අපගේ ජන්ම පත තුළ තැන්පත්, අපගේ අපලයට පිහිට වී අපල සපල කර අපේ ජීවිතය ආරක්ෂා කරන ඉටු දෙවිවරු කවුද යන්න සොයා බැලෙන විමර්ශනාත්මක කාලීන ජ්යොතිෂ ලිපියකි. වර්තමාන ජනසමාජය දෙස අවධානය යොමු කිරීමේදී මේ සමාජය තුළ ජීවත්වන බහුතර මිනිසාට අනේකවිධ වූ ප්රශ්න රාශියකට මුහුණ දීමට සිදුව ඇත. වත්මන් සමාජයේ මිනිසා අවිවේකී රොබෝවරයකු බවට පත්වී ඇත. ඔවුන්ට අද හුස්ම ගැනීමටවත් වේලාවක් නැත. ඒ තරමටම ජීවන අරගලය තරගකාරී වී තිබේ. සමාජයේ සියලුම අංශයන්හි විවිධාකාරයේ ප්රශ්න මෙන්ම ගැටලු ඇති වී තිබේ. විවිධාකාරයේ ආර්ථික ප්රශ්න, සමාජ ප්රශ්න, පවුලේ අඹු-සැමියන් අතර, දරුවන් අතර, පෙම්වතුන් අතර ප්රශ්න, රැකියාවල, ව්යාපාරවල මෙකී නොකී සියලු දේවල ඇති ප්රශ්නවලින් මිදීමට මිනිසා විසින් විසඳුම් සොයන්නට විවිධාකාරයේ උත්සාහයන්වල නිරත වන ආකාරය අප කොතෙකුත් දැක ඇත.
කෙනකු විසඳුම් සොයන්නට ගොස් එයින් පැරැදී ජීවිතයෙන් පලා යන ආකාරයද දැකගත හැකිය. ඒ නිසාවෙන් කොතරම් විද්යාත්මක ලෝකයක් තුළ වුවත් ඇසට නොපෙනෙන දේ පිළිබඳ විශ්වාසය තැබීමටත් බහුතර මිනිසා පෙලඹී ඇත. එයට හේතු වී ඇත්තේ එම ඇසට නොපෙනෙන ගුප්ත ශාස්ත්රීය ක්රම තුළින් ඉහත දැක්වූ අනේකවිධ වූ ගැටලු සඳහා යහපත් වූ සාර්ථක ප්රතිඵල ලබාගත හැකි නිසාවෙනි. එසේ නම් එම ගුප්ත ශාස්ත්රය ක්රම අතරින් අප මුලින්ම විශ්වාසය තැබිය යුත්තේ අපගේ හඳහන වෙතය. ඒ තුළ ඉහත සඳහන් ප්රශ්න ගැටලු සඳහා අපට උදවු කරන නිශ්චිත දෙවි දේවතාවුන් වහන්සේලා කවුද යන්න සටහන් වී ඇත. අපේ ජීවිතයේ කැඩපත වූ ජන්ම පත ගැඹුරින් පරීක්ෂා කිරීම තුළින් එම ජන්ම පත තුළ සැඟව ඇති අපට උදවු කරන අපව ආරක්ෂා කරන එසේම අපේ දුකට පිහිට වන මෙන්ම අපගේ අපල උපද්රව දුරු කරන ඔබගේ ඉටු දෙවියන් කවුරුන්ද යන්න සොයාගත හැකිය. එසේ නම් එම දෙවිවරු කවුද යන්න අපට සොයාගත හැකි පහසු ක්රමයක් පහත දැක්වෙයි.
කෙනකු මේ ලෝකයේ උපදින වේලාවට නැඟෙනහිර ක්ෂිතිජයේ පායන ග්රහ තාරකා පදනම් කරගෙන පුරාණ ඉසිවරු යම් නක්ෂත්ර ගණිත ක්රමයකට සකසන සටහන අපි සරලව හඳහන, වේලාපත්කඩ, ජන්ම පත්රය කියලා හඳුන්වනවා. ඉතින් මේ සටහන තුළ කෙනකු පූර්ව ආත්මයේ කළ කී දෑ පින් පව් ලෙස කොටු 12ක් තුළ හරි අපූරුවට සටහන්ව තිබෙනවා.
