පෙබරවාරි 29 සිකුරු කුජගේ වසඟයට

අප සෞරග්‍රහ මණ්ඩලයේ නවග්‍රහයන් අතරෙන් ග්‍රහලොව සුරතලිය නැතහොත් සුකුමාලිය ලෙස හඳුන්වන සකලකලා වල්ලභ ගුරු පුත්, ශුක්‍ර නොහොත් සිකුරු ග්‍රහයා තවත් ග්‍රහ ගමනකට සැරැසෙයි. ඒ අනුව එළැඹෙන 2020 පෙබරවාරි මස 29 වැනි ශනි දින අලුයම 01.33ට සිකුරු ග්‍රහ තාරකාව ගුරු හිමි මීනයේ සිට කුජ හිමි මේෂ රාශියට පිවිසෙනු ඇත.

සිකුරු යනු නව ග්‍රහයන් අතරෙන් ගුරුට පසුව සිටින සුබම සුබ ස්ත්‍රී කාරක ග්‍රහයාය. පසුගිය මාසයකට ආසන්න කාලයක් මීන රාශියේ බලගතු ගමනක යෙදුනු සිකුරු මේෂ රාශියට පිවිසීම සුවිශේෂී වනු ඇත. විශ්ව කේන්දරයේ ලග්නගත වන සිකුරු ලංකා කේන්දරයේ 3 වැන්නට පිවිසීමෙන් ප්‍රවාහන හා මාර්ග යන අංශයන්හි මෙන්ම ජනමාධ්‍ය අංශයන්හි දියුණුවක් ඇති වනු ඇත. නමුත් මෙම කාලය කාම අපරාධ ඉහළ යන කාලයකි. සිකුරුගේ මේෂ රාශි ග්‍රහ ගෝචරයට අනුව මෙම කාල සීමාවෙහි ලග්න 12 අතරෙන් මේෂ, මිථුන, සිංහ, මකර යන ලග්නවලට විශේෂ සුබ ප්‍රතිඵල උදාවනු ඇත. එසේම එම ලග්නවලට රැකියා හා ධන උපයන මාර්ගවලින් යහපත් හා සුබදායක වනු ඇත.

මෙම සිකුරු ග්‍රහ මාරුව නිසා ඉදිරි මාසයකට ආසන්න කාල සීමාවෙහි රටෙහි ධාන්‍ය සම්පත් බහුල වනු ඇත. එසේම වැසි තත්ත්වයේ වර්ධනයක් වන අතර, කාලගුණ වෙනස්කම්ද බහුල වනු ඇත. විශේෂයෙන් නඵ නිළියන් හා ස්ත්‍රීන්ට මෙම කාල සීමාව අසුබදායකය. එසේම තරුණ තරුණියන් අතර ප්‍රේම සම්බන්ධතා බහුලව ඇති වේ. විවාහ ආශ්‍රිත කටයුතු මෙන්ම රෙදිපිළි හා විසිතුරු භාණ්ඩ සම්බන්ධ කටයුතුවලට මෙම ග්‍රහ මාරුව ආශ්‍රිත කාලය සුබදායක වනු ඇත. එසේම මෙරට සංචාරක ව්‍යාපාරයටද යහපත් වනු ඇත. පොදුවේ ලග්න වශයෙන් ගත් කල සිකුරු මේෂයට පිවිසීම හේතුවෙන් පහත් සඳහන් ප්‍රතිඵල උදා වනු ඇත.
මේෂ
ඔබ මෙම ග්‍රහ මාරුව සමඟ සිකුරු ලග්නයට පිවිසෙනු ඇත. ඒ අනුව ඔබට විවාහ වාසනා උදා වන්නේය. අලුතින් නිවෙස් ඉදිකිරීමට හා දේපොළ මිලදී ගැනීමටත් මෙම කාලය සුබය. යාන වාහන මෙන්ම, විසිතුරු දේවල් හිමි වන කාලයකි. එසේම බිරියගේ පාර්ශ්වයෙන් දායාද හිමිවනු ඇත. පපුවේ සෙම් අමාරු හා ලේ සම්බන්ධ රෝගාබාධ ඇතිවිය හැකිය. සෙම් රෝග බහුල වන අතර යුග දිවි සමඟියට සුබදායක වනු ඇත.

වෘෂභ
මෙම කාලයේ නෑයෙක් හෝ හිතවතුන් සමඟ අමනාපවීමට ඉඩ ඇත. බලාපොරොත්තු වූ ණයක් ලැබෙයි. කාර්ය බහුල කාලයකි. සහෝදරයන්ට අසුබ වෙයි. කෙටි ගමන් බිමන් නම් අධික වේවි. විමසිලිමත් වීම වැදගත්. අනතුරුවලට ලක්විය හැකිය. සහෝදරයන්ට අසුබ වෙයි.

