවයි. විනිවිදභාවය, වගවීම සහ විශ්වාසනීයත්වය පෙරදැරි කරගත් මෙම නවෝත්පාදනය ශ්රී ලංකාවේ සංචාරක කර්මාන්තයේ අනාගත අභිවෘද්ධිය උදෙසා කැපවී සිටියි.
ජාතික අභිමානය පිළිබිඹු කරන අනන්යතාවය
Lily Lanka යන නාමය අපගේ ජාතික පුෂ්පය වන මානෙල් (Blue Water Lily) මලෙන් ආභාසය ලබා ඇත. මානෙල් මල සුන්දරත්වයේත්, ශක්තිමත් බවේත් සහ සන්සුන් බවේත් සංකේතයකි. ජලය මතුපිටින් නැගී එන මානෙල් මලක් මෙන්, Lily Lanka යනු ශ්රී ලංකාව සහ ලෝකවාසී සංචාරකයින් යා කරන දේශීයත්වයේ අභිමානවත් පුෂ්පයකි.
සංචාරක ක්ෂේත්රයේ නව පරිච්ඡේදයක්
Lily Lanka යනු හුදෙක් ජංගම දුරකථන හෝ පරිගණක යෙදුමක් පමණක් නොවේ. එය ශ්රී ලංකාවේ, ශ්රී ලාංකිකයින් විසින් ලොවට තිළිණ කළ ඩිජිටල් අත්වැලකි.
ගෝලීය සංචාරක ක්ෂේත්රය වෙනස් වන වේගයට අනුකූලව, දේශීය අනන්යතාවය සහ තිරසාර සංචාරක දැක්ම මනාව මුසු වූ නවෝත්පාදනයක් ලෙස Lily Lanka අද පෙරමුණ ගෙන සිටියි.
Lily Lanka
ශ්රී ලංකාව සොයා යන ඔබේම මඟ
(Discover Sri Lanka, your way)
ප්රියන්ත හෙට්ටිගේ
