මහජන බැංකුවේ ප්රධාන විධායක නිලධාරී/සාමාන්යාධිකාරී රංජිත් කොඩිතුවක්කු මහතාට Agence Française de Développement (AFD) සහ ඉන්දියාවේ EXIM බැංකුව විසින් සම සංවිධානය කරන ලද, පසුගියදා ප්රංශයේදී පැවැති “SUFIP 2022: Sustainable Finance in the Indo Pacific” සමුළුවේ මාණ්ඩලික නියෝජිතයෙකු ලෙස සහභාගි වීමට ආරාධනා ලැබිණි.
යුරෝපීය ඉන්දු පැසිෆික් අමාත්ය සංසදයට සමගාමීව පැවති මෙම අවස්ථාවට යුරෝපීය සහ ඉන්දු පැසිෆික් සංවර්ධන බැංකු ඒකරාශී වූ අතර, විවෘත/සංවෘත සැසිවාර මෙන්ම පුළුල් තේමා ක්ෂේත්ර මත පදනම් වූ මණ්ඩල 4කින් ද එය සමන්විත විය. ර්“Financing Social Resilience in the Post-Pandemic Indo-Pacific: improving public health, nutrition and agriculture” (පශ්චාත් වසංගත කාලයේ සාමාජීය පැවැත්මට මූල්ය ශක්තිය ලබාදීම: මහජන සෞඛ්ය ඉහළ නැංවීම, පෝෂණය සහ කෘෂිකර්මාන්තය) යන තේමාව යටතේ පැවති සිවුවැනි සමූහ සාකච්ඡාවේ සාමාජිකයකු වශයෙන් රංජිත් කොඩිතුවක්කු මහතා සහභාගි විය. “Sustainable Agenda in the Indo-Pacific: Connectivity and Quality Infrastructures” (ඉන්දු පැසිෆික් කලාපයේ තිරසර න්යායපත්රය: සම්බන්ධකතාවය සහ ගුණාත්මක යටිතල පහසුකම්)“From Climate Agreement to Climate Action: Financing Decarbonisation, Resilience and Biodiversity” (දේශගුණික එකඟතාවයේ සිට දේශගුණික ක්රියාමාර්ග: කාබන්හරණය සඳහා මූල්ය ශක්තිය, ඔරොත්තුදීමේ හැකියාව, ජෛව විවිධත්වය) සහ“Accelerating the Energy Transition: Turning Commitment into Reality” (බලශක්ති සංක්රාන්තිය ඉහළ නැංවීම: වගකීම යථාර්ථයක් බවට පත්කිරීම) යන තේමා යටතේ සෙසු සමූහ සාකච්ඡා තුන පැවැත්විණි.
