යුධ හමුදාවේ උසස් නිලධාරින් සිව් දෙනෙක් පසුගිය දහ(10) වැනි දා සිට දොළොස් (12) වැනි දා දක්වා ඉන්දියාවේ තුන් දින නිල සංචාරයක යෙදුණාහ.
ශ්රී ලංකා සහ ඉන්දියා හමුදා නියෝජිත පිරිස අතර පැවති සාකච්ඡා සෙනසුරා දා අවසන් විය. ඉදිරි වර්ෂවල දී පැවැත්වීමට යෝජිත පුහුණු අභ්යාස පිළිබඳ සාකච්ඡා කිරීම තේමාව වූවේය.
හමුදා මූලස්ථානයේ අන්රග්රහය යටතේ “අග්නිබේස්” අංශය සහ ඉන්දියානු හමුදාවේ දක්ෂිණ ආඥාත්වය අසල්වැසි දෙරටේ හමුදා ක්රියාකාරකම් අතර සුහදතා වර්ධනය උදෙසා වැඩසටහන සංවිධානය කර තිබිණි.
මාණ්ඩලික සාකච්ඡාව මේජර් ජෙනරාල් අනිල් කුමාර් කාෂිඩ් ගේ ප්රධානත්වයෙන් පැවැත්විණි.
ඉන්දීය නියෝජිත පිරිසේ නායකත්වය අතිරේක අධ්යක්ෂ ජනරාල් (ජාත්යන්තර සහයෝගිතා) දැරූ අතර ශ්රී ලංකා හමුදා නියෝජිත පිරිසේ නායකයා වශයෙන් මේජර් ජනරාල් එච්.පී.රණසිංහ කටයුතු කෙළේය.
සාකච්ඡාවේ ප්රධාන තේමාව පුහුණු වැඩසටහන් පිළිබඳව වුවේය.කලා,ක්රීඩා සහ සංස්කෘතික යන ක්ෂේත්රයන්හි ප්රවර්ධනය ඇතිකෙරෙන ද්විපාක්ෂික සහ බහුත්විය අභ්යාස ඒ සම්බන්ධව ඉලක්ක ගතවිය.
මෙතෙක් ක්රියාත්මක කෙරුණු කාර්යයන්හි ප්රගතිය සාමාලෝචනය කෙරුණු අතර ඉදිරි වර්ෂවලදී ක්රියාක්මක කෙරෙන ක්රියාදාමය ගැන ද විස්තර සාකච්ඡා වූවේය.
දෙරට හමුදා අතර සහයෝගිතාව සහ අවබෝධය අර්ථ ගැන්වීම ඉතා වැදගත් බැව් ඉන්දියන් හමුදාව ඉරිදා නිකුත් කළ නිවේදනයේ දැක්වේ.
චන්ද්රසේන මාරසිංහ
