සමාජයේ අසන්නට සහ දකින්නට ලැබෙන පිය-පුතු සෙනෙහස ගැන කියැවෙන ඉතා අනුවේදනීය එමෙන්ම අපූරු කතාවක් රැගත් නවතම සිංහල සිනමා නිර්මාණයක් ජුනි 19 වැනිදා සිට රිදී තිරයේ දිගහැරෙයි.Sri Lanka Latest News
‘රජදහන’ නමින් එළිදැක්වෙන මෙම චිත්රපටය අධ්යක්ෂණය කර ඇත්තේ ප්රවීණ ටෙලිනාට්ය අධ්යක්ෂවරයකු වන වාසිත සමරනායක විසිනි. ඔහු පසුගිය කාලයේ සිනමා නිර්මාණවලටද තම දායකත්වය සපයා ඇති දක්ෂ නිර්මාණ ශිල්පියකු වෙයි. ඔහු තම නව සිනමා නිර්මාණය සම්භාව්ය ආකාරයකින් නිම කිරීමට බොහෝ වෙහෙසක් දරා ඇත.
මෙම සිනමා නිර්මාණයෙහි පියාගේ චරිතයට නවක රංගන ශිල්පී ජගත් ගලප්පත්ති පණපොවන අතර, පුතුගේ චරිතයට නව පරපුරේ තරුණ රංගන ශිල්පී අමිල කරුණානායක පණපොවයි. ප්රධාන නිළි චරිතය නතාෂා හතරසිංහ විසින් රඟදක්වයි. ඔවුනට අමතරව ඩග්ලස් රණසිංහ, නිරෝෂා තලගල සහ තවත් රංගන ශිල්පීන් දායක වෙති.
මෙම චිත්රපටයේ තවත් සුවිශේෂ කරුණක් වන්නේ සංගීත අධ්යක්ෂණය විශාරද එඩ්වඩ් ජයකොඩි විසින්ද, ගීත ගායනය විශාරද අමරසිරි පීරිස් සහ විශාරද එඩ්වඩ් ජයකොඩි විසින්ද සිදුකර තිබීමය. ‘රජදහන’ ‘සේනාධී ෆිල්ම්ස්’ නිෂ්පාදනයකි.
ප්රියන්ත හෙට්ටිගේ
