මනුෂ්යත්වය හා මිත්රත්වය පෙරදැරිව බිහිසුණු යුද්ධයේ තවත් එක් නොමියෙන මතකයක් තුළින් නලින් රාජපක්ෂ විසින් නිර්මාණය කළ ‘සයනයිඩ්’ චිත්රපටය මෙරට පැවැති යුද සමයේදී වර්දරාජා පෙරුමාල් ඉලක්ක කරගනිමින් සිදුකරන ලද දැවැන්ත සිනමා නිර්මාණයකි. ඉතින් අද ‘මව්රට’ හාට් අපේ කතාබහ වර්දරාජා පෙරුමාල්ගේ චරිතයට පණපොවන ජගත් ගලප්පත්ති සමගයි.Sri Lanka Latest News
ඉතින් ජගත් කොහොමද මේ දවස්වල වැඩකටයුතු?
නලින් රාජපක්ෂගේ ‘සයනයිඩ්’ චිත්රපටයේ මංගල දර්ශනය 26 වැනිදා තිබුණා. ඉතින් මේ දවස්වල නලින් එක්ක රට වටේ ඇවිදින එක තමයි කරන්නේ.
ඔබ සයනයිඩ් චිත්රපටයේ ප්රධාන චරිතයක්?
ඔව්. මට දෙමළ භාෂාව හසුරුවන්නත් පුළුවන් නිසා, චිත්රපටය ගැන විශ්වාසයක් තියෙන නිසාත් මේ චරිතය මම භාරගත්තා.
මේ අවස්ථාව ලැබෙන්නේ දෙමළ භාෂාව හසුරුවන්න පුළුවන් වුණ නිසාමද?
ඒකත් එක ප්රධාන හේතුවක්. නලින් රාජපක්ෂගේ රේන්බෝ චිත්රපටයේ මම මීට කලින් වැඩ කළ නිසා මගෙත් එක්ක වැඩ කරන්න පුළුවන් කියන හැඟීම ඔහුට තිබුණා. මගේ කැපවීම, අවබෝධය තිබුණ නිසා මාව ඒ චිත්රපටයට තෝරගත්තා කියලා මම හිතනවා.
සිංහල කෙනෙක් විදිහට මේ වගේ දමිළ චරිතයක් රඟපාන්න ලැබුණු අවස්ථාව ඔබට අභියෝගයක් වුණාද?
ඇත්තටම මට ඒක ලොකු අභියෝගයක් වුණා. මොකද මේ චිත්රපටය පුරාම මට කතාකරන්න තියෙන්නේ දෙමළ භාෂාවෙන්. එක සිංහල වචනයක්වත් කතාකරන්න නෑ. ඉතින් රංගන ශිල්පියෙක් විදිහට මම කිසිම චිත්රපටයක මේ භාෂාව තුළින් මම රංගනයේ යෙදිලා නෑ. දැනට මම චිත්රපට දහයක විතර රඟපාලා තියෙනවා. මට ඇත්තටම දෙමළ භාෂාව කතාකරන්න පුළුවන්. නමුත් අපි කතාකරන වචනවලට වඩා ගැඹුරු වචන මේ චිත්රපටයේ තිබුණා. යුද්ධය සම්බන්ධව ලියැවුණු තිර පිටපතක් නිසා. අපි සාමාන්ය ජීවිතයේ කතාකරන දෙමළ භාෂාවට වඩා වෙනස්කම් තිබුණා. ඒ අවස්ථාවේ අපේ ප්රවීණ රංගන ශිල්පී රාජා ගනේෂන් මහත්මයා මට ගොඩාක් උදව් කළා. වචනවල තේරුම් කියලා දුන්නා. මේ නිසාම මට රඟපාන එක ලේසි වුණා. ඇත්තටම වචනයේ අර්ථය දැනගෙන රඟපාන්න අවස්ථාව ලැබුණේ රාජා ගනේෂන් මහත්මයා නිසා. ඒ උදව් එක්කම මම ඒ අභියෝගය සාර්ථකව ජයගත්තා කියලා හිතනවා.
