චීනය අපනයනය කෙරෙන යුධ අවිවලින් විශාල තොගයක් යැවෙන්නේ බංගලාදේශයටය. ඒ ප්රමාණය චීනයේ සමස්ත යුධ අවි අපනයන තොගයෙන් සියයට දහනමයකි(19%).
චීනය සහ බංගලාදේශය 2011 දී අත්සන් කළ යුධාරක්ෂක ගිවිසුම ප්රකාරව මෙසේ අවි ගනු දෙනුව ක්රියාත්මක වන බැව් බංගලාදේශ ලයිව් ප්රවෘත්ති සේවය කියයි.
චීනයෙන් අපනයනය කෙරෙන තොගයට ආරක්ෂක රැකවලේ යොදවන මුහුදු යාත්රාද,ගොඩබිම මුර සංචාරයේ යොදවන වාහන සහ යුධටැංකි ආදිය ද ඇතුළත්ය.මේ තොගය බංගලාදේශය මිලට ගෙන ඇත්තේ 2013 සහ 2014 වර්ෂවලදීය.
එ හෙත් කොවිඩ් වෛරසයෙන් බැටකෑම නිසා චීනයට මේ වන විට ඒ හපන්කම කිරීමට නො හැකි වී ඇත.
චීනය විසින් බංගලාදේශයට සපයනු ලැබ තිබුණු යථෝක්ත වාහන සහ මුහුදු යාත්රා මේ වන විට “ලෙඩ”දෙන්නට පටන් ගෙන තිබේ.මේ පිළිබඳව බංගලාදේශ නාවුක හමුදාව තමන්ට අවශ්ය අමතර කොටස් වහාම සපයන ලෙසට දන්වා ඇත.
එහෙත් චීනය ඒ පිළිබඳව සාධණීය ප්රතිචාරයක් දක්වා නැති බැවින් බංගලාදේශය පුන පුනා සිය ඉල්ලීම ඉදිරිපත් කර ඇත.අන්තිමේ දී චීනය පසුගිය දා ඒ සම්බන්ධයෙන් පිළිතුරක් ඉදිරිපත් කර ඇත.ඒ කොව්ඩ් වසංගත බලපෑම නිසා ඇතිවී ඇති තත්ත්වය යටතේ ඒ ඉල්ලීම තමන්ට ඉටු කළ නොහැකි බවයි.
මේ තමන් අමාරුවේ දමන්නට චීනය කළ සාවදා්ය ප්රකාශයක් බව බංගලාදේශය කියයි.මේ හේතුව කරනකොටගෙන බංගලාදේශය දැන් යුධඅවි මිලට ගැනීම සඳහා ඉන්දියාව,ඇමරිකාව සහ යුරෝපය සමග ගනුදෙනු කරන බව බංගලාදේශ ලයිව් ප්රවෘත්ති සේවය වැඩිදුරටත් සඳහන් කරයි.
චන්ද්රසේන මාරසිංහ
