සෙරන්ඩිබ් ෆ්ලා මිල්ස් “COVID-19 Safety Management Systems” ප්‍රමිති සහතිකයෙන් පිදුම් ලබයි

ශ්‍රී ලංකාවේ වඩාත් විශ්වාසය දිනූ තිරිඟු පිටි නිෂ්පාදකයන් ලෙස ප්‍රචලිත සෙරන්ඩිබ් ෆ්ලා මිල්ස් ආයතනය වෙත ශ්‍රී ලංකා ප්‍රමිත ආයතනය (SLSI) විසින් SLS 1672:2020 නම් වූ “COVID-19 Safety Management Systems” ප්‍රමිති තත්ත්ව සහතිකය ප්‍රදානය කරන ලදී. සෙරන්ඩිබ් ෆ්ලා මිල්ස් ආයතනය විසින් ඉහළ සෞඛ්‍ය ආරක්ෂණ ක්‍රියාවලියක් සහ ඉහළ සෞඛ්‍ය ප්‍රමිති තත්ත්වයන් පවත්වාගෙන යාම සඳහා සිදුකළ කැපවීම වෙනුවෙන් මෙම ප්‍රමිති සහතිකය ප්‍රදානය කිරීම සිදුවිය.

ස්වාධීනව පවත්වාගෙන යන සංවිධානයක් විසින් මෙවන් සහතිකයක් ලබාදීම තුළින් සෙරන්ඩිබ් ෆ්ලා මිල්ස් ආයතනය සිය සමාජ වගකීම් නිසි පරිදි පවත්වාගෙන යාම සහ කොවිඞ්-19 වසංගත තත්ත්වය හමුවේ නිවැරදි සෞඛ්‍යාරක්ෂණ ක්‍රමවේදයන් සහතික කරමින් සිය නිෂ්පාදන සේවා පවත්වාගෙන යාමට කළ කැපවීම මනාව පැහැදිලි වේ. මෙහිදී ආයතනය වෙත රැගෙන එන නිෂ්පාදන, පවත්වාගෙන යන සියලු සේවා, පිටස්තර පාර්ශ්වයන් සමඟ සිදුකරන සියලු ක්‍රියාකාරකම් සහ ආයතනයේ සේවය කරන සේවකයන්ගේ සිට ආයතනයට පැමිණෙන අමුත්තන් දක්වා ආයතනය තුළ සිදුකරන සෑම සියලු කටයුත්තකදීම අදාළ නිවැරදි සෞඛ්‍යාරක්ෂක ක්‍රමවේදයන් අනුගමනය කිරීමට සෙරන්ඩිබ් ෆ්ලා මිල්ස් ආයතනය කටයුතු කළේය. සිය ව්‍යාපාර මෙහෙයුම් ක්‍රියාවලිය සමස්ත කළමනාකරණ ආකෘතිය සහ පවතින කළමනාකරණ ක්‍රමවේදය සම‘ග මනාව ඒකාබද්ධ කරමින් සමගාමීව පත්වාගෙන යාමට හැකිවීම තවත් සුවිශේෂී කාරණාවක් වේ.