ජනපතිවරණය ගැන තවත් හෙළිදරව්වක්

මෙම දිනවල කාගේත් කතාබහට ලක්වෙන ප්‍රබල මාතෘකාවක් බවට පත්වන්නේ එළැඹෙන ජනාධිපතිවරණයයි. මෙවර ජයග්‍රහණය ලබන අපේක්ෂකයා කවුරුන්ද යන්න දැනගැනීමට රටේ ජනතාව තුළ මහත් උනන්දුවක් පවතී. අප රටේ සිටින ප්‍රවීණ ජ්‍යොතිෂවේදී මහතුන් ඒ පිළිබඳ මේ වන විටදී අනාවැකි පළකර ඇත.
මෙවර ජනාධිපතිවරණයට ඉදිරිපත් වන අපේක්ෂකයන් අතරින් ප්‍රධානත්වයක් දරමින් ඉදිරියෙන් සිටින්නේ සජිත් ප්‍රේමදාස මහතා සහ ගෝඨාභය රාජපක්ෂ මහතායි. තරගය තිබෙන්නේ මෙම දෙදෙනා අතරයි. නිසැකවම මෙම දෙදෙනා අතරින් එක් අයකු නොවැම්බර් 16 වැනිදා අප රටේ හත්වැනි විධායක ජනාධිපතිවරයා ලෙසට පත්වනු ඇත.

මෙම දෙදෙනා අතරින් ජයග්‍රහණය ලබන්නේ කවුරුන්ද යන්න ජ්‍යොතිෂයට අනුව විමසා බැලිය යුතුය. මිථුන ලග්නයෙන් උපන් සජිත් ප්‍රේමදාස මහතාගේ උපන් ග්‍රහචාරය තුළ ප්‍රබල රාජයෝග පිහිටා ඇත. ගුරු උච්චබල සහිතව සෙනසුරුට දෘෂ්ටි හෙළීම රටේ දුගී ජනතාවගේ ගෞරවයට ලක්වීමයි එතුමා තුළ නිහතමානීත්වය සමාජය සාධාරණත්වය ඇතිවීමට එම ග්‍රහ පිහිටීම ප්‍රබල සාධකයකි. රටේ ජනතාවගේ කර පිටින් ජයග්‍රහණය ලැබීමට එහ ග්‍රහ පිහිටීම ප්‍රබල හේතුවකි.
ගතකරන්නේ සෙනසුරු මහ දශාව තුළ සිකුරුගේ අතුරු දශාවයි. සිකුරුගෙන් විපරීත යෝගයක් මෙන්ම වර්ගෝත්තම බලයකින් යුක්තයි. ගෝඨාභය මහතාගේ ලග්නය වෘශ්චිකයයි. උපන් ග්‍රහචාරය බලවත් වුවත් රටේ රජ වීමට තරම් රාජයෝග නැත. එතුමා ගතකරන්නේ රාහු මහ දශාවයි. වෘශ්චික ලග්න හිමි අයගේ රාහු ගෝචර වන තැන හොඳ නැත. රාහු අටවැන්න තුළ ගෝචර වන කාලය තුළ පරාජය අත්වෙන බවත් මිතුරන් සතුරන් වන බවද කියැවෙයි. 16 වැනිදා පවතින්නේද රාහුට අයත් අද නැකැතයි. නැකැත් අධිපතියා අටවැන්න තුළ ගෝචර වීම බලාපොරොත්තු කඩ කිරීමයි. එබැවින් එතුමාට පවතින ග්‍රහචාරය අනුව ජයග්‍රහණය ලැබීම අසීරු කටයුත්තක් වනු නොඅනුමානයි. සජිත් ප්‍රේමදාස මහතාගේ උපන් ග්‍රහචාරය මෙන්ම වර්තමාන ග්‍රහචාරයද බලවත්ය. දිනෙන් දින ජයග්‍රහණයේ මාවත විවර වීමට පවතින ග්‍රහචාරය බලපාන බව කිව හැකිය.

ප්‍රවීණ ජ්‍යොතිෂවේදී සරත්චන්ද්‍ර බෝතලාගේ