කොළඹ රුසියානු මන්දිරය සහ රුසියානු සාහිත්ය කවය සංවිධාන කරන ‘රුසියානු සාහිත්ය උළෙල’ පසුගිය 30 වැනිදා සවස කොළඹ රුසියානු මන්දිර ශ්රවණාගාරයේදී පැවැත්විණි.
එම උළෙලේ මෙවර තේමාව වූයේ රුසියාවේ දගෙස්තාන මහා කවි රසුල් ගම්සාතොව් ජන්ම ශත සංවත්සර වර්ෂාරම්භයයි. ඒ නිමිත්තෙන් ඉතිහාසයේ ප්රථම වරට ‘රුසියානු කවි සැඳෑවක්’ පැවැති අතර, ආචාර්ය ඩබ්.ඒ. අබේසිංහ, ආරියංශ රණවීර, කරුණාරත්න අමරසිංහ, ආචාර්ය සුනිල් විජේසිරිවර්ධන, කරුණාතිලක හඳුන්පතිරණ, තනුජා ධර්මපාල, දයාරත්න දලවැල්ල, අමල් ශාන්ත මුනින්ද්රදාස, ෆීලික්ස් ප්රනාන්දු, සුධර්මා සුභාෂිණී යන රුසියානු කවි පරිවර්තකයෝ සිය කවි ගායනා ඉදිරිපත් කළහ.
ආචාර්ය රත්න ශ්රී විජේසිංහ, බුද්ධදාස ගලප්පත්ති, නන්දන වීරසිංහ, මහින්ද ප්රසාද් මස්ඉඹුල යන කවීන් සහ සංගීතවේදී නදීක ගුරුගේ අදහස් දැක්වීමෙන් දායක වූ කවි සැඳෑවේ සභාපතිත්වය දැරුවේ චූලානන්ද සමරනායක විසිනි.
මීට සමගාමීව 2021/2022 වසරවල මෙරට පරිවර්තකයන් පළ කළ රුසියානු ග්රන්ථ රැසක් ශ්රී ලංකාවේ රුසියානු තානාපති කාර්යාලයේ පළමු ලේකම්, කොළඹ රුසියානු මන්දිරයේ අධ්යක්ෂිකා මරියා එල්. පොපෝවා මහත්මිය වෙත පිළිගැන්වීමද සිදුකෙරිණි.
රිසියානු සාහිත්යය මෙරට ප්රචලිත කිරීමේ දී සිදුකරන ලද මහඟු මෙහෙවර වෙනුවෙන් ජීවිතයේ එක්වරක් පමණක් පිරිනැමෙන ‘ලියෝ තොල්ස්තෝයි සම්මානය’ පසන් කොඩිකාර (මරණාපරව) සහ මහින්ද සෙනරත් ගමගේ යන සාහිත්යවේදීන් දෙපළට පිරිනැමීද මෙහිදී සිදුකෙරිණි.
