උත්සව සමයේ සතුට වැඩිකරන සෙලාන් ක්‍රෙඩිට් කාඩ් දීමනා…

සුහද හදක් ඇති දේශීය බැංකුව, සෙලාන් බැංකුව, මෙවරත් උත්සවය සමය වෙනුවෙන් ක්‍රෙඩිට් කාඩ්පත් දීමනා පෙළක් හඳුන්වාදී තිබේ. “An essential celebration for the essential season” යන තේමාව යටතේ මෙම වට්ටම් හා දීමනා එකතුව හඳුන්වාදී ඇත.

COVID-19 ව්‍යාප්තිය හේතුවෙන් ජනතාවට මේ වන විට නොයෙකුත් ආර්ථික අභියෝගවලට මුහුණ දීමට සිදුවී තිබේ. එවැනි තත්ත්වයක් හමුවේ මෙලෙස වට්ටම් හා දීමනා හිමිවීම, ඔවුන්ට උත්සව සමයේ සතුට සිත් සේ අත්විඳීමට මහෝපකාරී වනු ඇතැයි සෙලාන් බැංකුව විශ්වාස කරයි. මෙම වැඩසටහන යටතේ Keells, Cargills, GLOMARK, Laugfs, Arpico සහ SPAR සුපිරි වෙළෙඳසල්වලදී රු. 5,000 හෝ ඊට වැඩි මුදලක් වැය කොට භාණ්ඩ මිලදී ගන්නා පාරිභෝගිකයන්ට සෙලාන් බැංකුව වෙතින් රු. මිලියන 2කට අධික Cashback දීමනා හිමිවනු ඇත. මෙහිදී පාරිභෝගිකයන් 220 දෙනකුට, රු, 10,000ක උපරිමයකට යටත්ව ඔවුන්ගේ බිල්පතේ වටිනාකම නැවත ගෙවනු ලබන අතර, එම මුදල් Cashback දීමනාවක් ලෙස ඔවුන්ගේ ක්‍රෙඩිට් කාඩ්පත්වලට බැර කෙරේ. සෙලාන් බැංකුව මේ වන විට අලෙවිසල් 350කට අධික සංඛ්‍යාවක් සමග එක්වී, තම ක්‍රෙඩිට් කාඩ්පත් හිමියන්ට 60%ක් දක්වා වට්ටම් ලබාදීමට කටයුතු යොදා තිබේ. එමෙන්ම රථවාහන, ඉලෙක්ට්‍රොනික භාණ්ඩ, ගෘහභාණ්ඩ, ආභරණ, විදේශ සංචාර සහ සෞඛ්‍ය සේවා ඇතුළු කාණ්ඩ රැසක භාණ්ඩ හා සේවාවන් සඳහා, මාස 60ක් දක්වා පහසු ගෙවීමේ ක්‍රමද හඳුන්වාදී ඇත.