විවාහය අතුරේ යෑමක්ද

අන්කවරදාකටත් වඩා මේ වන විට විවාහය ඉතාම උග්‍ර අතට හැරුණු. මහා සංකීර්ණ ගැටලුවක් බවට පත්වෙමින් කායික හා මානසිකමය පීඩනයක ගොදුරක් බවට හැරී ඇති බැව් පැහැදිලිය. මුද්‍රිත හා විiුත් මාධ්‍ය හරහා මංගල යෝජනා ප්‍රදර්ශනය කෙරේ. ඒවා උපුටා ගෙන පරිගණක ඇසුරෙන් පොරොන්දම් බලා සුදුසුකම් තිබෙන නිසා විවාහ වී ඉතාම කෙටි කලකින් දික්කසාදයට යන අන්දම මේ වන විට එක්තරා රැල්ලකි. පැරැණි කාලේ සුගර් වගේ අද ඩිවෝස් එක්තරා කලාවකි.

සමහර දෙනෙක් වෙනසක් අපේක්‍ෂා කරයි. සමහර අය විවාහ වී ස්කූටරයේ ස්පෙයා වීල් එක වගේ අමතර කෙනකුද සම්බන්ධ කරගැනීමේ හුරුවක්ද ඇත.
විවාහ වන නිසාම විවාහ වන අයද මේ අතර සිටී. ගෑනු වැඩියි. පිරිමි අඩුයි යන්නද එක්තරා සමාජයීය ප්‍රශ්නයකි. අනාගතයේදී පිරිමි ආනයනය කරන්නට සිදුවෙන්නටද බැරි නැත.
මා දන්නා පරිදි එක්තරා තරුණයෙක් සිය වයස 39 වන විට විවාහ දෙකක් වූ අතර, සෑහෙන මානසික ප්‍රශ්නයකට අදත් මුහුණ දී සිටී.

වද විඳින බිරියන්ද මේ අතර වෙයි. විවාහ වී මාස කිහිපයක් ගතවන විට සැමියා දෙකොන විලක්කුව බැඳගනී. බිරියට නොදෙන වදයක් නැත. එක්තරා තරුණ බිරියකගේ මුළු සිරුරම සිගරැට් ගින්නෙන් පුච්චා තිබිණි. හේතුව ලෙස සැමියා හින්සා කාම රෝගයෙන් පෙළෙන බැව් පැහැදිලි විය. අද විවාහ ජීවිත ගැන සිතන විට අඬ අඬා පැණි කන තැනට පත්වී තිබේ. පොරොන්දම් ගැළපීම් ඉතාම සුබ තත්ත්වයට පත්වී විවාහ වී ඉතාම කෙටි කලකින් අඹු-සැමි අරගල අරඹයි. ගේ ඇතුළේ යුද්ධයක් වගේය. අතමිට මුදල් ගැවසෙන අය අතර මේ ගැටලුව ඉහවහ ගිහින්. ආර්ථික අතින් දුර්වල අය ඉවසගෙන සිටින්නේ කරන්න දෙයක් නැති නිසාය.
ඒ කොහිහැටි වෙතත් විවාහක ජෝඩුවකගේ හදවතට තට්ටු කර ඇහුවොත් උඩට හුස්ම අරන් පහළට දමන්න ප්‍රමාද වේවි. ඒ තරමටම ප්‍රශ්නය ඔඩුදුවලා. පිළුණු වෙලා. දිනකට මා වෙත දුරකතනයෙන් ලැබෙන විවාහ ගැටලුවල සීමාවක් නැති තරම්ය. අපි පොරොන්දම් බලලා හොඳයි කිව්ව නිසා බැන්දා. ඒත් අද අපි දෙන්න අතරේ අරගල ඉවරයක් නැහැ. මටත් හොඳටම ගහනවා. මගේ ළමයටත් ගහනවා. තෝ මගේ දෑහෙට නෙපෙනී පල කියලා බනිනවා. හොඳටම බීලා තමයි මට ගහන්නේ.

බැඳලා අපි දෙන්නා හිටියෙ හරියටම මාස 5යි. පස්සෙ දැනගත්තේ එයාගෙ හැටි. වෙන සිද්ධි පත්තරේක ලියන්න බැහැ. මත්පැන් ගෙනත් මට බොන්න කියනවා. මං බොන්නෙ නැති නිසා මට හොඳටම ගහනවා. එයා විකෘති පැත්තෙ කෙනෙක් බව දන්නෙ පස්සෙ. මේ අතර බිරින්දෑවරුන් නොමඟ ගිහිල්ලා. සමහරු නිල් චිත්‍රපට නැරැඹීමට වහල් වෙලා.

මේ අන්දමට වත්මන් යුග දිවි ගැන විපරම්කර බලන විට හිතන්න බැරි අන්දමට විවාහ ජීවිත විනාශ වෙලා. ජ්‍යොතිෂ පැත්තෙන්, නිරීක්‍ෂණය කර බලන විට උඩින්පල්ලෙන් කේන්දර බලලා විවාහ වෙලා තියෙන්නෙ. නොගැළපෙන දෙන්නෙක්. දැළිපිහියෙන් කිරි කනවා වගේ වැඩක් කරලා තියෙන්නේ.

මෙච්චර මේ දියුණු ජ්‍යොතිෂ විiාවක් තිබෙන මේ කාලපරාසය තුළ ඒවා ගැන නොතකා විවාහ වී දෙන්නා දෙපැත්තට යන රටාවක් ඇතිවෙලා.

කේන්දරය කියන්නේ ජීවිතය ඇතුල් පැත්ත හරිහැටි පෙනෙන දකින ක්‍රමවේදයක්.
විවාහයට පා තබන දෙන්නගෙම නිවැරැදි කේන්දර දෙක නිවැරැදිව බැලූ විට දෙන්නට දෙන්නගේ කායික, මානසික ගැළපීම් යහපත්ද යන්න තේරුම් ගැනීමට හැකිවෙයි. කායික ගැළපීම් නොමැති නම් කෙසේද සාර්ථක විවාහයක් ගතකරන්නේ. මේ පිළිබඳව අපට විවෘතව කතා කරන්න බැරි අපේ තියෙන සංස්කෘතමය පිරුවටය නිසයි. බොහෝ දෙනෙක් අමාරුවෙ වැටෙන්නේද මේ කාරණා නිසයි.

පැරැණි අය මේව ගැන කිව්වද යන්න සමහරු අසාවි. පැරැණි අම්මලා අතිශයින්ම රහසිගතව දියණියට විවාහයේ ඇතුල් පැත්තේ හැසිරීම නිදියහන ගැන හොඳින්ම කියල ඉගැන්නුවා. ඒකයි ඇත්ත කතාව. පරණ කතාවක් තියෙනවා දුව සහේට ගන්නවනම් දුවගෙ අම්මගෙ ඔළුව දිහා බලන්න කියලා.
අද අම්මලත් එකයි, දුවලත් එකයි…
ජ්‍යොතිෂවේදී ටී. හෙන්රි බෙම්මුල්ල