නාඩි ජ්යොතිෂයට අනුව දෙසැම්බර් මාසයේ උපන් ඔබට ඉදිරි සතිය (දෙසැ. 21 සිට දෙසැ. 28 ද්කවා කාලය) කෙසේ ගතවේද යන්න සලකා බලමු.Sri Lanka Latest News
ගුරු ග්රහයා මුල් කරගෙන රවි ග්රහයාගෙන් අවසන් වන මෙම සතිය තුළ ඔබගේ ආර්ථික තත්ත්වය සලකා බැලීමේදී යම් ප්රගතියක් අත්දැකිය හැකි සතියක් වේ. වැඩිපුර මුදලක් අතට ලැබෙන කාලසීමාවකි. නමුත් වියදම් පාර්ශ්වයද ඒ හා සමානව ඉහළ යෑමක් පවතින බැවින් කල්පනාකාරීව මූල්ය කළමනාකරණය සිදුකළ යුතුවේ. ඒ වගේම ඔබට එම හැකියාවද මෙම සතිය තුළදී පවතී. ඔබ මේ සතිය තුළ බුද්ධිමත්ව කටයුතු කිරීමට දක්ෂ වේ. නිතරම සිහියෙන් සතියෙන් කටයුතු කරයි. ගුරු මුල්වන බැවින් මෙම තත්ත්වය උදාවේ. තවද ඔබට යම් යම් දේ හිමිවන සතියකි මේ ගතවන්නේ. ආදරණීයයන්ගෙන් තෑගිබෝග ආදියද බොහොමයක් ලැබෙන කාලසීමාවකි. සිතේ සතුට පවතී.
අධ්යාපනය කෙරෙහි සලකා බැලීමේදී උසස් අයගේ උදවු උපකාර ලැබෙන සතියකි. ඔබ යම් යම් අධ්යාපන කටයුතු උදෙසා අයැදුම් කර ඇති නම් ඒවා සාර්ථක කරගැනීමට පුළුවන. ඒ සඳහා මෙම සතිය තුළදී කැඳවීම් ලැබීමටද ඉඩකඩ පවතී. ඔබට සුදුසු අවස්ථාවන් රැසක් උදාවන සතියක් බව සතුටින් ප්රකාශ කරමි. එම අවස්ථාවන් මගනොහැරගෙන කටයුතු කිරීමට උත්සාහ කරන්න.
නව රැකියා අපේක්ෂකයන්ට එම රැකියාවන් සඳහා වූ සම්මුඛ පරීක්ෂණයන්ට කැඳවීම් ලැබෙන සතියකි. එහිදී ඔබගේ පෞරුෂය මනාව ඔප්නංවා ගැනීමේ අවස්ථාවන් සැලසේ. ඒවාට නොබියව මුහුණ දෙන්න. තවද එම රැකියා අවස්ථාවන් තමාට ලබාගැනීමේ හැකියාවද මෙම සතිය තුළ ඔබගේ සංඛ්යාත ග්රහ රටාවන් සලකා බැලීමේදී පෙනීයයි. රැකියා ස්ථානවල සතුටින් කාලය ගතවන සතියකි. උත්සව ප්රිය සම්භාෂණවලට ඇරයුම් ලැබේ.
ගෘහ ජීවිතය සම්බන්ධව සලකා බැලීමේදී යම් යම් පීඩාකාරී තත්ත්වයන් මතුවීමට අසමගි තත්ත්වයන් ඇතිවීමටත් හේතු සාධක ගොඩනැගීමට අවස්ථාවන් උදාවිය හැකි බැවින් ඉවසීමෙන් සහ මනස සමබරතාවයෙන් පවත්වා ගැනීමට නිතරම උත්සාහ කරන්න. සතියේ මුල් කාලපරාසයේ මෙය තදින්ම දැනෙන්නට ඉඩ ඇත. නමුත් අග දවස් කිහිපය මානසික සැහැල්ලුව උදාවේ.
නිතරම කෙටි ගමන් බිමන් සඳහා කාලය වැයකිරීමට සිදුවේ. ඒවා දුරබැහැර ගමන් නොවුණත් ඔබගේ ශරීරයට යම් තෙහෙට්ටුකාරී ස්වභාවයක් ඇතිවේ. එබැවින් ජලය හොඳින් පානය කිරීමටත්, ස්නානය කිරීමටත් පුළුවන් නම් මෙම තෙහෙට්ටු ස්වභාවය අවම කරගෙන ජවයෙන් කටයුතු කිරීමට හැකියාව උදාවන සතියකි. සෞඛ්ය තත්ත්වය සම්බන්ධයෙන් එතරම් ගැටලුකාරී තත්ත්වයක් උදාවන බවක් පෙනෙන්නට නොමැත.
සමස්තයක් ලෙස ගත්කල මෙම සතිය ඔබට ඉතා වාසනාවන්ත සතියක් ලෙස සඳහන් කළ හැකිය. ගෘහ ජීවිතය සාමකාමීව පවත්වා ගැනීමට කටයුතු කරන්න.
මනෝලි බණ්ඩාර
(නාඩි ජ්යොතිෂවේදිනී)
0779834889