මිථුන
ඔබගේ ජන්ම පත්‍රයේ 11 වැන්නට සිකුරු පිවිසීමත් සමඟින් ඔබට පින්වත් දරුවන් ලැබීමේ වාසනාව හිමි වනු ඇත. පවුලේ හෝ හිතවතකුට ඇතිවන අසනීප තත්ත්වයන් නිසා ඔබට බොහෝ කාලය, ශ්‍රමය, ධනය ඒ වෙනුවෙන් ගත කිරීමට සිදුවනු ඇත. පසුගිය දිනවල පැවැති බාධා යම් පමණක ඉවත් වෙයි. තනතුරු ලාභ ලැබෙයි. උසස් අධ්‍යාපන කටයුතු සාර්ථක වන අතර අලුතින් අරඹන කටයුතු මේ කාලයේ සාර්ථක වෙයි. එසේම මේ කාලසීමාවෙහි ශරීර සෞඛ්‍යය යහපත්ව පවතියි. සිතෙහි ඇතිවන මානසික අසහනය දුරු වෙයි. දරුවන්ගේ දියුණුවට කටයුතු යෙදෙයි.

කටක
ඔබගේ ජන්ම පතේ 10 වැන්නට සිකුරු පිවිසීමත් සමඟින් ඔබට යහපත උදා වීමත් සමඟින් ගේ දොර ඉඩකඩම්, යාන වාහන මෙන්ම මැණික් සම්පත් හිමිවනු ඇත. මෙම කාල සීමාව පින්වත් දරුවන් ලැබීමේ වාසනාව හිමි වනු ඇත. පසුගිය දිනවල පැවැති බාධා යම් පමණකින් ඉවත් වෙයි. තනතුරු ලාභ ලැබෙයි. උසස් අධ්‍යාපන කටයුතු සාර්ථක වන අතර අලුතින් අරඹන කටයුතු මේ කාලයේ සාර්ථක වෙයි. එසේම මේ කාලසීමාවෙහි ශරීර සෞඛ්‍යය පිරිහීමට හැකියාව පවතී. සිතෙහි ඇතිවන මානසික අසහනය දුරු වෙයි. දරුවන්ගේ දියුණුවට කටයුතු යෙදෙයි. පවුලේ හෝ හිතවතකුට ඇතිවන අසනීප තත්ත්වයක් නිසා ඔබට බොහෝ කාලය, ශ්‍රමය, ධනය ඒ වෙනුවෙන් යෙදෙවීමට සිදුවනු ඇත.

සිංහ
ලග්නයෙන් 9 වැන්නේ සිකුරු ගමන් කරන මෙම කාල සීමාව ඔබගේ සමාජ පිළිගැනීම, ප්‍රසිද්ධිය හා කීර්තිය ඉහළ යනු ඇත. විවාහ ජීවිතයේ පැවැති කරදර හා බාධා මෙම කාල සීමාවෙහි පහව යනු ඇත. හදිසි ගමන් බිමන් යෑමට නිතර නිතර අවස්ථාව සැලැසෙන අතර වන්දනා ගමන් හා දුර ගමන්ද යෙදීමට ඉඩ ඇත. ශරීර සැප ලැබීම හා විවාහ වාසනා ඇතිවීමට ඉඩ ඇත. සහෝදරයකුට අපලයක් පෙනේ.

කන්‍යා
සිකුරු ඔබේ ලග්නයෙන් 8 වැන්නේ ගමන් කරන මෙම කාලය ධන සම්පත් හීන වී යන කාලයකි. මෙතෙක් කාලයක් සාර්ථකව පැවැති යම් යම් කාරණාවලට බාධා එල්ල වන කාලයකි. විවාහ බාධා ඇතිවීමට ඉඩ ඇත. සහෝදරයකුට අපලයක් පෙන්වයි. ලැබීම් නොසිතූ ලෙස පහළ යන කාලයකි. දේශපාලනයේ නිරත අයට අසුබ දායක වනු ඇත. තුලා ඔබගේ තුලා ලග්නයේ ලග්නාධිපති සිකුරු ලග්නයෙන් 7 වැන්නේ ගමන් කිරීම මත සතුරු කරදරයකින් ජය ගත හැකිය. බලාපොරොත්තු වූ ණය මුදලක් ලැබීමටද හැකියාව ඇත. මුත්‍රා අමාරු හෝ සෙම්රෝග ඇතිවීමට ඉඩ ඇත. ඔබට මෙම කාලය මිශ්‍ර ඵල දායක වෙයි. අසනීපවලින් යම් සුවයක් අත්වෙයි. ගෘහ ජීවිතයෙහි අය පක්ෂය ඉහළ යනු ඇත. ඔබට විවාහ වාසනා උදාවනු ඇත.

