ඕනෑම අවුරද්දක දෙසැම්බර් මාසයේ උපන් ඔබට දෙසැම්බර් මාසයේ අග සතිය එනම්, දෙසැ. 29 සිට 31 දක්වාත්, 2026 ජනවාරි මුල් සතිය හෙවත් ජන. 01 සිට 04 දක්වා කාලය කෙසේ ගතවේද යන්න නාඩි ජ්යොතිෂයට අනුව සලකා බලමු.Sri Lanka Latest News
රවි ග්රහයා, එනම් ග්රහ ලොව පියා ලෙස හැඳින්වෙන සූර්යයාට අයත් වර්ෂයක් නව 2026 වර්ෂය ලෝකවාසී සියලු දෙනාට ඉතා සුබ වර්ෂයකි. එසේම සංඛ්යාත පදනමට අනුව කුම්භ හිමි ශ්රී ලංකාවට අයත් සංඛ්යාතය වන්නේ අංක 02ය. එනම් සඳු ග්රහයාය. එසේ විමසා බැලිමේදී ග්රහ ලොව පියා සහ මව වන සඳු ග්රහයාගේ ග්රහ බලපෑමට නතුව ක්රියාත්මක වන මෙම වර්ෂය සැබෑවටම ලංකාවාසීන්ට සුබ වර්ෂයකි. නව ආරම්භයකි.
දෙසැම්බර් මස උපන් ඔබට මෙම සතිය කෙසේද යන්න සලකා බලමු. ඔබගේ ආර්ථික තත්ත්වය පිළිබඳ සලකා බැලීමේදී එය මධ්යස්ථ ස්වභාවයක පවතින බව පැවැසිය යුතුය. ආදායම් ලැබීම් මෙන්ම ඒ හා සමාන වියදම්ද යෙදේ. තම හිතවතුන්, පවුලේ අය උදෙසා වැඩි වශයෙන් මුදල් යෙදවීමට සිදුවිය හැකි අතර, එය තමන්ගේ ආත්ම තෘප්තිය උදෙසා දායක වේ. ඔබට මධ්යස්ථ සිතකින් යුතුව මෙම වියහියදම් දැරීමට කැමැත්ත සහ සිත් පහළ විය හැකිය.
ගෘහ ජීවිතයේ සාමය සතුට පවතින සතියකි. අවුරුද්දේ අවසානයේ ඔබගේ මනසේ වූ ප්රශ්න ගැටලු බොහොමයක් විසඳේ. එසේම නව අවුරුදු උදාවේ ඔබගේ නැවුම් බලාපොරොත්තුවලට අඩිතාලම වැටේ. නව ව්යාපෘති උදෙසා තමන්ගේ සිත නිරතුරුවම මෙම සතිය තුළ දිවයයි. ඒවා ඉතා සාර්ථක අන්දමින් ඉටුකර ගැනීමට මෙම සතිය තුළදී දමාගන්නා අඩිතාලම බොහෝ දුරට මුල්වන බව පෙනේ.
තවද රැකී රක්ෂාවල නියුතු මෙම දෙසැම්බර් මස උපන් ඔබට ආයතන ප්රධානීන්ගෙන් වරප්රසාද ලැබෙන සතියකි. රාජකාරි කටයුතුවල ඇති කාර්යබහුලත්වය අඩු වනවා මෙන්ම සැහැල්ලුවෙන් රැකියා කටයුතු කිරීමට අවශ්ය මානසික සහනය ලැබෙන සතියකි. රාජකාරි ස්ථානයේ සගයන් සමග ඉතා විනෝදයෙන් කටයුතු කිරීමට හැකියාව ලැබේ. උත්සව, ප්රිය සම්භාෂණ ආදියට ඇරයුම් ලැබේ.
සෞඛ්ය තත්ත්වය තරමක් දුරට අවදානම් තත්ත්වයකට පත්වීමට ඉඩ ඇත. කල්පනාකාරීව කටයුතු කරන්න. වකුගඩු, අක්මාව ආශ්රිත රෝගී තත්ත්වයන්ගෙන් පීඩා විඳින රෝගීන් ඉතා සැලකිලිමත්ව කටයුතු කරන්න. එම රෝගී තත්ත්වයන් නොසිතූ අවස්ථාවක හිස එසවීමට ඉඩකඩ පවතී. එය බොහෝ දුරට සතිය මැද භාගයේ, එනම් වර්ෂ අවසානයේ දින කිහිපය වීමට ඉඩ පවතී.
අධ්යාපන කටයුතුවලට ඉතා යහපත් වන අතර, පාසල් අධ්යාපනයට මෙන්ම උසස් අධ්යාපනයටද පොදු වූ කරුණකි. අධ්යාපන කටයුතු සඳහා වැඩි උනන්දුවක් ඇතිවන සතියකි. අතහැර දමා තිබූ අධ්යාපනයක් නැවත ආරම්භ කිරීමට සුදුසුම සතියක් ලෙස සඳහන් කළ හැකිය. උත්සාහයේ තරමට ප්රතිඵල ලැබෙන සතියකි.
මෙම සතිය වසරක අවසානය සහ නව වසරක උදාව ලෙස සැලකිය හැකි සතියකි. පොදුවේ ගත්කල මෙම සතිය දෙසැම්බර් මස උපන් ඔබට බොහෝ සුබදායක සතියක් වන අතර, ලෙඩ රෝග පිළිබඳ වැඩි සැලකිල්ලක් දැක්වීමට සිහිතබාගත යුතු බවද කිව යුතුය.
මනෝලි බණ්ඩාර
නාඩි ජ්යොතිෂවේදිනී
0779834889
