දෙසැ. 30 වැනිදා කප්රුක පහළවේ කෝටි 12ක සුපිරි ජයමල්ලක්…

කෝටි 12 සුපිරි ජයමල්ලක් සහ අතිශය ආකර්ෂණීය නව ත්‍යාග රටාවක් සමග ‘කප්රුක’ ලොතරැයි පත 2021 දෙසැම්බර් මස 02 වැනිදා වෙළෙඳපළට හඳුන්වා දීම සංවර්ධන ලොතරැයි මණ්ඩලය විසින් සිදුකරන ලදී.

වසර ගණනාවක් පුරා පාරිභෝගික ආකර්ෂණය නොමදව දිනාගත් කෝටිපති කප්රුක ලොතරැයි පත නව මුහුණුවරක් සමගින් ‘කප්රුක’ ලෙස වෙළෙද පළට නිකුත් කිරීමට සංවර්ධන ලොතරැයි මණ්ඩලය තීරණය කර ඇති අතර එය ප්‍රථමයෙන් විශේෂ ලොතරැයි පතක් ලෙස වෙළෙඳපළට හඳුන්වාදී ඇත.

‘කප්රුක’ විශේෂ ලොතරැයි පත් සඳහා අදාළ දිනුම් ඇදීම 2021 දෙසැම්බර් මස 30 වැනි දින සිදුකරනු ලබන අතර දෙසැම්බර් 31 වැනි දින සිට කප්රුක සාමාන්‍ය ලොතරැයි පතක් ලෙස දින හත පුරාම දිනුම් අදිනු ලබයි.

ඒ අනුව දැනට සතියේ දින 7ම දිනුම් ඇදිනු ලබන අද කෝටිපති, ලග්න වාසනා, ශනිදා, සුපර් බෝල් ලොතරැයිපත්වලට අමතරව නව ‘කප්රුක’ ද ඔබට දිනපතාම වාසනාව උදාකරයි.

නව මුහුණුවරකින් ‘කප්රුක’ ලෙස නිකුත් වන ටිකට්පතේ ජය අංක හතරත් ඉංග්‍රීසි අක්ෂරයටත් අමතරව සුපිරි අංකයක්ද තෝරාගනු ලබන අතර ඒ සියල්ලම ගැළපීමෙන් රු. කෝටි 12කින් ආරම්භව ඉදිරියට යන සුපිරි කෝටිපති ජයමල්ල දිනාගැනීමේ හැකියාව ඇත.

ආකර්ෂණීය සෙසු ත්‍යාග රටාවකින් අලුත් වූ ‘කප්රුක’ ලොතරැයිපතෙහි අංක හතර සහ ඉංග්‍රීසි අක්ෂරය ගැළපීමෙන් රුපියල් කෝටියක ‘කෝටිපති ජයමල්ල’ දිනා ගත හැක.
තවද අංක හතර හා සුපිරි අංකය ගැළපීමෙන් ලක්ෂ පනහක මිලියනපති ජයමල්ල දිනා ගැනීමටත් කප්රුක පාරිභෝගිකයන්ට අවස්ථාව හිමිවේ.