සෙලාන් බැංකුව ‘වෙබිනාර්’ සමග අත්වැල් බැඳ ගනී

‘සුහද හදක් ඇති දේශීය බැංකුව’ ලෙස සෙලාන් බැංකුව, සාර්ථක ව්‍යවසායකයන් සහ ක්ෂේත්‍රයේ විශේෂඥයන් සමග එක්ව සංවිධාන කරන ලද අන්තර්ජාලය හරහා වැඩමුළු මාලාවක් (වෙබිනාර්) හරහා එම ව්‍යවසායකයන්ට අවශ්‍ය දැනුම බෙදා හැරීමට පෙරමුණ ගත්තේය. සුළු හා මධ්‍ය පරිමාණ ව්‍යවසාය නගාසිටුවීම සහ ඔවුන් දිරිමත් කිරීම මෙන්ම, වසංගත තත්ත්වයෙන් පසුව ලාභ උපරිමකරණය කිරීම සඳහා ඔවුන්ගේ ව්‍යාපාරික ව්‍යූහය වඩාත් පුළුල් කළ හැකි ආකාර හඳුනා ගැනීම ද මෙම අන්තර්ජාලය හරහා වැඩමුළු මාලාවේ (වෙබිනාර්) ප්‍රමුඛත ම අරමුණ විය.

සුළු හා මධ්‍ය පරිමාණ ව්‍යවසාය සඳහා ඩිජිටල් පරිවර්තන ක්‍රමවේද, සන්නාමයක් සාර්ථකව නිර්මාණය කිරීම සහ එය ගොඩනැගීම, ගෘහාශ්‍රිත ව්‍යාපාරික මෙහෙයුම් වැඩිදියුණු කිරීම, කෙටිකාලීන සහ දිගුකාලීන පිරිවැය පාලන ක්‍රමවේද, නිෂ්පාදන සහ සේවා අලෙවිකරණ නව ක්‍රමවේද ඇතුළු ක්ෂේත්‍ර රැසක් මෙමගින් සාර්ථකව ආවරණය කෙරිණි. වාණිජ මණ්ඩලය සහ 361 Degrees සමග අත්වැල් බැඳ ගනිමින් පැවැත්වුණු විශේෂිත සමුළු සඳහා Google සමාගමේ මෙරට හිටපු කළමනාකාර, Selyn Handlooms & Exports සමාගමේ අධ්‍යක්ෂිකා සෙලීනා පීරිස්, වාණිජ මණ්ඩලයේ ජ්‍යෙෂ්ඨ සහකාර මහලේකම් චන්ද්‍රා විතානගේ, Paramount Realty සම නිර්මාතෘ සහ ප්‍රධාන විධායක නිලධාරී මෙන්ම ප්‍රාදේශීය සංවර්ධන බැංකුවේ අධ්‍යක්ෂ මණ්ඩල සාමාජික නිර්මාල්ද සිල්වා, Snipexx Academy of Business ආයතනයේ අධ්‍යක්ෂ සහ සම නිර්මාතෘ යසස් හේවගේ සහ JKSE Consultants සමාගමේ ප්‍රධාන උපදේශක ලසින්ත ෆර්ඩිනැන්ඩෝ යන මහත්වරු සහභාගි වූහ.