වෘශ්චික
ලග්නයෙන් 6 වැන්නේ ගෝචර වන සිකුරු හදිසි ගමන් බිමන් යෑමට නිතර අවස්ථාව සලසා දෙන අතර වන්දනා ගමන් හා දුර ගමන්ද යෙදීමට ඉඩ ඇත. ඇස්වහ, කටවහ දෝෂ හටගැනීමේ ප්‍රවණතාවක් ඇත. රෙදිපිළි හා වස්තු ලාභ ලැබෙන කාලයකි. ශරීරයේ අලංකාරයට අවශ්‍යf ද් මිලදී ගැනීමට අවස්ථාව ලැබෙන අතර නමුත් මෙම කාලයේදී ප්‍රණීත රසමුසු ආහාරද එතරම් නොලැබීමේ හැකියාව පවතී.

ධනු
ඔබගේ 5 වැන්නේ තැන්පත් සිකුරු ඔබගේ ආදායම් තත්ත්වය ඉහළට ගෙන යනු ඇත. ඇස් රෝග හා මුත්‍රා අමාරු ඇතිවිය හැකිය. මේ කාලයේදී තම ශරීර සෞඛ්‍යය ගැන විමසිලිමත්වීම වැදගත්. විශේෂයෙන් අහුවෙන්නේ නැති ලෙඩ හැදෙන්න පුඵවන්. ඒ නිසා සුබ වගේම අසුබ ඵලත් ලැබෙනවා. මේ කාලසීමාවෙහි ශරීර සෞඛ්‍යය පිරිහීමට හැකියාව පවතිනවා. නමුත් ආදායම් තත්ත්වය යම් ප්‍රමාණයකට වර්ධනය වේවි. සමාජ සේවා, පොදු කටයුතුවලින් ගෞරවය හා පිළිගැනිම ඔබට ලැබේවි. පරම්පරාගත දේපොළ වාසි හිමිවේවි.

මකර
සිකුරු 4 වැන්නේ ගමන් කරන මෙම කාල සීමාවෙහි රැකියාවේ උසස්වීම් වගේම වෙනස්වීම්ද බලාපොරොත්තු විය හැකිය. නීතියට එරෙහිම කටයුතු කිරීම නිසා මුදල් හෝ රැකියාවේ පාඩු සිදු විය හැකිය. සේවක ගැටලු හා ගෘහ නිර්මාණයකට සම්බන්ධ ගැටලු පැන නැඟීමට හැකිය. වා, පිත් සම්බන්ධ රෝගාබාධයක් හට ගැනීමට අවස්ථාව ඇත. ස්වයං රැකියාවල නිරතවන්නන් හට සුබදායකය. රෝගවලට හරියට ප්‍රතිකාර නොගත්තතොත් ඒවායේ සුවය ප්‍රමාද වනු ඇත. ගෘහ ජීවිතය සතුටුදායකය.

කුම්භ
3 වැන්නේ සිකුරු ගමන් කරන මෙම කාලය සතුරු කරදර ඇතිවන අතර රෝග පීඩා හා අස්ථාන බිය ඇතිවනු ඇත. රැකියාවේ උසස්වීම් බලාපොරොත්තු විය හැකිය. පවුල් ජීවිතය යහපත් වන අතර ආදායම් තත්ත්වය ඉහළ යනු ඇත. අලුතින් නිවාස ඉදිකිරීමට හා දේපොළ මිලදී ගැනීමටත්, මෙම කාලයේදී සිත යොමු වෙයි. තරග විභාගවලින් ජය හිමිවනු ඇත.

මීන
සිකුරු 2 වැන්නට පැමිණේ. එදිනෙදා කටයුතුවලදී යම් ආවේගශීලී තත්ත්වයක් දක්නට ලැබෙයි. උසස් කෙනකු හෝ අසල්වැසියන් සමඟ අමනාප වීමට ඉඩ ඇත. දරුවන්ගේ කටයුතු වර්ධනය වන අතර රැකියාවේ අනාගතයට සාර්ථක අවස්ථා ඇතිවිය හැකිය. සමාජයේ පිළිගැනීම ඇතිවන අතර ඔබට අසල්වැසියන්ගෙන් නම් පොඩි පොඩි බාධාද ඇතිවිය හැකිය.

සැ.යු.
ඉහත සඳහන් පලාපල තත්ත්වයන් ඔබේ ජන්ම පත්‍රයේ ග්‍රහ පිහිටීම්, ගත වන මහ දසා හා අතුරු දසා, ග්‍රහයන් උත්පත්තියේදී පිහිටි නැකැත් හා 22 වැනි දෙර්කාණාධිපති, 64 වැනි නවාංශකාධිපතිගේ තත්ත්වයන් හා විවිධ ග්‍රහ දෘෂ්ටි මත යම් පමණක් අඩුවැඩි වීම් සිදුවිය හැකිය.
සම්පත් එස්. කල්පගේ
බණ්ඩාරගම
0382256020, 0772753100