නාඩි ජ්යොතිෂයට අනුව දෙසැම්බර් මාසයේ උපන් ඔබට මේ උදාවන නව දෙසැම්බර් මාසය කෙසේද යන්න විමසා බලමු. Sri Lanka Latest News
කුජ ග්රහයාට අයත් වන මෙම 2025 වර්ෂය දෙසැම්බර් මාසය රවි, සඳු, ගුරු යන ග්රහ සංයෝගයේ බලපෑමට යටත් වේ. ඉතා සුබ ඵල දෙන ග්රහ පිහිටීමක් ලෙස මෙය සඳහන් කළ හැකිය. දෙසැම්බර් මාසයේ මුල ඉතා හොඳ සතියකි. සතිය ආරම්භයේ සිටම නව වැඩකටයුතු ආරම්භ කිරීමට ඉතා සුදුසු කාලසීමාවකි. කරන කියන වැඩ කටයුතු සාර්ථකත්වයට පත්වීමේ වැඩි සම්භාවිතාවක් පවතී. අධ්යාපනයට එතරම් යහපත් බවක් පෙන්නුම් නොකරන අතර, සෞන්දර්යාත්මක කටයුතු උදෙසා සිතේ වැඩි නැඹුරුවක් පවතී. නිතරම තම ආත්මතෘප්තිය උදෙසා වැඩකටයුතු කිරීමට උත්සාහ දරන ස්වභාවයක් පවතී.
මේ කාලසීමාවේදී ඔබ තරමක් ලෞකික සැප සම්පත් සෙවීම උදෙසා මුල් තැනක් දී කටයුතු කරයි. වැඩිපුර ගමන් බිමන් යෙදෙයි. හුදෙක් එම ගමන් බිමන් තම ආර්ථික අරමුණු ඉටුකර ගැනීමෙහිලා වූ ඒවා වේ. ආර්ථික තත්ත්වයද තරමක් යහපත් අතට හැරෙන ස්වභාවයක් පවතී. සමාජය සමග මුහුවී කටයුතු කරන ඔබට සමාජය තුළ ප්රසිද්ධිය වෙනදාට වඩා ලැබේ. ඔබ සමාජය තුළ වැඩි කතාබහකට සහ ආදරයට ගෞරවයට පාත්ර වේ.
ඔබගේ රැකියාව සහ ගෘහ ජීවිතය ගත්කල වෙනදාට වඩා සාමකාමී අයුරින් ගතවේ. රැකියාවේ කාර්යබහුලත්වය යම්තාක් දුරට අඩු වෙයි. ගෘහ ජීවිතයේ ප්රශ්න මතගැටුම් අඩුවුවත් ඔබගේ දරුවන් පිළිබඳ වැඩි අවධානයක් යොමුකළ යුතු වේ. මන්දයත් ඔවුන් මෙම සතිය තුළදී යම් යම් අසනීප තත්ත්වයන්ට ගොදුරු වීමේ ඉඩකඩ පවතින බැවිණි. ඇදුම, හතිය වැනි දීර්ඝකාලීන රෝග තත්ත්වයන්ගෙන් පෙළෙන කුඩා දරුවන් සිටීනම් ඔවුන්ගේ මෙම රෝගී තත්ත්වයන් වැඩිවීමේ අවදානමක් පවතී. හුස්ම ගැනීමේ අපහසුතාවන් පවා මතුවීමේ ඉඩකඩක් පවතී. එයින් ඔබ අනවශ්ය ලෙස කලබලයට ආතතියට පවා පත්වීමට හැකියාව පවතී. නමුත් පෙර සූදානම මගින් මෙම තත්ත්වයන් පාලනය කරගැනීමට ඔබට හැකියාව ඇත.
ආදරය බලාපොරොත්තුවෙන් සිටින දෙසැම්බර් මාසයේ උපන් ඔබට රවි, සඳු වැනි වූ ඉතා වාසනාවන්ත සහකරුවන් මුණගැසෙන මාසයකි. ඒ අවස්ථාවන් උදාවුවහොත් ඒවා මග නොහරින්න. තමාට සුදුසුම සහකරුවා හෝ සහකාරිය තමා සමීපයට පැමිණෙන කාලසීමාවක් ලෙස මෙම කාලය සඳහන් කළ හැකිය.
සෞඛ්යය පිළිබඳ සලකා බැලීමේදී යම් යම් බෝවන රෝග පීඩා ආදියට ලක්වීමේ ඉඩකඩක් පැවැතියද, එය එතරම් පීඩාකාරී ස්වභාවයක් බවට පත් නොවේ. නමුත් ඔබගේ දරුවන්ගේ රෝගී තත්ත්වයන් පිළිබඳ නම් ඉතා සැලකිල්ලෙන් කටයුතු කළ යුතු වේ.
තවදුරටත් ජලයෙන්, සුළඟින් යම් ආපදා තත්ත්වයන්ට මුහුණදීමට සිදුවිය හැකි බැවින් ආරක්ෂිතව කටයුතු කරන්න. ලිස්සා වැටීම්, නිවාස ආශ්රිතව ගස් කඩාවැටීම් ආදියෙන් ප්රවේශම් වන්න. නිරතුරුව සතිය (සිහිය) පිහිටුවා කටයුතු කරනවා නම් ඉතා යහපත් අන්දමින් මෙම සතිය ඔබට ගතකිරීමට හැකියාව ලැබේ.
මනෝලි බණ්ඩාර
නාඩි ජ්යොතිෂවේදිනී
(077-9834889)
