කවුරුත් සොඳුරු කැදැල්ලක් තනාගන්නේ තම දුවාදරුවන් සමග කාටවත් අතනොපා නිදහසේ ජීවිතය ගතකිරීමටයි. මෙය කාගේත් අහිංසක පැතුමක් වුණත් එය සාර්ථක කර ගැනීමට හැකියාව පවතින්නේ බොහෝ පිරිසක් අතරින් කිහිප දෙනකුට පමණි. මන්ද, බොහෝ දෙනෙක් අලුතෙන් කියා පදිංචිය ලැබූ නිවෙස් කරා යොමුවී අවුරුද්දක් දෙකක් යන්නටත් පෙරාතුව නැති ප්රශ්නවලට මුහුණ දෙන්න පටන් අරන්. සමහරුන්ගේ විවාහ ජීවිත පවා දෙකඩ වෙලා යන අවස්ථාවන්ද ඕනෑ තරම් මාගේ අත්දැකීම අනුව පවතිනවා. සමහරුන් පැවති ආදායම් මාර්ගද සහමුලින්ම නැති කරගන්නවා. සමහරුන්ට දරුවන්ගේ කරදර. බැලූ බැල්මට මෙම තත්ත්වයන් එකවර උද්ගත වූ ඒවා නොවූවත් කෙසේ හෝ කාලයත් සමග ඔවුන් අවසානයේ එම අශුභ තත්ත්වයන්ට බිලි වී හමාරයි. නමුත් කවුරුත් තමාගේ කියා ගොඩනඟාගත් මෙම ඉඩම්/නිවාස/දේපළ නිස්කාරණේ නැති කරගත යුතුද? මෙම තත්ත්වයන්ට බලපාන අනවින/කොඩිවින/හදි – හූනියම් / ඇස්වහ-කටවහ කොතරම් පැවැතියත් ඒවාට බලාත්මකව ඉස්මතු නොවී යටපත් කර, තමාගේ දිවියේ බලවත් ශක්තිය නිවෙසට ළං කරගත හැකි ආරක්ෂාවන් මෙම ශාස්ත්රිය අංශයෙන් පවතිනවා. අද එවන් බලවත් ආරක්ෂාවක් නිවෙසටත් /ඔබටත් /පවුලේ සැමටත් සිදුකර ගන්නා ආකාරය පිළිබඳ අවබෝධයක් ලබා දෙන්නෙමි.
මේ බලවත් ආරක්ෂාව යන්ත්රයක් ජීවම් කිරීම තුළින් සිදුකර ගන්නා බැවින් දෙපැත්තම එක සමාන තඹ තහඩු 4ක් හෝ 8ක් ගෙන මවිසින් දක්වන යන්ත්රය එවායේ ඇඳගැනීම සිදු කරන්න. ජීවම් කිරීම සඳහා මෙහි දක්වන මන්ත්රය යොදා ගන්න. හැකිතාක් ජීවම් කිරීම සඳහා වැඩි වාර ගණනක් යොදාගන්න. ජීවම් කිරීමේ අවස්ථාව සඳහා නිසි ප්රතිපත්ති මත පිහිටා නිවැරැදිව පංචෝපචාර විධි පවත්වා මල් තටුවේ තබා අදාළ කටයුතු සිදු කරන්න.
මන්ත්රය –
ඕං නමකාලී ඉරින්තුඩායුම් සුරයි කාවනේ ක්රාඩි කෝළුම් ඉත්ථවානේ ථෙවර කානුම් කයි උර්ලිවානේ ඕඩි වා වා යන්ත්ර කාලියේ දිෂ්ටි වා වා අරි උරුන්දු උරඬශිවා කාලිශිව නිත්තුල් පුරන්ද පුඩියේල් යන්ත්ර දිෂ්ටි කාලි වා ශිව කාම පේසනී ඔරුනානුම් පුඩි පුඩි යන්ත්ර දිෂ්ටි කාලි වා ශිව කාම වර වර සිව මෙතනවානේකයි උර්ලල වා වා උරුන්දු ථෝනුම් ඉරිසන්තී ආනේ දේව ගිනි වා වා ජවියු කයිර වානේ සැර පත්රකාලී ශිව ශිව උර්ලල වන්දනේ ශිවකාලී වා වා ගුරු ගුරු පේසනී සලින වා වා නච්චි මුතෙනාල උර්ලලා ශිව වා ඉඩන්තු පාක් කොඩුම් කාලි අම්මා වා වා විෂ්ණු නාරායනේ සලිත සලිත ගිනි වා වා දිෂ්ටි දිෂ්ටි කාලියේ වර වර නමඃ
ඕං දේව දේවි කර්ණ දේවි උඩුක්ක උතනා කොඩායුම් පුඩි වේලා පුරයුම් වැළඳ කයිලෙන පන්ත්රා ඉරං ෂාම්බු අර රං රං කොඩියුම් හරි හරි නාරායනේ විෂ්ණු පත්රකාලී අහංකාර වීර පත්ර කාලී ක්රාස් කිංචි දිෂ්ටි වර වර වර නමඃ
ඕං තෝඩු මා ඉරං මා ඉරං ශ්රී පත්රකාලියේ යන්ත්ර දිෂ්ටි දිෂ්ටි වර වර නමඃ
ජීවම් කිරීමෙන් අනතුරුව මෙය නිවෙසේ ප්රධාන මුලු සහිත ස්ථානයන්හි දර්ශනය වීමට සැලැස්වීමද වරදක් නොවේ. නැතිනම් යන්ත්රය බහාලීමට සුදුසු ප්රමාණයේ වීදුරු කුප්පිවල බහා ආරක්ෂිත තෙල් වර්ගයක් සමග යොදා නිවෙසේ මුලුවල ඉහළ රැඳවීම සිදුකිරීමද ඉතා යහපත් වන්නේය. නිවැරැදිව සහ බලවත්ව සිදු කරන්නේ නම් මුළු ජීවිත කාලයක් පුරාවටම මෙය බලවත්ව යොදාගත හැකි වන්නේය. නිවාස ආරක්ෂාවන් උදෙසා යොදාගැනෙන ශාස්ත්රිය අතින් අති බලවත් යන්ත්රයක් බැවින් මෙයට අදාළ යහපත් ප්රතිපත්ති සහ සියලු සුබ තත්ත්වයන් සියල්ලක් අනුගත කළ යුතු බවද තරයේ සිහිපත් කළ යුතුය. ඔබට මෙතුළින් දිවියට යහපතක්ම උදාවේවා.
ජ්යොතිෂවේදී, වාස්තුවිද්යාවේදී ක්රිෂාන්ත ප්රියදර්ශන
