මීට පෙර භවයකදී හෝ අප මුණගැසී තිබෙන්නට ඇතැයි සිතමින් ඉතාමත් ආදරයෙන් අත්වැල් බැඳගෙන ආරම්භ කළ ජීවන ගමන, අතරමඟදී කටුක අත්දැකීමක් බවට පත්වන අවස්ථා අද සමාජයේ බහුලය. ලස්සනට පෑහී සිටි හදවත් දෙකක් අතරට සැකය, අවිශ්වාසය හෝ තුන්වැන්නෙකුගේ මැදිහත් වීම පැමිණි සැණින් මුළු පවුල් සංස්ථාවම දරුණු භූමිකම්පාවකට හසු වූ මන්දිරයක් මෙන් දෙදරා යයි. අතීතයේදී මෙරට සමාජය තුළ දික්කසාදය යනු ඉතා කලාතුරකින් අසන්නට ලැබුණු, අමුතුම දෙයක් වුවත්, අද වන විට එය ඕනෑම පවුලක් බිලිගන්නා වසංගතයක් සේ පැතිර යමින් තිබේ. මෙහි ඇති අශුභකාරී තත්ත්වය නම්, බොහෝ විට කිසිදු වරදක් නොකළ පාර්ශ්වයකට සදාකාලිකව හුදකලා වීමට සිදුවීමත්, අහිංසක දරුවන්ගේ ලෝකය අඳුරු වී යාමත්ය.Sri Lanka Latest News
විශ්වාසය මත පදනම් වූ ඒ උතුම් ගිවිස ගැනීම අසාධාරණ ලෙස බිඳ දමා, තම සහකරු හෝ සහකාරිය වෙනතක යන විට දැනෙන වේදනාව වචනවලට පෙරළිය නොහැක. එවැනි අසරණ අවස්ථාවලදී සෝ සුසුම් හෙළමින් හඬා වැටෙනවා වෙනුවට, අපේ පැරණි සෘෂිවරුන් පෙන්වා දුන් ප්රබල ශාස්ත්රීය ක්රමවේදයක් මඟින් විසඳුම් සොයා ගැනීමට හැකියාව පවතී. අද අප ඔබට හෙළි කරන්නේ, පීඩිතව සිටින ඔබට ඉතාමත් කෙටි කලකින් සුව සහනය සලසමින්, ඔබේ සහකරුගේ හෝ සහකාරියගේ සිත නැවත ඔබ වෙතම හරවා ගත හැකි බලවත් රහසකි.
මේ සඳහා ඔබ තෝරාගත යුත්තේ පුර පක්ෂයේ සුබ දිනයකි. එදින පෙරවරු නවයට ප්රථම, නෙල්ලි ගසක් අසලට ගොස් එහි උතුරු දිශාවට විහිදී ඇති මුලක් ගලවාගත යුතුය. එම මුල පිරිසිදුව සෝදාගත් පසු, මනෝසීල සමඟ ඇල්වතුරෙන් අඹරා කල්කයක් සකසා ගන්න. ඉන්පසු නිවසේ පිරිසිදු මල් යහනාවක් මතුපිට මෙම කල්කය තබා, පහත දැක්වෙන ප්රබල මන්ත්රයෙන් 1000 වාරයක් ජීවම් කළ යුතුය.
මන්ත්රය:-
ඕං හ්රීං ක්ලිං ඓං ක්ෂෝ භෝග ප්රදා භෛරවි මාතාංග ත්රෛලෝක්ය වසමානාය ස්වාහං
මෙසේ දහස් වර ජීවම් කළ කල්කයෙන් ස්වල්පයක් ගෙන, අදාළ තැනැත්තාගේ ශරීරයේ ස්පර්ශ වන අයුරින් තැවරීම සිදු කළ යුතුය. මෙය දින හතක් අඛණ්ඩව සිදු කිරීමෙන් විශ්මිත ගුණ ලැබෙනු ඇත. නිවැරදිව සහ පිරිසිදු චේතනාවෙන් යුතුව මෙම ශාස්ත්රීය වතාවත සිදු කරන්නේ නම්, වෙනතක නොයා ඔහු හෝ ඇය ඔබ කෙරෙහිම බැඳී සිටිනු නිසැකය. අවසානයේ ඔබේ පවුල් සංස්ථාවත්, ඔබ සිතූ සුවහසක් බලාපොරොත්තුත් මල්පල ගන්වමින් සුවදායී හෙට දවසක් උදා කරගැනීමට මෙයින් මඟ සැලසෙනු ඇත.
ජ්යොතිෂවේදී ඔස්මන් පෙරේරා
