‘Tuk Rentals’ සේවාව මෙරටට හඳුන්වා දුන් ‘Ridesharing’ සමාගම

Uber මෙරට ප්‍රථම වරට ත්‍රිරෝද රථ කුලියට ගැනීමේ (Tuk Rentals) සේවාව හඳුන්වා දුන්ිඍසාැිය්රසබට’ සමාගම බවට පත්වී සිටී. මෙම සේවාව යටතේ ශ්‍රී ලාංකිකයන්ට තම ප්‍රියතම ප්‍රවාහන මාධ්‍යයක් වන ත්‍රිරෝද රථ සතියේ සෑම දිනකම පැය 24 පුරා රියදුරෙකුද සමග කුලී පදනම මත ලබාගත හැකිවේ. නැවතුම් කිහිපයක් සහිත, පැය කිහිපයක ගමනක් සඳහා මෙම සේවාව භාවිතා කළ හැකි අතර, එය තම පුද්ගලික රථයක ගමන් කරන්නාක් බඳු පහසුවක් පාරිභෝගිකයන් වෙත ලබාදෙනු ඇත.

ශ්‍රී ලාංකිකයෝ දස දහස් ගණනක් දිනපතාම තම පෞද්ගලික ගමනාගමන අවශ්‍යතා සඳහා ත්‍රිරෝද රථ භාවිතා කරති. සෞඛ්‍යාරක්ෂාව සම්බන්ධ නව සීමාවන් යටතේ දෛනික කටයුතු සාමාන්‍ය තත්ත්වයට පැමිණෙමින් පවතින මේ මොහොතේ එම ශ්‍රී ලාංකිකයන්ට වඩාත් පහසු ගමනාගමන ක්‍රමවේද සපයාදීම සඳහා Uber සූදානමින් සිටී. විශේෂයෙන්ම එක් ගමන් වාරයක් තුළ ස්ථාන කිහිපයකට ගමන් කිරීමට අවශ්‍ය වන අවස්ථාවලදී මෙම නව ක්‍රමවේදය මගීන්ට විශාල පහසුවක් ගෙනෙනු නොඅනුමානය.

පැයකට/ කිලෝමීටර් 10කට රු.399ක් වැනි සුළු මුදලක සිට ඉහළට පැකේජ තෝරාගත හැකි අතර උපරිම කාලය පැය 8 කි.