ජනවාරි මාසයේ උපන් ඔබට 2026 වර්ෂයේ ජනවාරි මස ඉදිරි සතිය (ජන. 11 සිට ජන 18 දක්වා) කෙසේ ගතවේද යන්න නාඩි ජ්යොතිෂයට අනුව සලකා බලමු. Sri Lanka Latest News
ඔබගේ ආර්ථික තත්ත්වය ගැන සලකා බැලීමේදී තරමක මතභේදාත්මක තත්ත්වයක් සතිය මුල් භාගයේදී ඇතිවීමට හේතු යෙදිය හැක. නමුත් එය ටිකෙන් ටික පහව ගොස් සතිය අග භාගය වනවිට විසඳා ගැනීමට ඔබට හැකියාව ලැබේ. විශේෂයෙන්ම මෙම සතිය තුළදී නව කටයුතුවලට මුදල් යෙදවීමෙන් වැළකී සිටිනවා නම් නුවණට හුරුය. අලුත් කටයුතු ආරම්භ කිරීමට මෙම ජනවාරි මස අග සතිය ඉතා යහපත් වේ. මෙම සතිය තුළදී ඔබ උත්සාහ කළ යුත්තේ තමාගේ අය පක්ෂය ප්රවේශම් කරගැනීමටය. බොහෝ විට රෝග පීඩාදියට මුදල් වැයවීමට ඉඩකඩ පවතී. නමුත් මෙය ඉතා සීමාසහිත කාලයකට බලපායි. බිය නොවන්න.
අධ්යාපනය පිළිබඳ සලකා බැලීමේදී නම් තම සිතෙහි පවතින තරගකාරී ස්වභාවය වැඩියෙන් මතුවන කාලසීමාවකි. ඉදිරිපත් වන සෑම දෙයකින්ම ජය ලබාගැනීමට සිත තුළ සිතුවිලි ජනිත වේ. එය තමාගේ වැඩකටයුතු සාර්ථක කරගැනීමටත්, නොබියව අධ්යාපනයට හා තරග විභාග ආදියට මුහුණ දීමටත් පිටිවහලක් වේ.
ගෘහ ජීවිතය තුළ කටයුතු තරමක මන්දගාමී ස්වභාවයක් ගන්නා අතර සිත තුළ සාමකාමී ස්වභාවයක් ඇතිවේ. දරුවන්ගෙන් ආදරය, ඇල්ම ඇතිවන සතියකි. ආගමික භක්තිය වැඩිදියුණු වී ඒ කටයුතු කිරීම උදෙසා වැඩි කාලයක් වැයකිරීමට සිදුවේ. මේ නිසා ඔබගේ මානසික සෞඛ්යය ඉතා සමතුලිත ආකාරයෙන් පවත්වා ගැනීමට හැකියාව ලැබෙන සතියකි.
රැකීරක්ෂා ආදියට යහපත් වනවා මෙන්ම තමාගේ වැඩකටයුතු ඉතා සතිමත්භාවයෙන් යුතුව සිදුකර ගැනීමට හැකියාව ලැබෙන සතියකි. සතිය අග දවස් කිහිපය තරමක කාර්යබහුල ස්වභාවයක් ගන්නා අතර, නිතර කෙටි ගමන් බිමන් යෙදීමටද ඉඩකඩ පවතී. නව රැකියා අවස්ථාවන්ට මංපෙත් පෑදුණත් ඒවා මෙම සතිය තුළදී ක්රියාත්මක නොකරනවා නම් වඩා යහපත්ය.
ඔබගේ සෞඛ්ය තත්ත්වය ගැන සලකා බැලීමේදී සතිය මුල් කාලයේදී තරමක් දුරට බෝවන රෝග ආදියෙන් පීඩා විඳීමට සිදුවිය හැකි අතර, හැකිතාක් දුරට පොදු ස්ථානවල ගැවසීම සීමා කරනවා නම් යහපත්ය. කුඩා දරුවන් සිටිනා, ජනවාරි මාසයේ උපන් අය තම දරුවන්වද බෝවන රෝග පීඩාවන්ගෙන් ප්රවේශම් කළ යුතුය. ඔවුන්ට ශ්වසන ආබාධ, සමේ රෝග ආදිය සැදීමේ වැඩි නැඹුරුවක් පවතී. එය ඔබේ ආර්ථිකයට පහරක් එල්ල විය හැකිය. මන්ද මෙසේ සෑදෙන රෝග පීඩාදිය දරුවන්ගෙන් පහකර ගැනීමට ඔබට වෙනදාට වඩා විශාල පිරිවැයක් දැරීමට මෙම සතිය තුළදී සිදුවිය හැකි බැවිනි. මෙම තත්ත්වය ගැන වැඩි සැලකිල්ලක් යොමුකිරීමෙන් ජනවාරි උපන් ඔබට මෙම සතිය සාමකාමීව ගතකර ගැනීමට හැකියාව ලැබේ.
මනෝලි බණ්ඩාර
නාඩි ජ්යොතිෂවේදී
0779834889