හඳහනක හෙවත් ජන්ම පත්රයේ අපි මේ ලෝකයට ජන්ම ලාභය ලබන අවස්ථාවේ කොටු 12 හෙවත් රාශි 12 තුළ තැන්පත් නවග්රහයන් අතරින් හිරු, සඳු, කුජ, බුධ, ගුරු, සිකුරු හා සෙනසුරු යන ග්රහයන් 7 දෙනා අතරින් කේන්දරයේ අංශක 30 වූ රාශියක් තුළ වැඩිම දුරක් ගමන් කරලා තිබෙන ග්රහයා අප ජ්යොතිෂයේදී ආත්මකාරක ග්රහයා වශයෙන් හඳුන්වනු ලබනවා. ඒ වගේම අපේ ජන්ම පත්රයේ ඉහත දැක්වූ ග්රහයන් 7දෙනා අතරින් ඊළඟට රාශියක් තුළ වැඩිම දුරක් ගමන් කොට ඇති ග්රහයා අමාත්ය කාරක ග්රහයා ලෙස අප ජ්යොතිෂයේදී හඳුන්වනු ලබනවා.
ඒ අනුව පහත පරිදි එම එක් එක් ග්රහයන්ට හා රාශිවලට අදාළ දෙවි දේවතාවුන් වහන්සේලා පහතින් දක්වා ඇත.
ජන්ම පත්රයේ ඉෂ්ට දේවතාවුන් වහන්සේ හෙවත් ඉටු දෙවියා සොයාගත යුත්තේ එහි වැඩිම අංශක ප්රමාණයක් රාශිය තුළ ගමන්ගත් ඉහත සඳහන් කළ ආත්මකාරක ග්රහයා නවාංශක කේන්දරයේ සිටින ස්ථානයෙන් 12 වැන්නේ සිටින බලවත් ග්රහයාට හෝ රාශියට අදාළ දෙවියන් වහන්සේ සොයා ගැනීම තුළිනි.
එසේම ජන්ම පත්රයේ පාලන දෙවියන් කවුද යන්න සොයාගත යුත්තේද ඊළඟට හඳහන තුළ වැඩිම දුරක් ගමන්ගත් ග්රහයා සොයාගෙන එම ග්රහයා නවාංශක කේන්දරයේ සිටින ස්ථානයෙන් 6 වැන්නේ සිටින බලවත් ග්රහයාට හෝ රාශියට අදාළ දෙවියන් වහන්සේ සොයා ගැනීම තුළිනි.
ඒ ඒ ග්රහයන්ට හා රාශිවලට අදාළ දෙවි දේවතාවුන් පහත දැක්වෙයි.
- රවි ග්රහයාට හෝ සිංහ රාශියට ශිව හෙවත් ඊශ්වර දෙවියන්
- සඳු ග්රහයාට හෝ කටක රාශියට පාර්වතී හෙවත් පත්තිනි මෑණියන්
- අඟහරු හෙවත් කුජ ග්රහයා හෝ මේෂ, වෘශ්චික රාශිවලට ස්කන්ධ කුමාර හෙවත් කතරගම දෙවියන්
- බුධ ග්රහයා හෝ කන්යා මිථුන යන රාශිවලට නාරායන් හෙවත් විෂ්ණු දෙවියන්
- ගුරු ග්රහයා හෝ ධනු, මීන යන රාශිවලට බ්රහ්ම හෙවත් සරස්වතී මෑණියන්
- ශුක්ර හෙවත් සිකුරු ග්රහයාට හෝ වෘෂභ, තුලා රාශිවලට ශ්රී ලක්ෂ්මී දෙවඟන
- සෙනසුරු හෙවත් ශනි ග්රහයාට හෝ මකර, කුම්භ යන රාශිවලට නාරායන් හෙවත් විෂ්ණු දෙවියන්
- රාහු ග්රහයාට බ්රහ්ම හෙවත් සරස්වතී මෑණියන්
- කේතු ග්රහයාට නාරායන් හෙවත් විෂ්ණු දෙවියන්
ඉෂ්ට දේවතාවුන් වහන්සේ හා පාලන දේවතාවුන් වහන්සේ උදෙසා පින් අනුමෝදන් කිරීමට නිවැරැදි බෝධි පූජාවක් තබන ආකාරය
