දැරියකගේ මල්වරය ඇගේ දෙවැනි උපත ලෙසින් හඳුන්වන්නට තරම් ප්රබල සහ වැදගත් කාරණාවක් බවට පත්ව තිබේ. වර්තමානයේ මෙය එක්තරා ආකාරයකට උත්සවාකාරයෙන් සමරන පවුලේ විශේෂ අවස්ථාවක් ලෙස ප්රකටව ඇති අතර ලක්ෂ ගණන් වියදම් කර රටට ලෝකයට අඬබෙර ගසා විනෝද වන අවස්ථාවක් ලෙසත් භාවිත කරයි. තත්ත්වය එසේ වුවද මෙය අතීතයේ සිට ඉතා විශේෂ කටයුත්තක් ලෙස සලකා චාරිත්ර වාරිත්ර ඉටුකරන කටයුත්තකි. දැරියකගේ අනාගතයේ සාර්ථක අසාර්ථකභාවයත්, ඇගේ වාසනාව අවාසනාවත් මල්වර මංගල්යය හා බැඳී පවතින දෙයක් බව පැරැන්ණන්ගේ විශ්වාසය විය. සුබ නැකැතක් බලා මල්වර දැරිය නැහැවීම ප්රධාන චාරිත්රය වන අතර ඒ සඳහා භාවිත කෙරෙන වත් පිළිවෙත්ද රාශියකි. මෙය මවු පදවියට සුදුසුකම් ලැබීම ලෙසද සලකන අතර, ඇගේ සපලභාවය පෙන්නුම් කරන ප්රධානම කාරණය ලෙසද මල්වරය පෙන්වා දිය හැකිය. මෙය ප්රදේශයෙන් ප්රදේශයට වෙනස් චාරිත්රයන්ගෙන් යුත් විශේෂ අවස්ථාවකි. එහෙත් මල්වරයේ පලාපල සෑම ප්රදේශයකටම එකම ආකාරයට බලපාන බව ජ්යොතිෂයට අනුව හඳුනාගත හැකිය. එලෙස මල්වරය අනුව යුවතියකගේ අනාගතය ගැන විවිධාකාරයේ පලාපල ජ්යොතිෂයේ හඳුන්වාදී තිබුණත් මල්වර නැකැත අනුව කෙරෙන පලාපල විග්රහයට හිමි වනුයේ විශේෂ ස්ථානයකි. ඒ අනුව යම් කෙනකුට මල්වර නැකැත හඳුනාගෙන ඊට අදාළ පලාපල පහත පරිදි වටහාගත හැකිය.
අස්විද
අස්විද නැකැතින් මල්වර වූයේ නම් පින්වන්තියකි. අනාගතයේ දිවිය සාර්ථක කරගන්නට වාසනාව ලබයි.
බෙරණ
බෙරණ නැකැතින් මල්වර වන්නී නරක ගති සිරිත් බහුල වීම හේතුවෙන් සමාජයේ අප්රසාදයට ලක්වන්නීය.
කැති
කැති නැකැතින් මල්වර වන්නියන්ට දරු පල අහිමි බවත්, ජීවිතයේ අග භාගය දුක්බර වන බවත් හඳුනාගෙන ඇත.
රෙහෙණ
ඉතා උසස් ගති පැවැතුම් ඇත්තියක ලෙස සමාජයේ පිළිගැනීමට ලක්වන්නීය. ඇගේ ජීවිතය සාර්ථකය.
අද
පති භක්තිය නොසලකා හැර සැමියාගේ දෝෂදර්ශනයට ලක්වන අතර, අන් අය හමුවේ සිය නුගුණ ප්රචතිල කරයි.
පුනාවස
ජීවිතයේ සියලු සැප සම්පත් ලබා අනාගතය සාර්ථක කරගන්නීය. වාසනාවන්තියකි.
පුෂ
ඉතා වාසනාවන්තය. බුද්ධිමත් දරුවන් ලබා ජීවිතය සැපවත් කරගනී. අනාගතයද ජය ගනී.
අස්ලිය
මේ අයගේ සැමියාට සුබ නැත. ජීවිතය අකාලයේ නැතිවිය හැකිය. අනාගතයේ දුක උරුම විය හැකි අවස්ථා බහුලය.#
මා
පියාගෙන් උපකාර ලබා ජීවිතයේ දරමුණු ජය ලබයි. නිතරම ඉදිරියට යෑමේ ශක්තිය අතින් කැපී පෙනෙයි.
පුවපල්
බුද්ධිය අඩු නිසා අනුවණකම් කරයි. සිය නම කැත කරගනී. සැලසුම්සහගත නැත.
උත්රපල්
නුවණින් ඉහළ අයෙකි. සියල්ල බුද්ධියෙන් ජයගනී. ඉහළ දියුණුව ලබයි.
හත
දරුවන්ගේ ආදරයට පාත්ර වේ. දරුවන් කිහිප දෙනකුම ලබයි. වාසනාවන්තියකි.
සිත
නිර්මාණශීලීය. කලාකාමීය. රටතොට ප්රකට වෙයි. ගම රට තුළ ජනප්රිය අයකු වෙයි.
සා
මේ අය ගුණවත්ය. කිසිවකුට කරදරයක් නැත. උසස් තැනක් ලබා ජීවිතයේ සාර්ථක අයකු බවට පත් වේ.
විසා
සිය සැමියා සමග එක්ව ජීවිතයේ අරමුණු කරා යයි. කිසිදු අවස්ථාවක අන් අය විශ්වාස කර පවුල විනාශ කර නොගනී.
අනුර
ඉතා බුද්ධිමත් දරු සම්පත් ලබා අනාගතය ජය ගනී. කවදා හෝ ජීවිතයේ අරමුණු දිනන්නීය.
දෙට
තරමක් කපටිය. එසේම අන් අය ගැන නොසිතා කටයුතු කරයි.
මුල
නිවෙසේ කටයුතු මනාව ඉටු කරයි. සැමියාගේ සිත දිනා සුවසේ දිවි ගෙවන්නට පින ඇත.
පුවසල
ජීවිතයේ දුක් කරදර අඩු නොවනු ඇත. යම් යම් කටුක අත්දැකීම් බහුලව ලබන්නීය.
උත්රසල
සමාජයේ ගෞරවයට දිනා අනාගතය සාර්ථක කරගන්නට වාසනාව ඇත්තීය.
සුවන
නොසිතූ විරූ ධනයකට උරුමකම් ඇත්තීය. සැප සම්පත් බහුල කෙරේ.
දෙනට
සම්පත් ලබන්නට වාසනාව ඇති අතර, අනාගතයේ දියුණුවට මඟ පාදා ගනී.
සියාවස
දරුවන්ගෙන් සැප ලබන්නට වාසනාව ඇත. ජීවිතය වාසනාවන්ත වෙයි. අනාගතය සුබ වේ.
පුවපුටුව
ගුණයෙන් නැණයෙන් අඩු නිසා ජීවිතය අසාර්ථක වීමට ඇති ඉඩකඩ වැඩි වේ.
උත්රපුටුප
උඩඟු ගති නිසා සමාජයේ අප්රසාදයට පත්වන්නීය. පසුකාලීනව ජීවිතය ගැන දුක්වන්නීය.
රේවතී
ගුණයෙන් නැණයෙන් පිරිපුන්ය. වාසනාවන්තය. අනාගතය දිනන්නීය.
ප්රවීණ ජ්යොතිෂවේදී, ජය ශ්රී නන්ද කුමාර