වර්දරාජා පෙරුමාල් කියන චරිතය අදටත් ජීවත්ව ඉන්න කෙනෙක්. ඉතින් මේ වගේ සැබෑ චරිතයකට පණපෙවීම ඔබට අභියෝගයක් බවට පත්වෙන්න ඇති නේද?
ඇත්තටම ඔව්. මොකද වර්දරාජා පෙරුමාල් කියන චරිතය මම දැකලවත්, මුණගැහිලාවත් තිබුණේ නෑ. ඔහු සම්බන්ධව මම චිත්රපටය කරන්න කලින් අධ්යනයක් කළා. ඔහුගේ ශරීරය මට වඩා ටිකක් තරබාරුයි. ඉතින් සාමාන්යයෙන් නළුවෙක් කරන්නේ චරිතයට අනුව කෙට්ටු වෙන එක. ඇත්තටම මට කිසිම ව්යායාමයක් නැතුව හොඳට කාලා ඇඟ හදාගන්න පුළුවන් විදිහ චරිතයක් තමයි ලැබුණේ. මට වර්දරාජා පේරුමාල් වගේ රැවුල වවන්න සිද්ධ වුණා. ඉතින් මම හිතනවා මම ඒ චරිතයට සාධාරණයක් කළා කියලා.
චිත්රපටයට ලැබෙන ප්රේක්ෂක ප්රතිචාර කොහොමද?
ඉතාම හොඳයි. සමාජ ජාල වෙබ් අඩවිවල මේ චිත්රපටයට හොඳ ප්රතිචාර ලැබෙනවා. මොකද මේ චිත්රපටය වෙනස්ම ආරයක චිත්රපටයක්. ඉතින් හොඳ ප්රතිචාර තියෙනවා. දැනට තිරගතවෙලා දවස් තුනයි. සතියක් වගේ යනකොට මේ ගැන හොඳ කතාබහක් ප්රේක්ෂකයා තුළ ඇතිවෙයි කියලා මම හිතනවා. චිත්රපටය සාර්ථකයි කියලා මම විශ්වාස කරනවා.
සිනමා කලාවට විතරයි වගේ ඔබ කැමැති?
ඇත්තටම මම වේදිකා නාට්යවල නිරත වුණු කෙනෙක්. කැමරාවක් ඉදිරියේ රඟපෑම සහ වේදිකාව තුළ රඟපෑම අතර වෙනසක් තියෙනවා. ඉතින් කැමරාව ඉදිරියේ රඟපෑම තුළ ප්රේක්ෂකයා තමයි අපේ කැමරාව. අපි ඒ තාක්ෂණය ඉගෙන ගන්න ඕනේ. චිත්රපට කලාවට එන්න කලින් මම ටෙලි නාට්යවල රඟපෑවා. ටෙලිනාට්යවලින් මට අත්දැකීම් ගොඩක් ලැබුණා. මම ව්යාපාරිකයෙක් නිසා දැන් මට ටෙලිනාට්යවල රඟපාන්න ලොකු වෙලාවක් නෑ. නමුත් ටෙලිනාට්ය අමතක කරන්නෙත් නෑ. හොඳ ටෙලිනාට්යයකට හොඳ චරිතයක් විදිහට මට සම්බන්ධ වෙන්න අවස්ථාව ලැබුණොත් මම රඟපාන්න කැමැතියි.
ඔබේ ව්යාපාරය ගැනත් කතා කරමුද?
මම විශාඛා සුවඳ කූරු ව්යාපාරය තමයි කරන්නේ. මේ ව්යාපාරය නිසාම මට චිත්රපට තුනක් නිෂ්පාදනය කරන්න අවස්ථාව ලැබුණා. ඒ තමයි වස්දඬු රාවය, රජදහන, රෝසමල් සයනය කියන චිත්රපට. ඉතින් මේ නිසාම සිනමාවේ නිරත වෙන්නත් මට ඉතාම පහසු දෙයක් වුණා.
කෞෂල්යා ලක්මිණි
