පාකිස්ථානි ආණ්ඩුව මැතිවරණ අපරාධ වැළැක්වීමේ 2022 (සංශෝධන) පනත ගෙන ඒමේ අරමුණ විරුද්ධ පාක්ෂිකයින් නිහඬ කිරීම බව පවසමින් එරට අවාමි ජාතික පක්ෂයේ පළාත් සභාපති අයිමල් වාලි ඛාන් පසුගිය දා ආණ්ඩුවට දැඩිව චෝදනා එල්ල කෙළේය.
ආණ්ඩුවේ වැරදි ප්රතිපත්ති නිසා ඉදිරියේ දී විශාල ප්රශ්ණ ගොන්නක් නිර්මාණයවීමේ වගකීම පාලක පක්ෂය භාරගත යුතු බව කීවේය.
රටේ පවත්නා ආර්ථික උද්ධමනයට එ රෙහිව පාකිස්තාන් මහජන පක්ෂය විසින් සංවිධානය කර ලබන නව වැනි දා(9)පවත්වනු ලබන උද්ඝෝෂණයට අවාමි ජාතික පක්ෂය සම්බන්ධවන බවද හෙතෙම ප්රකාශ කෙළේය.
දසක ගණනාවක් තිස්සේ ඇෆ්ඝනිස්තානයේ පැවති යුද්ධය නිසා ඇෆ්ඝනිස්තානයේ ආර්ථිකය මහාපරිමාණයෙන් බිඳ වැටුණු බව අයිමල් වාලි ඛාන් විස්තර කෙළේය. ඇෆ්ඝනිස්තානය සහ “ පක්තුන් ” පලාත අතර වසර පණහකට වැඩි කාලයක් තිස්සේ පැවැති ආරාවුල් හේතුවෙන් ආර්ථිකය තවදුරටත් පිරිහුණු බව ද හෙතෙම අවධාරණය කෙළේය.
“ඇෆ්ඝනිස්ථානයේ පැවැති යුද්ධය වනාහි රුසියාව සහ ඇමරිකාව යන සුපිරි බලවතුන් දෙපළගේ යුද්ධයක් විනා එය කිසිසේත්ම ඇෆ්ඝනිස්ථානයේ එකක් නොවන බව” ඛාන් අබ්දුල් ගෆාර් ඛාන් සහ ඛාන් අබ්දුල් වලි ඛාන් ප්රකාශ කර තිබූ බව ද ඔහු කීවේය.
ඇෆ්ඝනිස්ථානයේ හිටපු ජනාධිපති අශ්රෆ් ගානි මහජනයා විසින් තෝරාගනු ලැබූ නායකයකු බවත් ඔහු ඉවත් කරනු ලැබීම යුද්ධයෙන් විනාශ වූ රටකට එතරම් හොඳ පෙරනිමිත්තක් නොවන බවත් කීය.
“බාචා ඛාන් ගේ යුධ විරෝධි බව සහ අවිහිංසාව යන දර්ශණය තමන් අනුගමනය කරන බවද හෙතෙම පැවසුවේය.
“යුද්ධය රටක යටිතල පහසුකම් විනාශකරනවා.එපමණක් නොව රට දිළඳු තත්ත්වයට සහ පසුගාමිත්වයට මුහුණ පානවා” යැයි ද ගැටළු විසඳීමේ ක්රමවේදය “සාකච්ඡාව”බවද කීය.
“අපට අවශ්ය යුකරේනයේ කෙරෙන යුද්ධය නවත්වන්නයි.පවත්නා ගැටළු සාකච්ඡාවෙන් විසඳා ගැනීමයි.” තම පක්ෂ සාමාජිකත්වය ගැනීමට පැමිණි පිරිසක් අමාතා අයිමල් වාලි ඛාන් එ සේ කීවේය.
චන්ද්රසේන මාරසිංහ