තමන්ට පහසුවෙන් යෑමට හැකි බෝධීන් වහන්සේ නමක් තෝරා ගෙන (වට නොකරන ලද බෝධියක් නම් වඩාත් සුදුසු වෙයි) එම ස්ථානය හොඳින් අතුගා පිරිසුදු කර මල් ආසන හා අදාළ ස්ථානද පිරිසුදු කිරීමෙන් අනතුරුව සුවඳ ධූපයක් දල්වා තෙරුවන්ට, තම ඉෂ්ට හා ආත්ම පාලන දේවතාවුන් ඇතුළු සියලු දෙවියන්ට පහන් තුනක් ඇතුළු පහන් 7ක් පත්තු කොට නිල්, කහ, රතු, මිශ්ර මල් මාලා, කොඩි පුදකර අදාළ ගාථා කියා බෝධි පූජාව තබන්න. සුවඳ පැන්වලින් වැසි රහිත දිනවල බෝධිය නාවන්න. ඉන් අනතුරුව තමා විසින් මේ කරගත්තා වූ මෙම සියලු පින් තමාගේ, තම දරුවාගේ ඉෂ්ට දේවතාවුන් වහන්සේ වන (ගැලපෙන වචන හිස්තැන්වලට යොදා ගන්න.) ……. ආත්ම පාලන දේවතාවුන් වූ ………. දෙවියන්ටත් පහත සඳහන් ආකාරයට අනුමෝදන් කරන්න.
එදිනෙදා තමන් කළ පින් මතක් කර පහත සඳහන් පාඨය කියා අදාළ දෙවි දේවතාවුන් වහන්සේලාට පින් අනුමෝදන් කරන්න.
මා විසින් කරගත්තා වූ මෙම සියලුම කුසල සම්භාරය මාගේ, මගේ දරුවාගේ ඉෂ්ට දේවතාවුන් වහන්සේ වූ …………. ආත්ම පාලන දේවතාවුන් වහන්සේ වූ ……… දෙවියන්ටත් අත්වේවා. ඒ ආනුභාවයෙන් ඔබ වහන්සේ ප්රාර්ථනා කරන්නා වූ සියලු ප්රාර්ථනා ඉෂ්ට සිද්ධ වේවා. තුන්තරා බෝධියකින් උතුම් වූ බෝධියක් ලැබේවා. ඒ ආනිශංසයෙන් මාගේ, මගේ දරුවාගේ පූර්ව ආත්ම භාවයේ කරන ලද අකුසල කර්ම අහෝසි කර්ම බවට පත්කර ග්රහ අපල හා ඒරාෂ්ටක දෝෂ භංග කර මාගේ, මගේ දරුවාගේ බලාපොරොත්තු ඉෂ්ට කර නිරෝගී බව, දියුණුව හා සහනය, මෙන්ම අපල දුරුකර ශක්තිය ලබා දුන් මැනවි. එසේම මාගේ අධ්යාපන කටයුතු නිසි පරිදි සාර්ථක වේවායි යනුවෙන්ද ප්රාර්ථනා කොට සත්යක්රියා කරන්න.
ඉහත දක්වන ලද ඉෂ්ට දෙවියන් වහන්සේ හා පාලන දෙවියන් වහන්සේ නිවැරැදි භාව කේන්දරයක ග්රහයන් 7 දෙනා ජන්මියා උපදින මොහොතේ ගමන් කර ඇති අංශක ගණන සොයා ගැනීම තුළින් පහසුවෙන් ඔබටම සොයාගත හැකිය. එසේ නම් ඔබත් ඔබගේ ජන්ම පත අනුව නිවැරැදි ඉටු දෙවිවරු සොයාගෙන ඔවුන්ගේ පිහිට ආරක්’ෂාව මත ඔබගේ ජීවිතය සාර්ථක කරගන්න.
මෙවර සාමාන්ය පෙළ විභාගයට මුහුණ දෙන ශිෂ්ය ශිෂ්යාවන්ට ඉහත දැක්වූ ආකාරයට තමාගේ ඉටු දෙවියන් සඳහා නිවැරැදිව බෝධි පූජාවක් පවත්වා පින් අනුමෝදන් කිරීම තුළින් සාර්ථක ප්රතිඵල උදාකර ගතහැකිය.
ජ්යොතිෂවේදී සම්පත් එස්. කල්පගේ
