සෙලාන් ටිකිරි වෙතින් ශිෂ්‍යත්ව හපනුන්ට තෑගි

සුහද හදක් ඇති දේශීය බැංකුව, සෙලාන් බැංකුවේ, පුරෝගාමී ළමා ඉතිරිකිරීමේ ගිණුම වන සෙලාන් ටිකිරි මඟින් මෙවර ශිෂ්‍යත්ව විභාගයට පෙනී සිට ලකුණු 200 ම ලබා ගනිමින් විශිෂ්ට ජයග්‍රහණයක් සනිටුහන් කළ දිවයින පුරා විසිරී සිටින සිසුන් දස දෙනාටම ත්‍යාග පිරිනමන්නට කටයුතු කරන ලදී. මෙම හපනුන්ට අනාගතයේදී තවත් මෙවැනිම බොහෝ ජයග්‍රහණ අත් කර ගැනීමට දිරිගැන්වීමක් ලෙස ටැබ් පරිගණකයක් සහ මූලික තැන්පතුවක් සහිත සෙලාන් ටිකිරි ගිණුමක් හිමි විය.

“දරුවන් අපගේ අනාගතය වන අතර වඩාත් ජනාදරයට පත් ළමා ඉතිරිකිරීමේ ගිණුම ලෙස සෙලාන් ටිකිරි සෑම විටම ඔවුන්ට සමීපව සිටියි. දරුවන්ගේ අනාගත සිහිනයන්ට අත්වැලක් වීමට හා ජයග්‍රහණ ඇගයීමට සෙලාන් ටිකිරි අපි සෑම විටම සූදානම්ව සිටින්නෙමු. ඔවුන්ට උරුම අනාගතය සංකේතවත් කිරීම සඳහා ටැබ් පරිගණක ත්‍යාග වශයෙන් පිරිනැමීමට අපි තීරණය කළෙමු. දරුවන්ගේ අනාගත බලාපොරොත්තු හා සිහින කරා ගමන් කිරීමේදී මුල්ය සුරක්ෂිතතාව කෙතරම් වැදගත්ද කියා අවධාරණය කිරීමට අපට අවශ්‍ය විය, එමෙන්ම දරුවන්ගේ අනාගත අභිලාෂ දිරිමත් කිරීමට ඉතිරි කිරීමේ පුරුද්ද හඳුන්වා දීම ඉතා හොඳ ක්‍රමයක් බව අපි විශ්වාස කරන්නෙමු. මෙම අවබෝධයත් සමඟ සෙලාන් බැංකුව ඔවුන්ට මූලික තැන්පතුවකුත් සහිත සෙලාන් ටිකිරි ගිණුමක් පිරිනැමීමට තීරණය කළේ විභාගයේදී ඔවුන් ලැබූ සුවිශේෂී ජයග්‍රහණය සඳහා වූ ත්‍යාගයක් වශයෙනි” යනුවෙන්, මේ පිළිබඳව අදහස් දක්වමින් සෙලාන් බැංකුවේ අලෙවි හා විකුණුම් ප්‍රධානී ගාමික ද සිල්වා මහතා පැවසීය.