පැල්වත්ත නිෂ්පාදන දැන් සුපර් මාකට්වල

ශ්‍රී ලංකාවේ උසස්ම කිරි නිෂ්පාදනය කර බෙදාහරින්නා වන පැල්වත්ත ඬේරි සිය නිෂ්පාදනයන් බොහොමයක් මේ වන විට ශ්‍රී ලංකාවේ ප්‍රමුඛතම සුපිරි වෙළෙඳසැල් හරහා පාරිභෝගික ජනතාව වෙත සමීප කර තිබේ.

පැල්වත්ත සමාගමේ සෞඛ්‍ය සම්පන්න, නැවුම් හා රසවත් බවින් පිරිපුන් කිරි, යෝගට්, අයිස්ක්‍රීම් සහ බටර් ඇතුළු නිෂ්පාදන රට පුරා කීර්තියක් අත්කරගෙන ඇති අතර ඒ අනුව සමාගම සිය ගාර්ලික් බටර්, ලුණු රහිත බටර් සහ ගිතෙල්, සියලුම Arpico, Keells, SPAR සහ Softlogic සුපිරි වෙළෙඳසැල් මගින් ලබා දීමට කටයුතු කරමින් සිටී.
පැල්වත්ත සමාගම මෙරට ප්‍රමුඛ පෙළේ සුපිරි වෙළෙඳසැල් ජාලය සමඟ සම්බන්ධ වීම පිළිබඳව එහි කළමනාකරණ අධ්‍යක්ෂ අක්මාල් වික්‍රමනායක මහතා මෙසේ අදහස් දැක්වීය. “පුළුල් පරාසයක විහිදුණු අපගේ පැල්වත්ත නිෂ්පාදන රටේ ප්‍රමුඛතම සුපිරි වෙළෙඳසැල් ජාලය සමඟ හවුල් වෙමින් ප්‍රදර්ශනය කිරීමට ලැබීම පිළිබඳව අප අතිශය සතුටට පත්වනවා.

අපගේ සියලු නිෂ්පාදන පෝෂ්‍ය ගුණයෙන් පිරිපුන් මෙන්ම කිසිදු කල්තබා ගැනීමේ ද්‍රව්‍යයකින් තොර නැවුම් කිරිවල යහගුණයෙන් පොහොසත් නිෂ්පාදන ලෙස හඳුන්වන්න පුළුවන්. පැල්වත්ත ගිතෙල් අපගේ නිෂ්පාදන පෙළ අතරේ වඩාත් ජනප්‍රිය නිෂ්පාදනයක් ම එවැනි ගුණාත්මක උසස් පැල්වත්ත කිරි නිෂ්පාදන මෙම සුපිරි වෙළෙඳසැල් හී තැබීමට හැකිවීම අපට මහත් සතුටට කරුණක්.”